มรดกอีสาน... ผญ๋า+นิทานก้อม

[somsakbck]

เขากำลังอินเทรนด์หุ่นแนวนี้หล่ะครับ...

[สหายแป๋ง คนดง]

   ว่าสิส่งเข้าปะกวดทอมไทยแลนด์ฯยุ

[สหายเล็กน้อย]

เห็นหว่าคุณพ่อ มีลูกสาวเลย เลยกราบสวัสดีคุณพ่อไว้แต่เนิ่นๆ  

    ลูกสาวผมเป็นทอม  หล่อคือพ่อมันนี่ตั้วครับ

...พอดีเลยคับ....ผมเป็น เจอรี่ ...

[สหายแป๋ง คนดง]

เจอรี่หือเจอลี้  ออกเสียงคือกัน

[somsakbck]

อากล้วยมาเอาเจอรี่เล็กน้อยไปดกขนไว้ถ่าผมแน๊  ผมไปขอนแก่นยามได๋ผมสิอ่อมหนูขี่ดื้อสู่กิน............(ฮา)

[น้าเสก คนเดิม]

หล่านางเอ้ย....

โตอ้ายนี่เปียบดั่งนกจิบเหลือง จอบเฝ้าข้าวสิสุก
นับมื้อเฝ้ารอคอย ใจบ่ถอยบ่หย่น
ความในใจนกน้อยจับจ้อยจดจ่อ
อยากหย่อสิบมื้อซาวมื้อให่เป็นแค่คืน...ซั่นแล้วนางเอ้ย

[somsakbck]

อ้ายเอ้ย....

     น้องนี่เป็นดั่งสาขาไม้กลางไพรบ่มีหมาก  นกหากบินฮอดแล้วคราวน้อยกะล่วงเลย..

(ขึ้นคานคักๆผู้สาวกะดาย)

[น้าเสก คนเดิม]

หล่านางเอ้ย...

ให่เจ่าเจียมตนไว้ธรรรมเนียมคือนกเจ่า
ยามเจ่าบินเจิดเจ้ย...สิขาวเปลื้องดั่งนกยาง...
คั่นหว่านางเป็นไม้กลางไพรบ่มีหมาก
สิขันอาสาเจ่าเป็นขี่เกี้ยมน้อยหงอยหง่า...เด้อนางเอ้ย

[hare]

บ่อมีอีหยังสิเว่าครับ

นางเอ้ย คันหว่าอ้ายบ่อมักเจ้า ให่เจ้าตายเป็นหมาเหน่าเด้อนางเอ้ย 

[somsakbck]

ย้านเด้อ้าย....
          ย้านอ้ายสิเป็นฟืนไกลหม้อปอทามสิไกลเชือก  ปมเชือกเป็นบาดข่อนสินอนไห้อยู่เดียว...
          

[hare]

ผมต่อบ่อเป็นครับอ้าย จำคำผู่อื่นเพิ่นมาเว่าซื่อ ๆ ดอกครับสอยคำนี่กะคือกันจำเพิ่นมาครับ

สอย ๆ เถ่าสิตายบายของผัวหว่าแหม่นพกหม่ำ จ้ำ ลูก จ้ำ มันสิสวยโรงเรียน 

[somsakbck]

บ๊ะ..ขนาดเริ่มต้นกะได้การแล้วครับสหายกลาง...ต่อไปสิได้เป็นผู้จ่ายผญากับจ่ายกาบเซิ้งยามบุญคักๆ

[น้าเสก คนเดิม]

 

ย้านเด้อ้าย....
          ย้านอ้ายสิเป็นฟืนไกลหม้อปอทามสิไกลเชือก  ปมเชือกเป็นบาดข่อนสินอนไห้อยู่เดียว...
          

นางเอ้ย...

คั่นอ้ายได่น้อง สิพาล่องโขงไปเวียงจันทน์
เอาผ้าแพรสีมันมัน แลกงัวไปแก่ข้าว
คั่นอ้ายได่เจ่า ให่กินหยังกะบ่หว่า
กินหมากะได่ คั่นโตน้องนั่นยอม...ตั่วล่ะนาง

[hare]

จำเพิ่นมาครับผม  

สอย ๆ เถ่าสิตายบายของผัวหว่าแหม่นไก่ตี   อาทิตย์นี้เอาดี ๆ นะลูกแม่  

[somsakbck]

อ้ายเอ๊ย...
  
    ย้านอ้ายหนีไกลน้องสิคองคอยเบิ่งแต่ฮูป  จักสิไปปากเว้าจาต้านกับผู้ได๋...อ้ายเอย