มรดกอีสาน... ผญ๋า+นิทานก้อม

[somsakbck]

พี่น้องเอ้ย...........

                        อันว่า ของเพิ่นนี้ แนมไกลดูอาจ  เป็นจั๊งดาวอยู่ฟ้าแหงนหน้าเบิ่งดาย

ดังนั้น...ห้ามเหลือใจกิ๊กผู้อื่น...(ฮา)

[น้าเสก คนเดิม]

หมู่เอย....

แมนว่าดาวอยู่เทิ้งฟ้า....กะสิหานห่าวเอื้อมหยิบ...ดอกหมู่เอย
แมนมันสิยากแค้น...แต่สิตั้งใจสู้เอาดอก...หมู่เอย

[somsakbck]

มื้อนี่มีนิทานก้อมมาฝากครับ...


ชายหนุ่มเดินเข้าร้านขายของที่ระลึกเพื่อซื้อของฝากแฟน.....

                “ผมจะซื้อรองเท้าให้แฟนผมสักคู่ครับ” ชายหนุ่มบอกพนักงานขายสาวสวย
                “แฟนคุณใส่เบอร์อะไรคะ” พนักงานสาวถาม
                “เอ.. ไม่รู้แฮะ ผมลืมถามเธอ”
                “รองดูเท้าฉันก็ได้ค่ะเท่านี้หรือเปล่า ลองจับดูก็ได้นะคะจะได้กะขนาดถูก” พนักงานสาวถอดรองเท้าให้ชายหนุ่มคลำ เพื่อกะขนาด
                 “ผมว่าขนาดเดียวกันนะ” ชายหนุ่มบอกหลังจากคลำไปได้สักครู่หนึ่ง
ตกลงวิธีการของพนักงานสาวได้ผล เธอขายรองเท้าได้คู่หนึ่ง
                “อยากซื้ออะไรอย่างอื่นไปฝากแฟนอีกหรือเปล่าคะ” เธอถาม
ชายหนุ่มหรี่ตาเจ้าเล่ห์
                “เอ่อ.. ผมอยากได้ยกทรงกับกางเกงในสัก 2-3 ตัวน่ะครับ”

[น้าเสก คนเดิม]

   ซ่ำกันคักเนอะ.....บ่แมน ร.ต.ท.ปลอมโตมาติ

[น้าเสก คนเดิม]

พี่น้องเอย....

ลมเอยลมพัดต้อง ใบตองกุงหล่นประปราย 
เสียดายลมหัวกุดต้อง  เป็นลมหล่าส่ามาแฮง 
ลมพัดแสลงหัวใจเว่า..คนเว่าไปกะซ่างเผิ่น
คั่นหลงฟังวาจาเว่า..คือสิค้านคำลือ...นี่แหล๋วพี่น้อง

[somsakbck]

พี่น้องเอ้ย...........

                        เขามักเขากะย้องเขาซังเขากะว่า  คือจั๊งบักเค้าเม้าหมาเถ่าเห่าแต่เขา
                        คันเฮาทำดีแล้วเขาซังกะตามซ่าง  คันเขาเฮ็ดแม่นแล้วเขาย้องกะตามมัน
                        เขาสิพากันท้วงทั้งเมืองกะอย่าเงี่ยง  เขาสิติทั้งค่ายขายหน้ากะอย่าอาย.............

ขอให้ภูมิใจในการเป็นคนดีนะครับ............

[น้าเสก คนเดิม]

พี่น้องเอย...

เกิดมาวาสนาน้อย....โตต่ำดำกา
สิพาพาลพบไผ....ผู่คนบ่พาลพ่อ
เกิดมาวาสนาหย่อ....ปานบักพอกกลางท่ง
บ่มีฮอดนกกากิน...พอสิได่แพร่พืน...นี่แหล๋วพี่น้อง

[somsakbck]

อ้ายเอ้ย...........

