สวัสดีครับ..พี่น้องมิตรรักแฟนผญ๋า...เซ้านี้ขอยกผญ๋าม่วน ๆ มาจักโบกก่อนนา....
หล่านางเอย...
เจ่าซ่างมาป๋ากันไว้...ลาไลไกลจาก
ข้าวกากลาจากเล้า...ไปแล้วบ่ฮ่ำฮอน
นกกะบินไปจ้อย...ลาคอนซ้อนไม้ใหญ่
มาป๋าถิ่มอ้ายไว้....ไปแล้วบ่ห่วงหลัง.....แท้นอ
นั่งไห้คักๆมื้อนี่.........
ผักหอมหนีไกลกุ้งบุงมาหนีไกลหาบ นกจาบหนีจากซู้ปูได้ไห้ต่อไซ
ไหมคำไกลคอเสื้อเฮือพายสิไกลถ่อ นกคอหนีจากแฮ้วแมวสิไห้ต่อหนู
ปูแดงหนีไกลข้องบ่หวังคองคืนคอบ แม่นสิจกจอบอุ้มเอาเจ้ากะบ่เป็น
เห็นมาหนีไกลเม่นเซ็นเฮือนสิไกลโกบ กะโสบไกลเค่ากล้องของเจ้าบ่อยากวาง...................
ไผคึดฮอดผู้สาวเก่า...มื้อนี้ได้ไห้คักๆ
