บทเรียนภาษาอีสาน

[somsakbck]

ภาษาอีสานวันละคำมื้อนี่เสนอคำว่า....แสบบักหูก

              แสบบักหูก เป็นอาการแสบคอ แบบจี๊ดขึ้นมาชนิดขึ้นหูแลยทีเดียว คนสมัยใหม่เรียกว่า อาการกรดไหลย้อน
                             แต่ถ้าหากเป็นสำนวนจะหมายความว่า ไม่อยากพูดถึงเนื่องจากมันแสลงใจ
                เช่น บ่าวโป๊ยเพิ่นถูกผู้สาวหักอกเอา หมู่กะเลยถาม " เอ้าโป๊ย สาวหมูไปไสแล้วหล่ะ บ่เห็นหน้าโดนแล้ว"
"อย่าไปเว้าถึงเถอะ เว่ามามันแสบบักหูก" เป็นต้น..................เอวังฯ

[สหายแป๋ง คนดง]

ไผดอกเว้าพื้น  กินเค่ากะบ่แซบ

[ANDAMAN_101]

ภาษาอีสานวันละคำมื้อนี่เสนอคำว่า....แสบบักหูก..................

             .....................................

ได้ยินมาแต่น้อยเท่าใหญ่เด้อคำนี่  ป่านนี่กะยังบ่เคยเกิดอาการแสบบักหูก จักมันเป็นอาการจังใด๋  แล้วบักหูกนี่มันอยู่ส่วนใด๋ของร่างกาย เป็นหยังจังแสบ   

[น้องสาวหล่า]

ไผดอกเว้าพื้น  กินเค่ากะบ่แซบ

กินเค่าบ่แซบกินแต่ยอดเค่าติเนาะค่ะแซบหนะ บ่อึดดอกพุเว่าพื้นค่ะ

[สหายแป๋ง คนดง]

  สะหลุบแล้วไผตอบคำว่า"แอบ"ถืก  คันฮู้โตกะถ่าเอาลางวัลเด้อ..........................................พ้อหน้ากันพุ้นหล่ะจั่งเอา

[หินเหล็กไฟ]

อาการแสบบักหูกลังเทื่อเป็นตอนกินเหล้าหลายๆแม่นบ่ครับ

[ANDAMAN_101]

  สะหลุบแล้วไผตอบคำว่า"แอบ"ถืก  คันฮู้โตกะถ่าเอาลางวัลเด้อ..........................................พ้อหน้ากันพุ้นหล่ะจั่งเอา

แอบ  เป็นภาษาอีสานหรือว่าภาษาไทยกลาง

เอาควายบักตู้ไปแอบนา เอางัวไปแอบเกวียน
แอบหมาก
บ่าวสองแอบไปมีเมียน้อย

[สหายแป๋ง คนดง]

  สะหลุบแล้วไผตอบคำว่า"แอบ"ถืก  คันฮู้โตกะถ่าเอาลางวัลเด้อ..........................................พ้อหน้ากันพุ้นหล่ะจั่งเอา

แอบ  เป็นภาษาอีสานหรือว่าภาษาไทยกลาง

เอาควายบักตู้ไปแอบนา เอางัวไปแอบเกวียน
แอบหมาก
บ่าวสองแอบไปมีเมียน้อย

  อันตะลายเติบเด้อครับคำตอบสุดท้าย

[ANDAMAN_101]

คำว่า แอบ ในภาษากลางนี่อันตรายเนาะ  แต่ควมหมายในภาษาบ้านเฮานี่มีประโยชน์

[สหายแป๋ง คนดง]

ฝึกอบรม  ทางสปป.ลาวเผิ่นกะเอิ้น"แอบ"เดะครับ

[somsakbck]

ภาษาอีสานวันละคำมื้อนี่เสนอคำว่า ม้ม

               ม้ม หมายถึง ผ่านพ้น , รอดไปได้
              เช่น
                        - เห็นอ้ายจวบยามได๋คือซงจ่อยบ่มีแฮง เป็นตาม้มแล้งบ่หล่ะอ้าย หมายถึง เจออ้ายจวบทีไรยังกับคนป่วย จะผ่านพ้นหน้าแล้งนี้หรือเปล่าหนอ
                        - ยามได๋เมียฮ้าย อายพลทำท่าเก็บเสื้อผ้าใส่กะเป๋าสิไปอยู่หม่องอื่น สามมื้อท่อนั้นหล่ะไปบ่ม้ม กลับมาคือเก่า

เอวัง..................

[ANDAMAN_101]

นปช. ไปบ่ม้ม รัดถะบานกะจักสิม้มบ่ม้ม      แต่ตอนนี่บ่มีศรัตรูกะย่านไปม้มอยู่ สภากะบ่ต้องยุบ อยนู่ต่อไปจนม้ม

[ANDAMAN_101]

เซิน   เซิ่น   
หมายถึงการบินโฉบไปมา         เช่น อีแฮ้งบินเซิ่นมาทางแยกราชปะสง   หมายความว่า คุณแร้งบินโฉบลงมาบริเวณแยกราชประสงค์มองหาของอร่อยๆกินเป็นอาหาร

ทหารขับเครื่องบินเซิ่นมา ถืกบั้งไฟสหายตุ๊ตำตกกลางโท่งนา

[somsakbck]

สม.......

[Na FreedomLife]

เหิง กับ ดน  ความหมายเดียวกันอยู่บ่ค่ะ