มรดกอีสาน... ผญ๋า+นิทานก้อม

[น้าเสก คนเดิม]

สอย ๆ เถ่าสิตายบายของผัวหว่าแหม่นไก่ตี   อาทิตย์นี้เอาดี ๆ นะลูกแม่  

เอ๋า....ลูกซายไผ๋...มาคือสอยบ่จ่ง....จูงลงถ่งเอาหน่อไม้สับหัวซะบ้อหือ..

อ้ายเอ๊ย...
  
    ย้านอ้ายหนีไกลน้องสิคองคอยเบิ่งแต่ฮูป  จักสิไปปากเว้าจาต้านกับผู้ได๋...อ้ายเอย

หล่านางเอ้ย....

แอวน้อยน้อย..แมนผู่ใด๋ปั้นแต่งน้อนาง
ยามหย่างด้องแด้ง...ปานนางสีดา
อ้ายอยากแปลงตนได่ เปียบพญาครุฑใหย่
แมนอุ้มซูบ่ได่...ใจอ้ายสิถนอม...ดอกนาง

[somsakbck]

ย้านเด้อ้าย.......
   
            ย้านหมากส้มสิไกลเกลือย้านหัวเฮือสิไกลฝั่ง   ดอกสมั่งสิมาไกลจากต้นดมแล้วสิห่างหนี.........อ้ายเอย

[น้าเสก คนเดิม]

หล่านางเอ้ย....

ใจของอ้าย...ปานหินหนักหมื่น
บ่ได่ติคาดลาดเว่า...ใจอ้ายดอกผ่องกัน
คั่นหว่าได่มักแล้ว..บ่แมนส้มสิไกลเกลือ
แมนไกลเหนือไกลใต้....สิหย่อเข่าแผ่นดินเดียว...ตั่วล่ะนาง

[น้าเสก คนเดิม]

ไปทานข้าวก่อนเด้อ.....ฝากผญ๋าไว้เตือนใจ...(ผู่ใด๋แปลได่งาม ๆ มีรางวัลให่)

"อย่าได้วาจาต้านสอนหมาให้หอนเห่า สอนเต่ามุดน้ำคำนั้นบ่ควร..."

[somsakbck]

ผมบ่แปลแต่อยากได้รางวัลแหมครับ....(อ้อน)

[น้าเสก คนเดิม]

บ่ให่ดอก.....ก็เค้ายังรักหญิงอยู่

[somsakbck]

โอ๊ยนอ...ว่าแม่นรางวัลอีหยัง....เอ้าฟังผญาต่อบาดนี่

         บัวขี้แบ้สังมาเกิดกลางหนอง  บัวทองมาเกิดก้ำหัวสวนบ้านเก่า
          บ่อนลึกมาแล่นตื้น  ผัดไปห่งบ่อนเขิน...

(เกิดอาเพศ)

[น้าเสก คนเดิม]

โอ้ยน้อ....

อย่าได้ติเตียนเว้าผักกระเดาขมขื่น บาดกินกับลาบก้อยสิหลงย้องว่าดี

[somsakbck]

หล่าเอ้ย....

          อ้ายอยากได้ไม้บ้านเจ้ามาสานข้องลายสองคือสิคล่อง   ไม้บ้านอ้ายมีบ่แพ้ลำดิ้วบ่ถืกตา

         

[น้าเสก คนเดิม]

อ้ายเอ้ย....

อย่ามาติแถลงเว่า เอาเลามาจักตอก
จักบ่ถืกข้อ หย่อบ่ถืกปล้องมันสิเสี่ยวใส่มือ...เด๊ะล่ะอ้าย

[somsakbck]

 นางเอ้ย...
         
         ตกกะเทินว่าได้ป้ำสินำฮอนเอาทุกหง่า  พร้าบ่บานขวานบ่เป้จำบ้องแม่นบ่เซา....

[น้าเสก คนเดิม]

อ้ายเอ้ย....

ได่ยินคำอ้ายเว่า...สิลอนเอาเหมิดคู่หง่า
บาดน้องแนมเบิ่งพร้า...คมนั่นแมนบ่คือ...แท้น้อ อ้ายเอ้ย

[somsakbck]

ฮ่วย...ลืมเบิ่ง...มีดบ่เข่าซั่นเบาะ

[น้าเสก คนเดิม]

ให่ซื่อ ๆ สิเคียดซ่ำดอก

[somsakbck]

 นางเอ้ย...

            ว่าแม่นงูเห่ากะคือบ่มีตา  ว่าแม่นงูสากะคือบ่มีแข่ว  ว่าแม่นเข้าสุดแล้วสังมาฮ้องให้ดันตื่มแท้นอนาง..........ฮา