มรดกอีสาน... ผญ๋า+นิทานก้อม

[somsakbck]

ขอผลการกระทำในทางบุญนั้นจงเกิดเป็นความสุขแต่ท่านเทอญ.....แฮ่..

[BIGbanana]

ขอผลการกระทำในทางบุญนั้นจงเกิดเป็นความสุขแต่ท่านเทอญ.....แฮ่..

ปานหลวงพอเอาโลด   สาธุนำครับ ฮิๆๆๆ

[somsakbck]

หล่าเอ้ย...." แม่นสาวอื่นตายเป็นเค่าเขียวคือเทาอ้ายบ่เกี่ยว......แต่ว่าคั่นเป็นน้องถึงเป็นเค่าหมากกล้าแกมหญ้าสิค่อยเล็ม
              เล็มบ่ได้สิเอาเขิงมาฮ่อน....ฮ่อนบ่ได้สินอนกลิ้งเกลือกเอา..พุ้นแหล่ว..".....ฝากให้สหายเสกไปทางเมืองแปะแน๊เด้อครับ..

[หินเหล็กไฟ]

ท่านสมศักดิ์ บีซีเค แปลว่าหยังครับ

[somsakbck]

ฉายาตั้งให้กันตอนเป็นเด็กวัดอยู่ในเมืองร้อยเอ็ดครับ(ตอนเรียนเทคนิคร้อยเอ็ดผมอยู่วัด)

[somsakbck]

พี่น้องเอ้ย..." ยามเมื่อชลทาน้ำไหลนองท่วมโท่ง....มดบ่มีบ่อนซ้นปลากั้งอะเห๊ยหัว
                 ยามเมื่อชลทาแห้งวังหนองเขินขาด....มดง่ามมันกะเจาะกะแจะเว้าหัวล่อต่อปลา.."
อันเป็นต้นธารของภาษิตที่ว่า..น้ำมาปลากินมดน้ำลดมดกินปลา........เอวัง

[BIGbanana]

เข่าท่าครับพ่สมศักดิ์ ให่ 1 แต้มครับ

[น้าเสก คนเดิม]

ให่ซีเรียส..ขนาดมื้อนี่...ให่จักแต้มแน

[somsakbck]

เอาไปแต้มนึงครับ...แล้วสิฝากผญาไปตอกย้ำแทน
"....นกเขาเข่าแทนฮังนกอีแอ่น...ปีนี้อ้ายแก่นน้องปีหน้าสิแก่นไผ...นออ้ายเอ๊ย..".......

[soveat ชุมไพร]

สอยๆ

   นกขี่ถี่กะสี้ท่างห่าท่าง  ฮ้างงงงงงสามผัวกะหลมหัวงั่วน่อย   

อ้างอิง พ่อไหย่นพดล  ดวงพร  แห่งวงเพชรพิณทอง   

[น้าเสก คนเดิม]

สอย ๆ พี่น้องฟังสอย.....

นกขี่ถี่บินสั้นบินยาว.......ขาขาว ๆ มีแต่ตุ่มหอยคัน..อันนี่กะสอย

[somsakbck]

ผญามื้อนี่....
 " นางเอ้ย.....เจ้าผู้เวินวังกว้างปูปลาคือสิแก่น....ฝูงหมู่เงือกและแข้คือสิกุ้มแก่นวัง...น๊อนาง"....ตามธรรมเนียมคนผู้งามมักมีคนมาจีบหลาย....ขอรับกระผม

[BIGbanana]

ครับผม 

[น้าเสก คนเดิม]

นางเอ้ย....มากินเหล่าขาวนำกันเด้อ

[somsakbck]

ฟังท่านเสกแล้วอารมณ์ค้างหลายเทื่อแล้ว...