มรดกอีสาน... ผญ๋า+นิทานก้อม

[น้าเสก คนเดิม]

โอน้อ....

สังสิมาหาเว่า...ติเหล่าต่างกบ
เห็นเป็นโตลายลาย กะสิมาหาเว่า
เห็นแต่ตาเหลี่ยม ๆ สิติต่างว่าแมนกบ
บาดสิถืกยางขี่คันคากเถ่า...โตเจ่าสิเมามาย...ซั่นดอก    (อย่าสุมึนหลาย)

เถ่าอีหลีติอ้าย

นำมาแซวผู่เถ่าอีกแล้ว.....ไก่ซนของโต..ขายจักบาทหล่า

[น้าเสก คนเดิม]

เห็นว่าเอ็บๆฮ้อง อย่าฟ้าวคึดว่าแม่นกบ  ฮ่าเป็นงูทำทาน สิตอดตายบ่มีฮู้....หว่ะติ๊ท่าน

หมู่เอย...

พอได่ยินเสียงแคนต้าว มาคือคึดฮอดผู้สาวทางบ้านเก่า...แทน้อ
เจ้าฮั่งมากล่าวเว้า ความเก่าความหลัง
คิดเห็นคราวเมื่อครั้ง...ฟังนิทานยามค่ำ
มันคือมีความสุขล้ำ.......ได่ชมแจ้งแสงเดือน.......

[somsakbck]

หมู่เอ้ย......

                  ตอนแต่เป็นเด็กน้อย บ่เคยคอยสิคึดยาก    มีแต่ม่วนไปหน้า บ่มีฮอดสิห่วงเฮือน
                  ตอนนี้ห่วงเทิงเค่า เทิงเสาเฮือนย้านมันโค่น  ห่วงฮอดโพนป่าอ้อย เมียเทียวป้อย กะห่วงเทอ......กะยังว่า

[น้าเสก คนเดิม]

คักแท่ว่ะ


หมู่เอย...

คั่นสิเว่าความนี้...คือสิสี่สิบปีผ่านล่วง
คึดฮอดความผู่เถ่าเว่า...ฮอดยามเจ่าสิทอดขา
คองแต่ห่วงหน่า ห่วงหลังนำมูลเผิ่น
ห่วงแต่มูลเถ่า ๆ ข่อยย้านเจ่า...สิบ่หยื่น...ซั่นดอก  หมู่เอย

[somsakbck]

หมู่เอย....

           เดียวนี้แฮ่งห่วงหน้า ห่วงปัญญาบ่คือเก่า   ห่วงว่าแนวเคยเว้า รับปากไว้ สิไล่ลืม
           ย้านบ่คือก่อนกี้ กำลังดีบ่มีแผ่ว  ห่วงว่าแอวผู้ข้า มาซ่างล้าค่าบ่มีแท้นอ.......(ฮา)

[น้าเสก คนเดิม]

หมู่เอย...

อย่าสุไปหาเว่า ว่าซุมเฮาบ่มีค่า
ประซาไทเผิ่นได่เพิ่ง  พาย้อนซุมเฮา
เขาเอิ้นหว่า   วัยกำลังหวังสร้าง
บาดว่าผ่านมาจ่น...มัวแต่เล่นนำกิน
นับอายุได่  อีกซาวปี..สิเข้าหก
ตกฮอดยามนั่น...คือสิได่ซอมกิน
ให่เจ่าหาสร้าง...แปลงบ้านสมประสงค์..เด้อหมู่เอย
ห่ามันฮอดยามนั้น.....พลอยสิได่นั่งชม...ซั่นดอก          อ้าว...เว่าไปเว่ามาคือมาเถ่าแท่ว่ะ

[somsakbck]

                     
                     ก่อนนี้หามมัดกล้า ยามไปนาบ่มีเหนื่อย  บ่มีเฉื่อยซักซ้า มาบ้านกะเล่าหาย
                    ตอนนี้มันเจ็บเอ็นเส้น เทิงบักเอ็นเฮากะอ่อน  ย้านได้นอนแอ้งแลงแงงข้างเบิ่งแต่สาว.....ท่อนั้นหล่ะคือ

[น้าเสก คนเดิม]

ฮ่วย...คือเป็นจั่งซั่นน้อบาดนี่

หมู่เอย....