                       อย่าได้เหลือใจถ่อนบุญเฮาบ่เคยฮอด  แม่นว่ากอดอุ้มไว้กะยังไห้แอ่วไป............

ให้เขาได้ดีไปซะท่าน............(เห็นใจ)

[somsakbck]

พี่น้องเอ้ย...........

                            ฟังเสียงฟ้าฮ้องตึ้ง กบกะอ่านหนังสือ           เขียดบักแอะ ปรบมือ อึ่งยางร้องเพลงฉ่อย
                            เขียดจะนา ถือแคนน้อย บักหลังซาเป่าปี่        พี่กะคิดฮอดน้อง โทนโท่โถกถี่โถย นางเอ้ย..........

[น้าเสก คนเดิม]

โอ้คักแท่ ๆ 


พี่น้องเอย....

ได่ยินเสียงฟ้าฮ้อง เขียดจะนายินดี
แมงวี่ขึ้นบินเจิด ปานสิได่ตอมหู
ตกมาปีนี้แล้งเหมิดปี...ดอกผมหว่า
แปดสองหนมาปนซ่ำ...คนกะแล้งน้ำใจ

[somsakbck]

พี่น้องเอ้ย.............

                             คันคากจาอวดอ้าง จาแบกขอนจิก          เขียดจะนากินกบ เขียดบักแอะกินช้าง
                             คือจั่งนางกับอ้าย หมายกินดองปูจี่           เดือนสาม เดือนสี่ มาฮอดแล้ว อยากกินต้มเต่าอุดร.............เด้นอ

[น้าเสก คนเดิม]

สมพอแต่บ้านเมืองวิกฤต

[somsakbck]

หล่านางเอ้ย............

                                     พี่นี้คิมมินหน้าหากินหอยจี่     ซีกวีกแข่วหาแห่นหมากกระเบา นางเอ้ย
                                     บ่คือโฉมเฉลาน้องหากินหมากผีผ่วน     เจ้าหากงามอ้วนท้วนหากินต้มเอี่ยนทะเล.........หล่าเอย

วาสนาสิได้กันบ๊อน๊อเฮา.....

[น้าเสก คนเดิม]

หล่านางเอย...

โตอ้ายนี่เปรียบคือนกกระเจ่าดั้ง เรียบฝั่งแคมสระ
เห็นปลาน้อยลอยมา กะอยากกินจนแดดิ้น
เห็นแต่นกกระเต็นเต้น..เจิดบินมากินก่อน
นกเจ่าได่แต่แนมเบิ่งฟ้า..น้ำตาย้อยลงขี่ดิน..ซั่นแหล๋ว

[somsakbck]

หล่านางเอ้ย..........

                คิดฮอดคนมาคือแท้เฮานิแมะ..ซ่างบ่เป็นตาอยู่      เพิ่นสิฮู้อยู่บ่นิว่าทางพี้คิดฮอดแฮง
                 บ่ว่าแลงหรือเซ้าใจเฮากะคิดฮอด        บ่กล้าดอดไปเว้าย่านคะเจ้าเพิ่นคิดซัง
                ได้แต่นั่งอิงความเศร้ากับใจเหงาเงียบมิดหมี่     ทุกนาทีที่ผ่านพ้นทนเทียวท้อแม่นทุกข์หลาย
                 หนทางใจแต่ละมื้อได้แต่ยื้อหยืดคอส่อง         หมั่นมามองเลาะบ้านเจ้าบ่หาญเข้าไปเว้านำ
                คอบว่าย่านรำคาญอ้ายก่อนสิไปฝากไว้ก่อน    แนวที่ห้อยกับหง่ามอนแขวนอ้อนต้อนหน้าบ้านเจ้า
                คือห่อข้าว..ความคิดถึง..เด้อนางเอยย....

คึดฮอดตอนเจ้าของเป็นบ่าวเด้เนาะ............ฮา