มีสูตรต้มอึ่งบ่พี่น้อง....
คั่นย่านคาวกะเอาแบบนี้เด้อครับ
หอมแดงเผาจักกำมือ กระเทียมเผา ซ่ำๆกัน พริกขี้หนูแดงๆเผาจัก 10 หน่วย หัวสิงไคเผา 5 หัว ข่าอ่อนเผาอีก 2 แง่ง
คั้นน้ำยานางจักเคิ่งหม้อข้นๆ
เอาเครื่องที่เผามาตำรวมกันพอแตกๆ ข่าซอยเอา ตะไคร้กะปาดห่างๆ
บาดนี้เอาหม้อมาต้มน้ำเปล่าๆจัก 1 ขันให้เดือดดีแล้ว เทอึ่งเป็นๆลงไป ปิดฝาหม้อให้อื่งเล่นน้ำฮ้อน
ให้มันเต้นโซล จนหว่ามิดจี่หลี่แล้วกะยกลง
ตักอึ่งออกมาพักไว้ เทน้ำเก่าถิ่ม
แล้วเอาน้ำยานางขึ้นต้มจนเดือด แล้วเอาครื่องตำกับข่า สิงไคใส่ลงไป
เดือดฟดดีแล้ว กะเอาอึ่งลงไปใส่ ตามด้วยยอดขามอ่อนให้ส้มจักหน่อย
ใบหม่อนลงนำจักกำ มักหอมกะเอาผักอีตู่ข้า ลงไปจักกำ เค็มนัวเติมเอาตามซอบ
สุกดีแล้วกะตักลงมากินกับเหล้าขาวจักขวด
ห้ามกินกับเข้าเด้อ มันขะลำ
บักได๋บ่กินเหล้า อย่าให้มันมาใกล้ เต๋ไปไกลๆ มันสิซดกับแกล้มเจ้าเหมิดดี๊..อิอิ