มรดกอีสาน... ผญ๋า+นิทานก้อม

[somsakbck]

โจรหล่ะเนาะ...พระเอกมัวแต่เป็นคนดีอยู่หั่น...ตอนจบพุ้นจั๊งพระเอกได้ยืนกอดนางเอกเทื่อเดียว..............(เซ็ง)

[น้าเสก คนเดิม]

ฮิฮิ

[ANDAMAN_101]

โจรหล่ะเนาะ...พระเอกมัวแต่เป็นคนดีอยู่หั่น...ตอนจบพุ้นจั๊งพระเอกได้ยืนกอดนางเอกเทื่อเดียว..............(เซ็ง)

หนังสมัยก่อนโจรได้ปล้ำนางเอกยุ แต่ว่าบ่สำเร็จ พระเอกกับตำรวจไปซ่อยไว้ทัน สมัยก่อน นางเอกดต้องบริสุทธิ์ผุดผ่อง ท้องก่อนพระอกบ่ได้   หนังซุมื้อนี่นางเอกถืกฟันตั้งหลายเทื่อกั่วสิได้พ้อกับพระเอก

[น้าเสก คนเดิม]

ยุคสมัยมันเปลี่ยน   ใจคนอย่าเปลี่ยนนำเด้อ...พี่น้องเอ้ย

[somsakbck]

อย่าสิไลลืมถิ่มพงศ์พันธุ์พี่น้องเก่า  อย่าสุไปหลงย้องเขาพุ้นว่าเพิ่นดี......(เห็นด้วยกับท่านเสกครับ)

[steam.รักในหลวง]

      ใจประสงค์สร้าง     กลางดงกะว่าท่ง
       ใจขี่คร้าน             กลางบ้านกะว่าดง

แปล หากมีใจต้องการทำการใดแล้ว แม้จะยากลำบากปานใดก็ง่าย แต่ถ้าคนขี้เกียจง่ายก็บอกว่ายาก

[somsakbck]

สวัสดีครับท่านเสก,ท่าน steam และ สมช.อีสานทุกท่านครับ

         ตกว่าลงลายม้วนบ่เป็นบุงกะสิให้เป็นต่า  คันบ่เป็นกะซ้าให้เป็นข้องใส่ปลา
         คันบ่เป็นกลอนเฮือนกะสิให้เป็นกลอนเล้า  คันบ่เป็นหยังแท้สิถุยลงเป็นลกไก่
         คันบ่ได้แท้ๆสิยอม้วนเข้าใส่ไห..............

(เฮ็ดปลาแดกโลดเนาะ..คันมันยากหลายน่ะ.....ฮา)

[steam.รักในหลวง]

        สวัสดีสมาชิกทุกท่านครับ  อย่าให้เสียเวลาครับใส้เลยหนึ่งกลอน

       ครันได้กินลาบซิ้น    อย่าลืมแจ่วแพวผัก

       ได้กินภาช์เงินภาช์คำ    อย่าลืมกระเบียนฮ้าง   

แปล ได้ใหม่อย่าลืมเก่า

[steam.รักในหลวง]

        ครันสิเอาะอ่อมจ้ำ    อย่าสิใส่น้ำหลาย

         มันสิใสเจงเลง       บ่เป็นตาจ้ำ

                                                          แปล ทำอะไรให้มีความพอดี

[น้าเสก คนเดิม]

หล่านางเอ้ย..

อ้ายนี่มาคึดฮอดเจ่า จั่งใด๋ต่าวมาหา
คึดฮอดวันคืน ที่เคยเนียมแนบซู้
อ้ายนี่คึดฮอดเจ่า จั่งเอาแนวมาฝาก
ปรารถนาสิมาต้อน จั่งได่ฟ้าวต่าวมา...ซั่นแหล๋วนางเอ้ย

[น้าเสก คนเดิม]

นิทานก้อมรายวัน....เสนอ เรื่อง..

ทิดหม่องแต่งชุดไปทำงานด้วยความรีบร้อน...จึงลืมรูดซิปกางเกง....ลูกน้องสาวเห็นเข้า ถ้าจะบอกทิดหม่องตรง ๆ ก็กลัวลูกพี่อ้ายจึงบอกเป็นนัย ๆ ว่า...
"เจ้านายค่ะ...เมื่อเช้านี้ เจ้านายลืมปิดประตูโรงรถค่ะ"   ทิดหม่องได้ยินเข้า ด้วยความปึกของสมอง จึงไม่เข้าใจ พอสาย ๆ ไปเข้าห้องน้ำจึงรู้ว่าตัวเองลืมรูดซิป...และนึกถึงคำพูดของลูกน้อง พอกลับมาจึงถามลูกน้องสาวว่า
"เมื่อเช้าที่เห็นผมลืมปิดประตูโรงรถน่ะ....เห็นรถสิบล้อจอดอยู่นั่นหรือเปล่า"  ลูกน้องได้ยินเข้าเลยบอกเจ้านายว่า
"อ้อ..ไม่เห็นหรอกค่ะ....รถสิบล้อน่ะ..เห็นแต่มอเตอร์ไซต์จอดอยู่คันหนึ่ง....แถมยางแฟ๊บอีกต่างหากค่ะ"

[somsakbck]

สวัสดีครับท่านเสก,ท่าน steam และสมช.อีสานฯ ครับ

   เพิ่นว่า หญิงใดโป้งแข้งส่วยคิ้วก่องกวมตา  หัวนมมีปานดำแม่นผู้หญิงบุญกว้าง
   ชายใดโอมเอาได้เป็นเมียสิโชคใหญ่  เพิ่นว่าดีประเสริฐแท้ไปหน้าสิฮุ่งเฮือง............พะนะ

(กลับไปเปิดเบิ่งก่อนจักแม่นมีปานดำบ๊อบุ....ฮา)

[น้าเสก คนเดิม]

หล่านางเอ้ย....

ใจประสงค์ต่อไม้ จั่งได่แบกขวานมา
ใจประสงค์ต่อปลา จั่งหาแหลงต้อน
ใจประสงค์สิเลี้ยงหม้อน จั่งได่ปลูกหม่อนไหม
ใจประสงค์ต่อใจ จั่งได่ต่าวมาเฝ้า...นี่แหละนาง

[somsakbck]

 
อ้ายเอ้ย....

            น้องนี่เป็นคือเครือไม้ค้างคาโดนดายเปล่า  ว่าสิขึ้นเกี้ยวค้างลำไม้กะบ่มี............อ้ายเอย

[น้าเสก คนเดิม]

นางเอ้ย....

คั่นน้องเป็นคือเครือไม้ใต้กกกระโดนบ่ตายเปล่า  อ้ายสิซูอุ้มไว้ให้เคียเกี้ยวพันโต............แหละนาง