ขออนุญาติเปลี่ยนกำหนดการใหม่แหน่จักหน่อยเนื่องจากเบิ่งไปเบิ่งมาแล้วเอาจั่งสี้ดีกั่ว
21 ต.ค 49 เวลา 15.00 น. เป็นต้นไป คณะไทกุงเทพที่มาก่อนประมาณสามคนที่แน่นอน 1 อาวแขก 2อาวกิ๊บ 3 อาวเวิร์ต (นอกนั้นบ่ฮู้ว่าไผสิมานำบ่ทันแน่)ผมสิพาไปยิงนกเจ่านกเขาอยู่บ้านหอยสะเดาพัฒนาก่อน จนฮอดค่ำ แล้วกลับมาซอยกันเฮ้ดแนวกินกินแลง กันจั่งสั้นฟ้าวมาแหน่เด้อมาฮอดปับกะไปเลย บ่อต้องเซามีแฮง น่วนเลย
กลางคืนสิพาไต้นกอี่ลุ้ม(คันน้ำบ่หลาย)
22 ตุลาคม 49 ตั้งแต่เซ้าจนฮอดประมาณ 10.00 น.พิธีขึ้นเถียงนาใหม่ (หามื้อได้มื้อนี่ท่อนั้น23 บ่ได้วันปิยะ) 10.00น เป็นต้นไปจนฮอดประมาณ บ่ายสองไปสนามยิงปืนยิงปืนสั้น ทุกชนิด อาวกล็อก 45 สิเอากล็อก 19 กับปืนซื้อใหม่ไปลองนำ เฮียเล็ก ณ.ขอนแก่นกะสิมาได้มื้อนี้เพิ่นบ่ค้างนำเฮาย้อนว่าย้านผู้สาวถ่าโดน
แล้วเพิ่นสิเอาเหล็กสั้นๆมาหลายชนิด เฮากะพากันยิงอยู่สนามโลดจั่งส่ำบายใจดี ผมให้อาวกล็อก45 เพิ่นรับผิดชอบเกี่ยวกับสนามเหมิดคุแนวย้อนว่าเพิ่นมีลูกน้องอยู่ฮั่น จากนั้น 14.00นเป็นต้นไปไปสนามไรเฟิลบ้านจาน ยิง .223 จัก 50 นัด แล้วกะเมือไปโสกันอยู่เถียงนาผม
23 ตุลา 49 ตั้งแต่เดิกได้แฮงดีไปจนฮอดยามได๋กะได้ ไปกินเข่าป่าบ้านโพนเขวา เลาะแม่น้ำมูล หากินก้อยปลา ยิงนกกะได้อยู่ฮั่นกะเป็นป่าข้างแม่น้ำตามที่เคยไปเล่นกะมีหลายชนิด บ่อว่าสิเจ่า เขา คอก้าก เป็ด ตูม คันน้ำลงพอดีสิได้กินปลามองต่ง มีปลาโจก อี่ตู๋โตใหญ่ๆ คันน้ำหลายกะมีพวกปลามองน้อยๆปลาตอง เอาจั่งสี้ก่อนนอ บาดมาแล้วเปลี่ยนแปลงได้ตามควมพอใจของพี่น้องซุมลาวเฮา
