มรดกอีสาน... ผญ๋า+นิทานก้อม

[น้าเสก คนเดิม]

  จักหัวอีหยัง....เมาหนูติเจ่า

โอน้อ...

อย่าได้คิดต่อไม้ ลำไผ่ตายขี
อย่าได้คิดนั่งไห้ นำผีตกป่า
อย่าได้คิดนั่งถ้า วันคืนผันเปลี่ยน
ให้เจ้าเพียรต่อตั้ง หวังสร้างใหม่เอา

อย่ามัวนั่งโศกเศร้า มันสิเก่าราศี
มันบ่มีทางดี สิจ่อยโซโตล้า
คอยหาเอาทางหน้า คนงามกว่าเก่า
คันมีหลายแท้ๆ แบ่งมาให้แน่เด้อ....

[น้าเสก คนเดิม]

โอน้อ....พี่น้องเอย

ย้อนเฮ็ดใจยากแท่ คึดต่อแต่นำเผิ่น
เผิ่นผู่เคยสู้แท้ บ่หย่นย่อมานำกัน
มาคู่มื้อนี้ คนดีมาท้อถอย...นี่แหล๋ว..
จั่งได่มาอุดอู้...คึดฮอดนำหา...ซั่นดอกพี่น้อง

[*,,น้องแนน,,*]

อ้ายสหายเสกไปทางใด๋น้อนิ

[steam.รักในหลวง]

   แสดงโตแนครับน้องแนน

[น้าเสก คนเดิม]

หล่านางเอย...

ย้อนว่าคึดฮอดเจ่า...จั่งได่ต่าวมาหา
วันเวลาผันแปร...บ่เฮ็ดให่ใจแปรได่
แมนว่าห่างมื้อนั่น...มื้อนี้สิมาหา....เด้อนางเอย
สิหวนมาหาใจ...ผู่ที่เคยเคียงข้าง...ซั่นดอก..นางเอย

[น้าเสก คนเดิม]

พี่น้องเอย...

ขึ้นว่าเซื้อซาติแฮ้ง...บ่เหม็นสาปกุยกัน
เกิดเป็นคนอีสานให่ฮักแพงกันไว้
ต่างคนจาก ไปหากินแดนอื่น
นับมื้อหวนสู่อ้อม...อิสานนี้...ยังอยู่เดิม...เด้อพี่น้อง

[BIGbanana]

สวัสดีครับ พี่เสก 

[น้าเสก คนเดิม]

หวัดดีคับ...บ่ไปวันเด็กบ้อน้อ

[somsakbck]

พี่น้องเอ้ย....

                  มาเสียดายหัวกลอยข้อยประสงค์ซอยมือตาก  ฝนมาเฮ็ดบาปฮ้ายฮำให้ซุ่มอืน
                  เสียดายเหลาปืนไว้ประสงค์แนยิงใส่  คนหากมาไล่จิ้มบินขึ้นดั่งหงส์......

(เสียดายที่อุตส่าห์วางแผนไว้ แต่กะมีเหตุให้ต้องล้มเหลวครับ)

[steam.รักในหลวง]

     สวัสดีทุกท่านเด้อครับ

[BIGbanana]

หวัดดีคับ...บ่ไปวันเด็กบ้อน้อ

บ่ครับพี่  ติดงานครับผม

[น้าเสก คนเดิม]

ใจประสงค์ต่อไม้ จั่งได่แบกขวานมา
ใจประสงค์ต่อปลา จั่งหาแหมาต้อน
ใจประสงค์ต่อม้อน จั่งได่ปลูกหม่อนไหม
ใจประสงค์ต่อใจ...จั่งได่มาจาเว่า...อยู่นี่แหละ

[หินเหล็กไฟ]

มื้อนี่วันเด็กมีแต่เด็กน้อยเข้าเวบสลอนเลยเนาะ

[somsakbck]

     สวัสดีทุกท่านเด้อครับ

สวัสดีครับท่าน steam มื้อนี่บ๊อได้พาลูกๆหลานๆไปไสติครับ

มื้อนี่วันเด็กมีแต่เด็กน้อยเข้าเวบสลอนเลยเนาะ

มีแต่เด็กหนวด(หงอก)...

[น้าเสก คนเดิม]

อย่าปากแฮง...เดี๋ยวงานเข้า