บักหมู่ผม จากจ่า มันติดพันตรีแล้ว แต่ยามมาหาผม ผมกะได้ซื้อเหล้าเลี้ยงมันคือเก่า
ยามมีคดีมา กะบ่เห็นมันซ่อยหยังได้ ... ธนาคารอมสิน ซ่อยหลายกั่วซ้ำ อิอิ
ตำรวจทางใด๋สิซื้อเหล้าเลี้ยงเจ้า บ่มีดอก
เรื่องคดีควมสิเว้าให่ฟังกรณีหนึ่ง หลานเขยเป็นเจ้าของรานขายเฟอร์นิเจอร์ ถืกแก๊งค์เปิดร้านใหม่แล้้วสั่งซื้อของ เจ้าเคยได้ยินบ่ มันมาซื้อเฟอร์นิเจอร์รอบแรกจ่ายเงิน รอบหลังๆขอติดไว้ก่อน พฤติกรรมผิดสังเกตุเลยไปแจ้งตำรวจเพื่อจับแล้วเอาของคืน จับไปแล้วกะมีทนายมาประกันโตออกไป(จ่ายกันทอใด๋นั่นกะบ่ฮู้นำดอก) กะซ่างหัวเขาเถาะ แต่หลังจากนั่นกะมีตำรวจน้อยมาหาหลายเขยข่อย มาขอเงิน 5000 เอาไปให่สารวัตร วะซั่น บอกว่าเป็นค่าอำนวยควมสะดวกเพราะมื้อนั่นสารวัตรออกงานเอง สรุปแล้วเลี้ยงข้าวตำรวจมื้อนึง 3000 ค่าอำนวยควมสะดวกอีก 5000 บ๊ะ หาเงินง่ายคักเนาะ กะเลยบอกหลาว่าต่อไปถ่าไปแจ้งควมให่ตำรวจซ่อยเหลือต้องถามก่อนว่า ต้องเสียเงินบ่ ถ่าเสียเงินจ้างกะไปจ้างจิ๊กโก๋ทวงหนี้ดีกั่ว จ่ายค่าจ้างแล้วกะแล้วกันไปบ่ต้องมีบุญคุณผูกมัด อั่นนี้กะว่าสอย
