ของกินบ้านเฮา(อาหารอีสาน)

[สหายแป๋ง คนดง]

เคยได้ยินกะเดี๋ยวนี่ล่ะเห็ดตาโล่  กับบ่กินมันแกวแต่กินทับทิมกรอบนี่กะเหมิดควมเว่า

   เอ๋า....บ่เคยได้ยินบ่ฮู้จักบ้อครับเห็ดตาโล่(เห็ดตางัว)  เอามาแกงแล้วมันสิเป็นใสๆมียางเหนียวๆคือตางัวนี่หล่ะ  ทุกมื้อนี่จั๊กมีบ่บุที่ผมเว้ามานี่ 40 ปีกั่วแล้ว

[อนัตตา]

ผมทันแต่เห็ดหำพระนั่นล่ะ คนกะสรรหาเอิ้นไปทั่ว

[สหายแป๋ง คนดง]

  เห็ดหำพระเห็นหมอกวางโซเวียตมั่งเคยเอามาลงถ้าผมจำบ่ผิด  เห็ดแปลกๆกินบ่เป็นดอกผม
ที่เคยกินมีเห็ดปลวก-เห็ดเผาะ+เห็ดฟาง+เห็ดหอม+เห็ดเข็มทอง-มักแฮงแหม่นเฮ็ดนางฟ้า  โอ๊ยะ..เห็ดนางฟ้า
นอกนั่นบ่ค่อยกินปานได๋เห็ดละโงก -เห็ดก่อ-เห็ดไค-เห็ดเผิ่ง  ตั้งแต่เกิดมากินบ่เกินสามเทื่อ

[อนัตตา]

เห็ดหำพระมันกะบ่ได้แซบอีหยังดอก มันมีหน่อย แม่เก็บมากะต่าหนึ่งสิมีอยุ สี่ห่าดอก ยาดกันปิ้งกินมันเลยแซบ

[สหายแป๋ง คนดง]

  เอาโลดผมผู่หนึ่งหล่ะบ่ยาดนำหมู่  เว้ามากะคึดอยากกินก้อยเห็ดปลวก

[อนัตตา]

ขอสูตรแน้..เป็นตาแซบแท่

[สหายแป๋ง คนดง]

  บ่มีสูตรหยังหลายดอกครับ  แค่เอาเห็ดปลวกไปย่างไฟอ่อนพอให้มันสุกแล้วกะเอามาสีกๆ  ปรุงคือก้อยคือลาบนี่หล่ะ............กินกับเค่ากะแซบ  แกล้มเหล้าแซบๆ

[อนัตตา]

สิไปหาเห็ดฟางเห็ดเฟืองมาก้อยแก้ขัดซะก่อนดอกซั่น
เอา..ไทบ้านไปทางได๋เหมิดนอ..มิดซีลี

[สหายแป๋ง คนดง]

  ทางสีเกดพากันไปเกี่ยวเค่าหนีน้ำ  ทางร้อยเอ็ด-สกลนคร-นครพนม-หนองคายเฮ็ดเวียกตามที่เมียสั่ง  ทางขอนแก่นหมอต็อบ-ลุงกล้วยหล่วยใส่เหล่าขาว
ทางฝ่ายผู่สาวกะผู่บ่าวพาไปเที่ยว  เหลือแต่สองคนหน้าตาดีดีบ่เกี่ยว  บ่มีเมีย  บ่เที่ยว  นั่งคุยกันอยู่นี่

[อนัตตา]

ฮ่า ๆ หม่องท้าย ๆ ถืกใจหลาย แจกแต้มก่อน

[สหายแป๋ง คนดง]

ฮ่า ๆ หม่องท้าย ๆ ถืกใจหลาย แจกแต้มก่อน

  สองคนเฮากะพอเนาะ  ไผอยากหน้าตาดีนำไปหาจับคู่มาเองโลด

[อนัตตา]

ตำหนวดซื่อเบียร์มาฝาก บา..ฮู้จักควมแท่..จักโบกก่อนเด้อ..มาเด้อใหย่แป๋ง

[สหายแป๋ง คนดง]

  เอาก่อนโลดครับ  ผมปวดแอว+ปวดคอมาอีกแล้วของดก่อนจั๊กมื้อสองมื้อ

[อนัตตา]

ลูกพี่เก่าผมสมัยอยู่ชลประทานปวดแอวต่ำ ๆ ตับอ่อนอักเสบแมะ(กินเหล่าคัก) พวกกรวยไตอักเสบกับตับมักปวดแอว มีเวลาไปตรวจแนเด้อครับ

[สหายแป๋ง คนดง]

 ตรวจแล้วครับผมบ่ได้เป็นถึงขั้นนั่น  แค่บั้นเด้าอักเสบจากการออกกำลังกายครับ