มรดกอีสาน... ผญ๋า+นิทานก้อม

[somsakbck]

ผัดว่าอีกหล่ะ....แล้งไสอีก...คือว่าฝนตกดีแท้...

[น้าเสก คนเดิม]

นางเอ้ย...อ้ายขอนอนนำเจ้าขอเซาเฮือนสิได้บ่ ขอลี้ตะหล่างเล้า ขอเข้าตาหล่างเฮือน....แอ่ม

[somsakbck]

ผู้สาวกะตอบมาว่า....."คันบ่ย้านขาล่อยกะขึ้นมาเทิงเฮือนโลด" พะนะ

[น้าเสก คนเดิม]

โตอ้ายนี่...เปียบคือควายบักเลเถ่า..เขาปกตาก่มซุ่มซู่
นอนพู่ลู่พี่ลี่..นอนลี้เกียกขี่ตม
ว่าแมนโงเงขึ้น เห็นฮั้ว..สวนเบ็ดเขาใส่
ฮั้วสี่ด้าน ห้าด้านสิโคมเข่าท่าเดียว.......บ่ย้านดอกนางเอ้ย

[somsakbck]

ผู้สาวกะตอบมาอีกว่า...

           น้องนี่คือปลาเข็งข่อนในหนองน้ำเขินขาด  ฝนบ่มาโผดให้สิตายย้อนขาดฝน

มาโคมให้ทานจักบาดแน๊เถาะอ้าย....พะนะ

[น้าเสก คนเดิม]

นางเอ้ย...ให้เจ้าแปลงตนไว้ ธรรมเนียมคือนกเจ่า
ยามเจ่าบินเจิดเจ้ย สิขาวเปลื้องดังนกยาง
แนวว่าทองคำนี้ ตกดินบ่หมองหม่น
แม้ผ้าฮ้ายห่อไว้ กะยังเลื่อมดังเดิม..เด้อนาง

[somsakbck]

อ้ายเอ้ย...
      ทั้งหลายเพิ่นกักขังเลี้ยงฝูงคนมีโทษ   น้องนี่ผัดกักฮักไว้สิมีเรื่องกับพี่ซายผู้เดียวแหล่วอ้าย.....

ระวังหมู่ปิ่นโตน้อยเด้อบาดนี่....ฮ่า

[น้าเสก คนเดิม]

ฮ่วย...นางเอ้ย...ได้ยินเจ่าป่าวฮ้อง งัวเจ้าของอย่าฟ่าวว่า..เด้อ
ห่าเป็นแนวซาดเซื้อ เสือฮ้ายซิคาบคอ เอาเด้...อ้ายว่า

[somsakbck]

แม่นอยู่ท่าน.....
     เห็นว่าเอ๊บๆฮ้องอย่าฟ้าวว่าเสียงกบ  ลางเทื่อเป็นทำทานสิตอดตายบ่ทันฮู้

แต่ว่างูทำทานสิสู้งูหมู่ซุมเฮาได้บ๊อน๊อ.....แต่ละคนว่าซั่น..คักแท้ๆ

[น้าเสก คนเดิม]

นางเอย...คนผู้งามจั่งน้อง อยากจูงแขนลากเข้าห้อง...ตีนยันประตูข่างนั่น...มือยันประตูข้างนี่...เล่นมู้มี่สองคน...เบิ่งน้า  

[somsakbck]

ผู้สาวกะสิว่า...." คะซั่นน้องสิเป็นคนจ่ายค่าห้องเองเด้อพี่" ....พุ้นแหล่ว.....

[hare]

ต่อผะหยากันล่ะครับบาดหนี่ 

[น้าเสก คนเดิม]

ตกกระเทิน...คั่นเป็นไก่ สิขอเป็นไก่เดือย
ตีบ่เด่น...เอ็นบ่ได่...สิขอเอาเดือยอ้าง
อกตั้งเที่ยง...ขนคอตั้ง งามเด่นเป็นสง่า
ขนหางยาวโง้ง...คือสิได่ต่อเติม...พู้นแล้ว..นางเอ้ย    

สหายเสก 16.03

[hare]

ขนาดพิมพ์ในเน็ตฯ ยังส่ำนี่ ขั่นฮ่องสิสำได๋น๊อครับอ๊ายเสก 

[somsakbck]

หล่าเอ้ย.....

          ว่าแม่นงูเห่ากะคือจั๊งบ่มีตา   ว่าแม่นเป็นงูสากะคือจั๊งบ่มีแข่ว
          ว่าแม่นเข้าสุดแล้วคือจั๊งครางอยากได้ตึ่มแท้น้อนาง.......

ดันเข้าไปอีกหน่อยนึงซั่นน่ะ.....