มรดกอีสาน... ผญ๋า+นิทานก้อม

[น้าเสก คนเดิม]

ใจเย็น ๆ ครับ...หลังจากเคลียร์ปัญหาส่วนโตแล้ว...ผมแล่นรถสองซั่วโมงนั่นแหละ...ตอนนี้ขอก่อนครับ

อย่าสิไลลืมถิ่ม น้องนุ่งหนูนา..เด้ออ้าย
ห่าแมนรถยางแฟ๊บ...พอสิอาศัยได่หยู่...เด้อ้ายเอ้ย

[BIGbanana]

อิๆๆ

[somsakbck]

อย่าได้ติเตียนเว้าผักกะเดาขมขื่น  บาดว่าพ้อลาบก้อยสิหลงย้องว่าดี
อย่าฟ้าวไลเสียถิ่มผักกะโดนทวนเก่า  ลางเทื่อได้ลาบก้อยยังสิโอ้อ่าวถึง...............(สีนานวล)

[BIGbanana]

ดีครับดี

[น้าเสก คนเดิม]

อย่าสิไลลืมถิ่มควายอีตู้เขาเก  อย่าสุไปหลงหย่องคูโบต้าเผิ่นดี...เด้อพี่น้อง

[somsakbck]

ทั้งหลายเพิ่นเทียวทางแป้นหาขัวแปงไต่  โตมากะเตอะกะเติ่งเต้นโตนห้วยตลิ่งซัน......แท้น๊อ

[BIGbanana]

มักๆๆๆๆ ครับ

[น้าเสก คนเดิม]

อ้ายเอ้ย....

คู่มื้อนี้ของดีดีไทยมีอยู่  อย่าสุติแถลงหย่อง ของนอกเผิ่นหว่าดี...หลายอ้าย

[somsakbck]

หล่าเอ้ย
           ย้านแต่ตั๋วอ้ายเล่นหาวันแล้งเปล่า  ตั๋วอ้ายเว้าพี่น้องหามื้อนั่งคอย.....เด้นอ

[BIGbanana]

ดีครับ

[น้าเสก คนเดิม]

อ้ายเอ้ย...

คั่นว่าน้องมักแล้ว เมียงแกวสิด้นฮอด  แมนว่าสวรรค์มีแท่...ฟ้าแหล่กะสิไปตั่วอ้าย

[somsakbck]

  คันว่าเทียวทางเวิ้งไปมาให้มีหมู่  ลางเทื่อโจรเข่นฆ่ายังสิได้ซ่อยกัน...........

[น้าเสก คนเดิม]

คันว่าเทียวทางเปลี่ยว ไปมาอย่ามีหมู่  ห่าแมนมีโจรปล้น...สิได่ไปนำมัน

[somsakbck]

บ้าติ..

[น้าเสก คนเดิม]

หนังไทยสมัยก่อนเจ่าว่า...พระเอกหือโจร สิได่ปล้ำนางเอกก่อนกัน