มรดกอีสาน... ผญ๋า+นิทานก้อม

[somsakbck]

พี่น้องเอ้ย..............

                             คราวแต่เป็นมันอ้อนไผกะคอนเสียมใส่   บาดว่าเป็นหัวอีมู้ไผกะหิ้วกะต๊ากาย.........

สังขารเปลี่ยน............

[น้าเสก คนเดิม]

พี่น้องเอย....

ตั้งแต่เป็นมันน้อย..กะบ่มีไผคอนเสียมใส่.....พ่อแก่เติบมาแล้ว...แมวน้อยกะมาหลอย...นี่แหล๋ว

สังขารเปลี่ยนใจ......

[somsakbck]

พี่น้องเอ้ย...........

                  ตอนเป็นสาวซ่ำน้อยออยจั๊งได๋กะพออยู่  แต่พอใหญ่ขึ้นแล้วแอ่วฮ้องเอาแต่ใจ.................


เฮ้อผู้หญิง.............

[บ่าวสกลคนโก้]

สสอย สสอย พี่น้องฟังสอย .... 
ขอสอยแหน่เด้อ อึ....
อันว่าหน่วยราชการแบ่งออกเป็นจังหวัด แล้วยังแบ่งเป็นภาค
แบ่งมากๆ จักว่าเฮ็ดอีหยัง เป็นตาซังเอาเหมิดสู่อย่าง
เงินเดือนกะเอา เงินตำแหน่งกะเอา เบี้ยเลี้ยงกะเอา เบี้ยป่วยกะเอา
ราษฎรทุกข์สิตาย เอาหยังครับ เฮอะเฮ่ย จั่งซี้กะว่าสอย
สอย สอย พี่น้องฟังสอย ฟังอย่างเดียว เขาว่าคนโง่ โต้อย่างเดียวเขาว่า หัวแข็ง
ตะแบงอย่างเดียวเขาว่า ผู้แทนพรรครัฐบาล เฮอะ เฮ่ย จั่งซี้กะว่าสอย   

[*,,น้องแนน,,*]

 

[บ่าวสกลคนโก้]

อ้ายน้องเอ้ย 

คนอยู่ในโลกนี้มันหากวนเวียนเกี้ยว ตายไปแล้วเกิด
ไผสิว่าเลิศล้ำ คำนั้นมันบ่ควร ลางเทื่อได้ดีแล้ว ภายหลังได้ชั่ว
ได้ชั่วแล้วไปหน้า ผัดได้ดี หลานเหลนหล่อน บ่ปุนปานย่าเฒ่า 
เด็กน้อยฮู้ตั้งล้าน บ่ปานเฒ่าผู้เดียว พ่อเฒ่าเว้าแล้ว ลูกเขยสิบคนกะบ่เท่า
แสนสิสิบปากเว้า บ่ปานเจ้าผู้เฮ็ดเอง  โอ้ย อากาศเป็นตานอนแท้............ 

[BIGbanana]

มักๆๆ

[บ่าวสกลคนโก้]

  ขอบคุณครับ ๆ 

[BIGbanana]

เอาอีกๆๆๆๆๆ

[บ่าวสกลคนโก้]

อ้ายเอ้ย น้องเอ้ย
อันว่าการเมืองนั้นกะคือกากับนกเค้า
บ่เข้าห่อมแกวกัน หนูกับแมว อยู่นำกันบ่ได้
คือดั่งหินกับไม้พันธนังในป่า พังพอนกับงูเห่า บ่มีมื้อสิถืกกัน ให้จื่อไว้เด้อ ...

[BIGbanana]

กินใจอีกละๆ + 1 ครับ

[บ่าวสกลคนโก้]

กินใจอีกละๆ + 1 ครับ

ขอจั๊ก 10 บ่ใด่บ่คับ ฮ่า ๆ ๆ

[น้องสาวหล่า]

ถ่าก่อนติหละค่ะอ้าย  ชั่วโมงผ่านไปพุ่นแหล่วค่ะ

[บ่าวสกลคนโก้]

ผู้สาวเอ้ย .... 

ได้ยินแต่เสียงหวานเว้ายังบ่เคยเห็นหน้าเจ้าอยากเหาะไปได้บินไปคือนกเด้ สิได้ฮู้แห่งห้อง เฮือนเจ้าอยู่ใส มีเครือเกี้ยวกายใจหรือบ่คันบ่มีเครือเกี้ยว
อ้ายอยากมาขอเกี่ยว มาขอเกี้ยว เป็นฮ่มซ่อยบัง คันว่าบ่ให้เกี้ยว กะขอเทียวเซาฮ่มแหน่ถ่อน
แลงสิส่วงแล้วสิขอฮ้าง ห่างไกล กะได้ดอก… ผู้สาวเอ้ย
คันเป็นของเพิ่นปะถิ่มฮ้าง ลืมเสียสิบ่ว่า  คันเป็นของเพิ่นแพงเมี้ยน สิไกลเว้น บ่อยากชิงเด้อนาง ....

[somsakbck]

นี่......คนหน้าตาดีมีศีลธรรมมาอีกคนนึงแล้วสหายเล็กน้อยเอย......