มรดกอีสาน... ผญ๋า+นิทานก้อม

[suchitra]

หลับตาไปเห็นแต่หน้ามืนตาไปเห็นแต่เพิ่น
น้องอยากหลับอยู่เรื่อยเห็นหน้าอ้ายคุยาม

[หินเหล็กไฟ]

โอ้ยข่อยสิฮ้องให่ ซึ้งหลายย

[น้าเสก คนเดิม]

นางเอย....

อ้ายกะคือนางน้อง....ยามหลับไปใจบ่อยู่
มันคอยสิลอยล่อง...ไปหาน้องอยู่บ่เซา
คั่นแมนอธิฐานได่ สิขออยู่นำนาง
พอได่สร่างซาเซา...ได่บรรเทาความคิดฮอด...ซั่นดอกนางเอย

[somsakbck]

อ้ายเอ้ย...........

               ซ่างมาอยู่ไกลค้างป๋าคอนให้ปะเปล่า  นกเจ่ากะพลอยพลัดฮ้างไกลน้ำล่องลอย
               ฝูงหมู่กลอยมันฮ้างไกลดินพลัดพราก  เค่ากากหนีจากเล้าควายเถ่าสิง่มเหงา
               อันหนึ่ง กาเวาฮ้องไกลผัวทุกข์โศก  กับเทิงโพนโดนฮ้องไกลซู้จั๊งเฮา
               โอนอ..เจ้ามาหนีไกลข้อยคอยไผสิคือฮูป น้ออ้าย  น้องสิไปปากเว้าจาต้านกับผู้ได๋......นออ้ายเอย

[น้าเสก คนเดิม]

นางเอย...

นกเขาตู้พรากคู่กะยังขัน
กาเหว่าวอน พรากฮังกะยังฮ้อง
บาดหว่าน้องพรากอ้าย คำเดียวบ่เอิ้นสั่ง..แท่น้อ
คั่นบ่เอิ้นสั่งใกล้..กะขอให่เอิ้นสั่งไกล...เด้อนางเอย

[somsakbck]

อ้ายเอ้ย.....

          เถิงยามจันทร์ขาวกลั้วจันทร์แดงสิเหยกลิ่น  อ้ายบ่เปลื้องปิ่นหน้าหาน้องกะแม่นตาย
          หลอนว่าบุญหลายได้คืนมาเฮียงฮ่วม  เฮาจั๊งนอนห้องน้อยทางท้ายสว่างวอน...อ้ายเอย

[น้าเสก คนเดิม]

หล่านางเอย....

ฝนตกรินมาเซ้านี้...อ้ายนั่งกินรี...คอยจอบส่อง
คอยตะคองแนมน้อง...สิเปิดป่องออกมาหา
มาทะแม้น้องหล่า...ฟ้าวล้างหน่าออกมาส่อง
มาหาอ้ายคนจอบมอง...นั่งจิบรี...ท่าน้อง...คองถ่าแต่โซดา....โอ้ย..เพียว ๆ มึนตึบ

[น้าเสก คนเดิม]

โอน้อ...

คำผญ๋าล้วน ออกจากใจตน
ย้อนคึดนำคน  ผู้จากไปไกลจ้อย
คอยคองถ่า วันเวลาผันเปลี่ยน
เปลี่ยนบ่เปลี่ยนแต่มื้อ...ใจน้องผันเปลี่ยนนำ...นี่แหล๋ว

[somsakbck]

อ้ายเอ้ย.....

            ขางเฮือนมาไกลขางเล้าสิไปเซาทางท่า  ไก่ป่าเป็นไก้บ้านขันท้าทั่วเมือง
            หลูโตนเด้คำเหลืองข้อยเต็งยอยสิเลร่ำ  ข้าวก่ำไกลข้าวพั้วงัวสิไห้ต่อควาย
            ซายงามไกลสาวน้อยเสมอนำฮอยไก่  แม่นว่าไปไล่ป้องเอาเจ้ากะบ่คืน
  มันหากไกลกันกะด้อไปมากะนานจวบ อ้ายเอ้ย   หมากบวบไกลหมากมี้ปลีกล้วยสิครูดเครือ..........อ้ายเอย

[น้าเสก คนเดิม]

หล่าเอย...

อ้ายฮักน้อง เสมอเนตรตาตน
ฮักบ่เกี่ยงความจน...บ่ห่างหายพาข้าว
อ้ายฮักเจ่า ความฮักบ่มีแปร
แม้เวลาแปรเปลี่ยน กะบ่มีมื้อจาก...ดอกนางเอย

[อนัตตา]

ฮู้ย...ผมมักห่องนี่แบบนี่ละครับ..คิดฮอดบรรยากาศเก่า ๆ แต่ก่อนแต่กี้เนาะ..บ่รวบรวมลงcdไว้แน้บ่ครับ

[น้าเสก คนเดิม]

มือใหม่หัดเว่าครับ.....ภาษากะเป็นภาษาอีสานแบบใหม่....ภาษาเก่า ๆ แบบเถ่าสมศักดิ์..ผมเว่าบ่เป็น

[somsakbck]

น่าน...เป็นคนโบราณบ๊อตรูบาดนี....สิหัดฟังเพลงแร๊ปคือเพิ่นกะซงสิหนวกหู..เอาจั๊งได๋ดีนอ....

[น้าเสก คนเดิม]

เด็กน้อยเอย...

วันเด็กมาอีกแล้ว....สิขอเว่าขวัญเด็ก
เป็นเด็กน้อยเกิดมา....เปรียบคือผ้าขาวแท่
ให้พากันคิดฮอดแม่...ผู่ให้กำเนิดเจ่ามา...แนเด้อ..หล่าเอย
ความทุกข์ยากของแม่นั้น....ปรารถนาให้เป็นความสุขของลูกนี้....นั่นจริงแท่แน่นอน

[หินเหล็กไฟ]

อิอิอิ