มาแล้วเด้อพี่น้อง...
มื้อคืนกินเข่าแลงกับท่านประธานเล็ก พร้อมด้วยพรรคพวกสนามยิงปืน มข.
ฟังท่านประธานเว้าประสปการณ์+ ประสปกาม สมัยเป็นบ่าวให่ฟัง คักขนาด
กินไปกินมาเกือบขึ่นรถบ่ทัน
จังได๋กะขอบคุณท่านประธานเล็กหลายๆเด้อครับท่าน สำหรับก้อย+ลาบ
บ่ได้ไปกินร้านนี่โดนแล้ว กะยังคือเก่าอยู่ เจ้าของร้านกะหน้ายาก เด็กเสริฟกะหน้ายาก ปานนั้นคนกะยังหลายอยู่
คือซิแซบคัก เทื่อหน้าซิไปลองจักน่อย
ท่านประธานกินเหล้าอยู่บ่อ? ถามเลา เลาหว่าเลิกกินโดนแล้ว :
..มื้อแลงวานผมไปนั่งกินอยู่อ้านแป้วอินเตอร์ สามคนเหมิดเหล้าหนึ่งกลม เบียร์อีกแปดขวด วินหว่องๆ อีกสองคนบ่อมาเฮ็ดงานเลย
..ลองบราวนิ่ง เอ ๕ ไหล่เขียวปื้อๆ มันส์ขนาด
กินเหล้าแล้วเมือบ้าน ถอดลำกล้องออกมาทำความสะอาด ตื่นมาอีกเทื่อตีสาม หลับคาลำกล้อง มือหนึ่งถือผ้าเช็ดปืน มือหนึ่งถือลำกล้อง...