มรดกอีสาน... ผญ๋า+นิทานก้อม

[somsakbck]

อ้ายเอ้ย....

            น้องนี่คึดต่อดอกคัดเค้าผัดไปบานอยู่กลางดง  คึดต่อเครือพายสงผัดบ่มีลำเกี้ยว....อ้ายเอย

[น้าเสก คนเดิม]

นางเอ้ย....

โตอ้ายนี่เปรียบคือกกยางเถ่า ฮากหยั่งใต้ดิน
ยามลมมาพัดต้อง กะบ่ฮู้ถอนดอก..นางเอ้ย

[jula-รักในหลวง]

อยากแปลภาษาอีสานได้บ่ยากครับกะหาเอาเมียคนอีสานจั๊กคนกะแล่วตั๊วครับ

[น้าเสก คนเดิม]

พี่น้องเอ้ย....

ลมหนาวโชยมาพัดต้อง กายคิงหนุ่มใหญ่
มาคือหนาวสะท้าน เข้าเนื้อแนบใจ..แท่น้อ
ตกมาปีนี้...สิบสี่ปายใจยังสั่น...
ยังบ่มีคู่ซ้อน...พอสิได่อุ่นใจ...แท้น้อ...พี่น้องเอ้ย

เสก 0914 หนู

[น้าเสก คนเดิม]

เถ่าสมสากไปใสน้อมื้อนี้....บ่แมนหนีหนาวไปกับนกนางแอ่นแล้วติ

[BIGbanana]

อิๆๆ

[น้าเสก คนเดิม]

หัวแบบนี้อยากเถ่าบ้อหือ

[BIGbanana]

หัวแบบนี้อยากเถ่าบ้อหือ

บ่มีแนวสิเว่าครับ อิๆๆ

[น้าเสก คนเดิม]

สิถอนบ่กะซั่น...เดี๋ยวบอยจัดให้

[somsakbck]

เถ่าสมสากไปใสน้อมื้อนี้....บ่แมนหนีหนาวไปกับนกนางแอ่นแล้วติ

ยากหลายแนวครับท่าน..

           ยากำกลอยบ่พอน้ำ ยากนำย่ามผ้ากะเตี่ยว ยากนำเกี่ยวบ่ใส่ด้ามกำไว้ได้แต่หลุย
           ยากนำคุยผู้สาวน้อยได้เทียวออยออกจนอ่อน ยากนำมอนบ่คู่ม้อน ยากนำต้อนบ่อยู่ปลา....................

[น้าเสก คนเดิม]

บ่ะ....ถืกจัยข่อยแท่ว่ะ...เอาไป 1....

พี่น้องเอ้ย....

ตกมาปีนี้ สี่สิบปายใจยังหวั่น 
หนาวขึ้นมาปลาขึ้นค่อน...สินอนดิ้นอยู่จั่งใด๋...น้อพี่น้องเอ้ย

[น้าเสก คนเดิม]

 พี่น้องเอ้ย....

คั่นบ่จากบ้าน คือสิบ่เห็นห่าเม็ดฝน
หย้อนความทุกข์ความจน จั่งได่ลาไปจ้อย
คิดฮอดลุงฮอดป้า คิดฮอดอาคิดฮอดหมู่
คิดฮอดปู่ย่าเถ่าเถ่า จักสิเว่านำไผ...
คั่นบ่ออกจากบ้าน คือสิบ่เห็นถ่านไม้ยูง
คือสิบ่เห็นฝูงหมู่ปลา บ่เห็นฝาไม้แอ้ม
มาคือแปลกกว่าบ้าน แปลกกว่าซานเคยอยู่
เห็นเผิ่นผู่ปากแดงจ้อย...ข่อยคือแปลกกว่าไผ..แท่น้อพี่น้องเอ้ย

เสก 0840 หนู

[somsakbck]

ถืกใจหลายครับท่าน..

 คันบ่ออกจากบ้านบ่เห็นด่านแดนไกล  คันบ่ไปหาเฮียนกะบ่มีความฮู้...

ชีวิตต้องดำนินต่อไปครับ      +1 คือกันครับ

[น้าเสก คนเดิม]

ได่คะแนนซ่ำกันแล้ว....อย่าแล่นก่อนข่อยเด้อ

[somsakbck]

โอ๊ะตาย....ลืมเบิ่ง...ท่อกันพอดีอีหลี....ฮ่า...(ผมสิแพ้ท่านกะเรื่องผู้สาวหล่ะเด้อบาดนี่....ฮา)