มรดกอีสาน... ผญ๋า+นิทานก้อม

[worth]

    เอาจั๊กหน่อย..


                  คนดวงดีไปขี่กะพ้อเห็ด....คนดวงเป็ดไปเก็บเห็ดกะพ้อขี่

    แม่นควมคะเจ้าหว่าอีหลี

[น้าเสก คนเดิม]

อ้ายเอ้ย....

เจ่าผู่หัวเดิ้นเกลี้ยง เขียงไม้ขามบ่เกลี้ยงถ่อ
เป็นหยังน้อบ่จ่งให่ผมขึ้น..ให้เหาซ้นอยู่นำ
ให่เจ่าไปหาซื้อ..ยามาปลูกให่ผมป่งเด้อ...อ้ายเอ้ย
ให่มันฮกคือกับดงป่าไม้...หัวสิได่ซุมเย็น

[somsakbck]

โอนอนางเอ้ย...

   หนองกะได้ลาน้ำนาทามกะลาโท่ง  เส้นผมกะยังบ่ป่งพ้นเลยเทิงหงอกเทิงขู.......นางเอย

(ย้อมผมซะบ๊อหือ)

[น้าเสก คนเดิม]

อ้ายเอ้ย...

เส้นผมอ้ายนี่...จักปีหวีเทียหนึ่ง...น้ออ้ายเอ้ย
หือสิปล่อยให่คือฤษีเถ่า...เล่าโกนไม้เป็นหม่องอยู่....ซั่นบ้ออ้ายเอ้ย

[somsakbck]

โอนอ...
            เส้นผมขาวมายาวท่วมยามข่วมซีสังมายากแท้น้อ  หือสิโกนเบิดเสี้ยงย้านมันข่องเงี่ยงปลา....นางเอย

[น้าเสก คนเดิม]

พี่น้องเอ้ย...

เว่าพื้นดงใหญ่กว้าง...ดงไม้กะฮ่มซื่น...
ซุมนกใหญ่น้อย...พลอยได่ซ้นอาศัย
เปรียบจั่งคนเฮานี่...คั่นมีเปี่ยมด้วยน้ำใจ
พี่น้องพลอยได้อาศัย...บุญสิได่เปี่ยมล้น...เด้อพี่น้อง

[somsakbck]

พี่น้องเอ้ย...

      รุกโขไม้ไพรสนแสนส่ำ  ยามเมื่อลมพัดต้องขูข่วนหล่นใบ
อันว่าคนเฮาเถ่าตายไปขูฮ่วง  คือดั่งดวงดอกไม้ใบแห้งล่มเหลือง..พี่น้องเอย

[somsakbck]

พี่น้องเอ้ย...

    อย่าได้วาจาเพี้ยนเครือขอฮอข่มขื่น  คำปากอย่าได้ตื้นคือหม้อปากแบน
อย่าได้แสนแพนหน้าวาจาเว้าโอ่ง  ฝูงพี่น้องพงศ์เซื้อสิบ่มี

(หมายถึง พูดเพราะใครๆก็จะรักจะชอบครับ)

[ดีนะ]

ม่วนดีค่ะ

[somsakbck]

หล่าเอ้ย...

          ย่านี้เถ่าแก่แล้วเนื้อเหี่ยวหนังยาน  หูตาเสียกะบ่คือยังน้อย
         ตีนมือเศร้าตนโตกะเหลืองหล่า  ตาบ่แจ้งหูนั้นกะบ่ใส..

(ขอให้เห็นใจคนชราด้วยนะครับ)

[steam.รักในหลวง]

  ฝนสิตก         อย่าเชื่อดาว
  มีลูกสาว        อย่าเชื่อใจ

[steam.รักในหลวง]

  เพิ่นนั่งไห้         โตอย่านั่งหัว
  เพิ่นชังโต          ให้เที่ยวไปเว้า

[somsakbck]

สวัสดีครับ ท่าน steam กลับมาจากลำปางหลายมื้อแล้วเบาะครับ  ท่านเสกเสียไปไสบุ  เลยได้เว้าผญากันแต่เฮา 2 คนนี่หล่ะครับ...ซามท่านเสกมา

พี่น้องเอย...

      ขมิ้นอยู่สวนซวนกันเป็นหว่าน  ซู้อยู่บ้านกะเป็นเพื่อนซะเลยเตย...

(อยากได้ผู้สาว  บ่อยากได้หมู่มาเพิ่มเด้เดียวนี่.....ฮา)

[steam.รักในหลวง]

สวัสดีครับ ท่าน steam กลับมาจากลำปางหลายมื้อแล้วเบาะครับ  ท่านเสกเสียไปไสบุ  เลยได้เว้าผญากันแต่เฮา 2 คนนี่หล่ะครับ...ซามท่านเสกมา

พี่น้องเอย...
                 ยังบ่ได้กลับครับ ตอนนี้กะยั่งอยู่ลำปางครับ กลับประมาณปลายเดือน
ฮึดฮอดเด้อครับผม

      ขมิ้นอยู่สวนซวนกันเป็นหว่าน  ซู้อยู่บ้านกะเป็นเพื่อนซะเลยเตย...

(อยากได้ผู้สาว  บ่อยากได้หมู่มาเพิ่มเด้เดียวนี่.....ฮา)

[steam.รักในหลวง]

มาแร๊วเอาจังหน่อยเนอะ

                     ฝนตกโห้ง        ไหลโฮมแต่นาขุ่ม
             บ่อนใดโคกจุ้มกุ้ม       ฝนเท้งกะบ่ถอง

แปลคนรวยยิ่งรวยมากขึ้น คนจนยิ่งจนลง