มรดกอีสาน... ผญ๋า+นิทานก้อม

[somsakbck]

สวัสดีครับพี่น้องผู้มักผญาทุกท่านครับ....โปรดทราบคิดถึงมาก

                                   โอนอ..เจ้าผู้จันเพ็งแจ้งแสงใสสิบห้าค่ำ  อดให้หลงล่ำเยี่ยมดูพื้นฝุ่นธุลี  แด้ท้อน....

[น้าเสก คนเดิม]

หล่านางเอ้ย....

โตอ้ายนี้เปรียบคือไก่ฟ้า มาสิสู้ผญาหงส์..เผิ่นได่น้อ
เปรียบคือดั่งหิ่งห้อยน้อย....บ่หานสู้ดอกแสงจันทร์...นี่แหล๋วนางเอ้ย

[น้าเสก คนเดิม]

หล่านางเอ้ย...

นกเขาตู้พรากคู่กะยังขัน 
กาเหว่าวอนพรากฮังกะยังฮ้อง
บาดน้องพรากอ้าย..คำเดียวบ่เอิ้นสั่ง...แท่น้อ
แมนบ่เอิ้นสั่งใกล้..กะขอให่เอิ้นสั่งไกล...แนเด้อ หล่าเอ้ย

[somsakbck]

โอนออ้ายเอ้ย....

                  นกเขาหนีไกลเค่าสิเอาใจเว้นจาก  ลำบากเด้สิจากเจ้าฮามเค่าสิขาดแลง
มันแซงไกลมันพร้าวสาวฮามสิไกลบ่าว  เจ้าบ่คิดอ่าวเอื้อส่วนข้อยกะแม่นตาย
                   งัวควายหนีไกลหญ้าบาทาสิไกลเกิบ  หมากเปิบหนีจากต้นคนสิไห้อยากกิน
อินทร์พรหมหนีไกลฟ้าภุมะลาสิไกลคู่  อีมู้หนีไกลด้งสงฆ์สิฮ้างจากธรรม ........อ้ายเอย

[น้าเสก คนเดิม]

หล่านางเอ้ย....

ฤษีไกลอาศรม....ขี่ตมมาไกลน้ำ
บักขามไกลส้ม....ลมมาไกลฟ้า
น้องคือมา...สิไกลอ้าย...น้อบาดนี่

[somsakbck]

โอนอ...  เทียวทางมาจวบน้ำบ่ได้อาบให้เต็มใจ  ขอให้หัวใจคิดคอบพะอวนอยากเห็นหน้า  อ้ายเอย

[น้าเสก คนเดิม]

หล่านางเอ้ย...

แม้สิไกลกายเจ้า  ใจอ้ายกะอยู่นำนาง
บ่มีทางไกลกัน ให้พรากเฮาไกลจาก
แม่นสิอยู่ฟากฟ้า...สิหย่อเป็นแผ่นดินเดียว
ไกลสิบคืนซาวคืน...สิหย่อเป็นคราวมื้อ
คันความฮักมันกินได่.....สิขอกินให้มันอิ่ม
คันความฮักมันเป็นคือน้ำบ่อแก้ว....สิลงล้างอาบสรง...นางเอย

[suchitra]

หล่านางเอ้ย...

แม้สิไกลกายเจ้า  ใจอ้ายกะอยู่นำนาง
บ่มีทางไกลกัน ให้พรากเฮาไกลจาก
แม่นสิอยู่ฟากฟ้า...สิหย่อเป็นแผ่นดินเดียว
ไกลสิบคืนซาวคืน...สิหย่อเป็นคราวมื้อ
คันความฮักมันกินได่.....สิขอกินให้มันอิ่ม
คันความฮักมันเป็นคือน้ำบ่อแก้ว....สิลงล้างอาบสรง...นางเอย

โอ้ยจะแม่นหม่วนหลายบ่านหนิ ม่วนคักค่ะมักฟังยุแต่เว้าบ่อเป็นนำ เกิดบ่อทันค่ะ

[น้าเสก คนเดิม]

หัดเว่าติล่ะครับ...สิได่ขึ้นฮ้านหมอลำนำกัน

[somsakbck]

พระเอกหมอลำคือเถ่าแท้หล่ะ...มันสิลำซอดแจ้งบ่นอ..สิบ่ได้ให้น้ำเกลือตอนดึกซะเบาะท่าน

[น้าเสก คนเดิม]

ฮ่วย...พ่อใหย่ ป.ฉลาดน้อย เถ่าปานใด๋...คือหยังเป็นพระเอกหยู่กะซั่น....เห็นบ่เรื่อง นกกระยางขาว นั่น..หึยส์

[somsakbck]

เอ้า..บ่เถ่ากะบ่เถ่าสั่น...มาเว้าผญามาเฮา

              อ้ายเอ้ย...น้องนี่ปลูกดอกซ้อนซอนดอกอุมฟุม  บานจูมจีตั้งแต่ปลายเถิงเค้า
มีเทิงงูสิงเฝ้าพันเครือเกี้ยวอยู่  เถิงเมื่อยามค่ำคล้อยงูผัดเกี้ยวดอกเดียว.............(คือบ่หลายดอกกว่านี้แน๊นอ.....ยังบ่คักปานได๋วะ.......ฮา)
             

[steam.รักในหลวง]

 

[น้าเสก คนเดิม]

อ้ายเอ้ย...น้องนี่ปลูกดอกซ้อนซอนดอกอุมฟุม  บานจูมจีตั้งแต่ปลายเถิงเค้า
มีเทิงงูสิงเถ่าพันเครือเกี้ยวอยู่  เถิงเมื่อยามค่ำคล้อยงูเถ่าผัดหนีซ่ำ.............(คือบ่หลายดอกกว่านี้แน๊นอ.....ยังบ่คักปานได๋วะ.......ฮา)
             

[somsakbck]

หนีไปเกี้ยวผู้สาวทางอื่นหว่ะติ๊...

                       นกแดดเด้าหากินกายเขต  เขตโตมีบ่แพ้ไปหาเด้าเขตเขา.....(หืย)