มรดกอีสาน... ผญ๋า+นิทานก้อม

[suchitra]

สิบปีล้ำ........ซาวปีล้ำบ่อเห็นซายมาเว้าต่อ

บัดเทื่อข้าวขึ้นเล่า........จังมาเว้าเก่งแท้น้อ

[somsakbck]

เพิ่นว่า...

                  อันว่าแนวความเว้าของคนมันเกินง่าย  ได้เทิงหงายได้เทิงคว่ำคำเว้าบ่อยู่ควม...นั่นแหล่ว

[suchitra]

อ้ายเอ้ย............

    ให้อ้ายยาวยาวไว้   คือสายโทรเลข
บาดห่าเกิดเหตุฮ้อน  ยังสิได้เผิ่งสาย

[somsakbck]

แม่นอยู่ครับ...เอาไว้ตากผ้าเช็ดตัวกะยังดี(ฮา)

[suchitra]

 

[somsakbck]

โอนอ.....

                  ผักหอมมาอยู่ไกลกุ้งบุงมาหนีไกลหาบ  นกขาบหนีจากซู้ปูสิไห้ต่อไซ
                  ไหมคำไกลคอเสื้อเฮือพายมาไกลถ่อ  นกค่อหนีจากแฮ้วแมวสิไห้ต่อหนู
                  ปูแดงหนีไกลข้องบ่หวังคองคืนคอบ  แม่นว่าผักจอบอุ้มเอาเจ้ากะบ่เป็น
                  อีเห็นหนีไกลเม่นเซ็นเฮือนสิไกลโกบ  กระโสบไกลเค่ากล้องของเจ้าบ่อยากวาง.......

(การพลัดพรากเป็นปกติแห่งโลก)

[suchitra]

สองเขื่อเฒ่าเฮ็ดนากลางโคก

ปีบ่อโชคได้สาม  ปีงามได้สี่  ปีบ่ได้ดี๊ๆ ขายให้สู่คน

[น้าเสก คนเดิม]

หล่านางเอ้ย....

โตอ้ายนี่..เปรียบคือกกไม้เถ่า...ต้นเรียบบ่มีโกน..ตั๊วล่ะหล่า
แนมเบิ่งแมงมอดไม้...สิเจาะโกนกะบ่มี...ฮิฮิ

[suchitra]

แนวเสือเถ่าจำศีลอย่าฟ้าวเซื่อเด้ออ้าย
ลางเถื่อเห็นหมู่เนื้อศีลสิม้างแตกกระเด็น   อ้ายเอ้ย

[น้าเสก คนเดิม]

เอ๊ะ...

นางเอ้ย....อย่าไปหาเว่า...ว่าผักกะเดามันขมขื่น....หาได่กินกับลาบซ้าง...สิหลงหย่องว่ามันดี...เด๊ะล่ะนาง

[worth]

   แม่นใผส่งผย๋าทางมือถือให่ผม..........ฅือบ่ลงซื่อแหน่

[suchitra]

อ้ายเอ้ย.....
อย่ได้เก็บดอกหว่าน  บ้านเผิ่นมาซม
ให้ข่อยงอยซานเก็บ  ดอกกกะเจียวแคมฮั้ว   เด้ออ้าย

[Hang]

ใหญ่แป๋งเป็นเสือเฒ่า บ่มีศีลคนบ่เซื่อ  เด้ออ้าย
ลางเถื่อเห็นผู้สาวน้อย  ศีลสิม้างแล่นไล่กุม   เด้อ้ายเอ้ย

อิอิ  เสร็จเลยตู้แป๋ง  อิอิ

[น้าเสก คนเดิม]

โอ้ยน้อ...อยากหยับสวนหม่อนไปซ้อนสวนหมี่  อยากหยับสวนบักหมี่ไปซอนสวนบักทันเด้...บาดนี่

[suchitra]

ใหญ่แป๋งเป็นเสือเฒ่า บ่มีศีลคนบ่เซื่อ  เด้ออ้าย
ลางเถื่อเห็นผู้สาวน้อย  ศีลสิม้างแล่นไล่กุม   เด้อ้ายเอ้ย

อย่าว่าสั้นติหละ อ.แหง ใหญ่แป๋งเพิ่นเกิดดนซื่อๆ  ไผว่าเลาเถ่า

อิอิ  เสร็จเลยตู้แป๋ง  อิอิ