มื้อนี้ ซุมมักหม่วน ขี้คร้านนอนเว็น ผมกะฟ้าวสอน สห.ตุ๊ กะฟ้าวจัดรายการ แล้วกะเลยพากันไปกินข้าวอยู่โท่ง แถวๆ บ้าน ruchi กะเลยถ่ายฮูปมาให้เบิ่ง พอเป็นกะสาย
เริ่มจากเตรียมของไปแซบ กะเจ้านายสั่งให้เอา อันนั้น อันนี้ ผมกะจัดตามสั่งครับ
ขนขึ้นรถเตรียมเดินทาง เจ้านายกะนั่งเทิงรถสั่งอย่างเดียว
เจ้านายกะสั่งให้ขับนิ่มๆ สินอนจักคราว ออกเดินทางสู่จุดหมาย ออกจาบ้าน ห้าโมงเช้า
หลังจากพากันปีนกกไม้ให้มดแดงกัดเล่น กะได้ปลามาต้มยำทำแกง
เจ้านายกะสั่งให้เฮ็ดให้แซบ ผ่อครัวกะเลยลำบากใจจักหน่อย หลุ่นตลอดหว่าสิแซบบ่อ
ผ่อครัวหลุ่นจนเหี่ยแตก ซีมแล้ว ซีมอีก กะหว่าแซบแล้ว แต่สิถืกปากเจ้านายบ่อน้อ
เสร็จเรียบร้อยกะถ่าเจ้านายเผิ่นมาลงมือก่อน ลูกน้องสิได้กินนำ
เจ้านายเริ่มลงมือ ผมจั่งได้กิน ฮู้สึกหว่าแซบแฮง เพราะหว่าเวลาตอนนี้กะ สี่โมงแลงแล้ว
เจ้านายเผิ่นกะหลับทังท่าหนั่งกะได้ เป็นข้อดีของเผิ่นครับ (นั่งเป็นหลับ ขยับเป็นกิน)
โตนี่หละ อุปกรณ์หาปลา ขายกะบ่มีผู่ซื้อ ผมสิเอาเฮ็ดไม้แหย่ไข่หมดแดง ซะบ้อหน่อ
โตนี่กะเป็นอุปกรณ์หานกเขา เริ่มสิเป็นไม้แหย่มดแดงแล้ว
น้าน แหย่มดแดงอีหลีตั๊วนี่ครับ
กินข้าวแล้ว กะไปเบิ่งบั้งไฟ อยู่บ้านไกล้ๆ แถวนั้น ตอนนี่กำลังเอาบั้งไฟขึ้นฮ้าน
มัดหางบั้งไฟให้ดีๆ มัดให้แน่น มัดแล้วฟ้าวลงมา เสียงกรรมการเอิ้นสั่ง
5...4...3...2...1..ไป๊..... เสีงกรรมการสั่งจุดบั้งไฟ
สูงลิบเลยครับ เข้าขี่ฝ้าแล้วครับ ขนาดกล้องกำลังขยายสูงๆ กะเหลียวบ่เห็นดอกครับ หัวหน้าตุ๊ เสียมิดอิ่มสิ่ม เลากะเสียคือเก่า ส่ำซื้อเลข
