มรดกอีสาน... ผญ๋า+นิทานก้อม

[น้าเสก คนเดิม]

หล่านางเอย....

ย้อนว่าโตอ้ายนี้...เกิดมาต่ำต้อย...หง่าหงอยกะหมิ่นแหม่
ย้านแต่โตนางน้อง หงอยแล้วสิบินหนี
เฮ็ดจั่งใด๋น้อ....สิมีวาสนาตุ้ม..ได่รับไซ้นางหงส์
ได่แต่ปลง...ใจน้อย...คอยแต่ฟ้าเผิ่นปราณี...ซั่นแหล๋ว...

[BIGbanana]

ไปน้อยใจไผมานอครับผม

[somsakbck]

อ้ายเอ้ย...................

                              ขนาดกุญชโรซ้างพลายสารเกิดอยู่ป่า  ยังได้มาอยู่บ้านเมืองกว้างกล่อมขุน....ดอกเด้..

ขอให้มีกำลังใจเด้อครับ

[BIGbanana]

ดีครับดี

[น้าเสก คนเดิม]

โอน้อ....

พอได่ฟังผญ๋าจ่น...คนเฮาต่างสู้
พอได่มีแฮงใจ...ถางทางบ่ให่ต้อน
ย้อนว่าใจมันฮ้อน...หาได่บ่พอจ่าย
ได่แฮงใจยาอ้าย...จั่งพอได่ไถ่ถอน

หมู่อีสานเฮานี่...ต่างมีดีคู่คนอยู่
แม่นอาบเหงื่อต่างน้ำ..บ่มีหย้านท้อถอย
สิขอเป็นกำลังให่...หมู่เฮาเต้ากลุ่ม
ขอให่พีน้องได่...คำนั้น..คู่คน....เด้อพี่น้องเอย

[suchitra]

คึดฮอดไทยเมียงบุรีรัมย์เด้น้อ  บ่ได้พ้อบ่ได้คุยกันดน

เป็นจังได๋น้อ  ยังซำบายคึเก่ายุบ้อค้า

[น้าเสก คนเดิม]

ซำบายตามอัตถภาพนั่นแหละครับ...สุขแนทุกข์แน...แมนลูกไผน้อ...เป็นตาซังแท่

[somsakbck]

พี่น้องเอย.......

                         เพิ่นว่ายามเมื่อเฮาหนุ่มน้อยให้ฮีบฮ่ำเฮียนคุณ  บุญเฮามีสิใหญ่สูงเพียงฟ้า
                         ไปภายหน้ามีวิชาซ่อยให้ง่าย  ไผผู้เอาแต่เล่นมันสิยากเมื่อลุน................

ป๊ะ....เฮาไปหาเรียนหนังสืออีกเถาะ..ฮ่าเทื่อได้ผู้สาวมาตื่มผู้อยู่เฮือน......ฮา

[น้าเสก คนเดิม]

โอน้อ....อ้ายเอย

คั่นปรารถนาสิสร้าง ให่หมั่นมุ่งถากถางเด้อ..อ้าย
ปราถนาสิสู้ อย่าสิได่ดอกท้อถอย

คั่นว่าปรารถนาสิได่..ไก่แก้วขนงาม
สิตามหาหัวใจ..ปานใจพระลอท้าว
คั่นว่าปรารถนาน้อง นางมัทรีผู้อยู่ป่า
สิขอตั้งหน้ามุ่ง...หน้าด้าน..ไปขอ....    (สวมบทซูซก...บาดนี่)

[somsakbck]

หล่านางเอ้ย.....

                  อ้ายนี้หัวแต่เป็นผิวไม้บ่มีลำนำเพิ่น  น้องบ่เป็นแก่นให้บ่หวังได้ป่งใบ......ดอกเด้

[น้าเสก คนเดิม]

หึยส์....ปานบ่าวขึ้นใหม่เอาโลด

โอน้อ..

คั่นว่าสิเป็นไม้บ่มีลำนำเผิ่น 
อย่าสุหวังเผิ่งอื่นเผิ่งไผไปหน่า
ให่เจ่าตั้งหน่าสู้..สร้างฝันตนโต
มั่นจั่งสิภูมิใจ....ในความเพียรเจ่า...ตั่วล่ะผู่บ่าว

[somsakbck]

โอนอนางเอ้ย..............

                         สังสิมากาดน้ำ ตีเขียดตางกบแท้น๊อ    น้องสิหลงทางพบ หมู่ผีสางฮ้าย
                         พี่บ่อายเจ้าแหล่ว ย้อนเคยพอย อึดอยาก    ซากมาจวบเค่าจ้าว อายเจ้าหล่ะบ่เป็น......

หน้ามึนคือกันหล่ะเอ๊า.....

[น้าเสก คนเดิม]

โอน้อ....

สังสิมาหาเว่า...ติเหล่าต่างกบ
เห็นเป็นโตลายลาย กะสิมาหาเว่า
เห็นแต่ตาเหลี่ยม ๆ สิติต่างว่าแมนกบ
บาดสิถืกยางขี่คันคากเถ่า...โตเจ่าสิเมามาย...ซั่นดอก    (อย่าสุมึนหลาย)

[*,,น้องแนน,,*]

โอน้อ....

สังสิมาหาเว่า...ติเหล่าต่างกบ
เห็นเป็นโตลายลาย กะสิมาหาเว่า
เห็นแต่ตาเหลี่ยม ๆ สิติต่างว่าแมนกบ
บาดสิถืกยางขี่คันคากเถ่า...โตเจ่าสิเมามาย...ซั่นดอก    (อย่าสุมึนหลาย)

เถ่าอีหลีติอ้าย

[somsakbck]

เห็นว่าเอ็บๆฮ้อง อย่าฟ้าวคึดว่าแม่นกบ  ฮ่าเป็นงูทำทาน สิตอดตายบ่มีฮู้....หว่ะติ๊ท่าน