สิขอเป็นกำลังให่ โตเจ่าพ่อคน
วัยกลางคนคือกัน..บ่ให่หามไปทิ่ม
คั่นฮู้หว่าตนบ่กล้า..แฮงขามันอ่อน
อย่าสุนอนเดิกกล้ำ..ยามนั่นบ่มีแฮง
ให่คึดฮอดความผู่เถ่าเว่า...ยามเฮาแฮงอ่อน
ให่หายามาเสริมเจ่า...ยามกินเข่าสิแซ่บดี
เฮ็ดใจเย็นสาเจ่า...ซอมเอาหลานลูก
เล็งหน่าตั้งไว้...แล้วคอยให่ส่งเสริม
สิมุ่งแต่ทางสู้..บ่คึดฮอดดอกแฮงตน
หาเก็บได่จนสิล้น...กะบ่มีทางไซ้
ให่จัยเย็นเด้อเถ่า....ขันเอาดอกทางมุ่ง
สิได่เป็นทางฮุ่ง..ให่แก่ลูกแก่หลาน...ซั่นดอก หมู่เอย

[somsakbck]

หมู่เอย......

              คอบว่าโตเป็นอ้าย เป็นพี่ชายผู้กกหมู่  ซุมพวกน้องน้อยๆ กะคอยได้พึ่งพา
              ตอนบิดาเพิ่นสิ้น ยังบ่ซินความยาก  มาลำบากกะข้อย เงินเดือนน้อยบ่มีเหลือ
                               อดเฮ็ดงานทางนอก มากรอกใส่บ่อนมันหลุบ  จนว่าจุบเดือนสาม น้องซายกะมาสิ้น
                               เบิดบ่อนกินแล้วข้อย คนผู้พลอยถึงคราวยาก  จนบ่อยากเฮ็ดเวียก งานราชบ่อยากสน
             จนหมู่เขากายขึ้น เป็นนายได้เป็นใหญ่  เฮาผู้ไกลแหล่งเว้า ประสงค์ได้แต่เบี้ยกิน
             ให้หมู่ใหญ่ซะเพื่อน คนอยู่เฮือนเฮาบ่อิ่ม  พ่อเฮาเคยเฮ็ดแต่เวียก ตอนนี้กะเป็นเฮา.....................หมู่เอย

[น้าเสก คนเดิม]

ฮ่วย...เว่าไปเว่ามา....ปานหนังซ่องเจ็ดสีแท่....

หมู่เอย...

ได่ฟังความผญ๋าเจ่า มาคือโศกเศร้ารำพัน..แท่น้อ
มีแต่ความเจ็บทุกข์ ย้อนว่าพ่อมาสิ้น
ให่เจ่าเพียรต่อตั้ง..ขันต่อความพ่อ...เด้อหมู่เอย
บุญกุศลนั้น..สิเสริมส่งให้สบาย.....

[somsakbck]

เศร้าปานนี้ เป็นตาสั่งโซดากับน้ำแข็งมาเพิ่นอีกจักชุดบ๊อท่าน...........

[น้าเสก คนเดิม]

เช็คหลังบ้านแนเด้อ....


มาจ่ายผญ๋ากันต่อเถอะ...เมาแล้วเว้ย

หมู่เอย...

คั่นว่าใจสิสร้าง  ทางฮุ่งของโตตน
ขอให่ขันโตเอา หนักเอาเบาสู้
เบิ่งพ่อแม่นั่น...ผันแปรเป็นตัวอย่าง
สิพาทางฮุ่งแจ้ง....ขอเจ่าได่หมั่นเพียร...เด้อหมู่เอย

[somsakbck]

      หมู่เอย.....                   

                         ตอนนี้ลูกหลานเล่นมาเฮือนยามลุงใหญ่  เทิงน้องเขยน้องใภ้มาเล่นยามพ่อลุง
                         เฮ้ดได๋น๊อสิคงไว้กายาให้มันแกร่ง  ให้มันแฮงคือแต่กี้สิแล่นลี้ได้หยอกหลาน

ย้านเถ่ากว่านี้ว่ะ............(ฮา)

[Hang]

โหลๆๆๆๆๆๆๆๆ
      ซุมผู้เฒ่ามาอ่าวโอ้ อุกเลื่องอ่อนหว่าทางเอ็น จ่มใจเศร้าเว้าลำเค็ญ กะย้อนเอ็นหมูบเอ้เล้
      บ่คือเฮาบ่าวส่ำน้อย บ่มีฮอย ดอกเอ็นอ่อน
      มีแต่แค่น มีแต่ข้อน ปานจอนฟอน หลิงใส่งู  พุ้นแหล่ว  โหลๆๆๆๆๆๆๆ

[BIGbanana]

คักๆๆๆ