มรดกอีสาน... ผญ๋า+นิทานก้อม

[Hang]

ฟ้าเอ๊ย
  ยามฟ้าฮ้องกึ้มๆ ฟ้าเคยคึดนำบ่ ... ยามฟ้าแมบ .. แมบๆ ฟ้าคึดพ้อข้อยบ่เด้
  หือหว่าฟ้าลืมสาแล้ว ...ผู้บ่าวแนว  ผู้บ่าวส่า
  คั่นแม่นคำสาบานไว้  ฟ้าลืมได้จั่งแม่นดี  อิอิ  โหลๆ เอ๊อะ  ลืม

[น้าเสก คนเดิม]

บวก..หนึ่งครับครู..............ม่วนหลาย....ฟ้าฮ้องตึ้มขี่ดินแล่นโพ ๆ ๆ 

[บ่าวสกลคนโก้]

สวัสดีครับ 

นางเอ้ย...
คิดฮ้อดน้องนอนบ่อิ่มเต็มตา
ผวานำแต่ความฮักจนจ่อยโซเหลืองไข้
นอนกะนอนบ่ได้คนิงใฝ่ฝันหา
เกือบแม่นมรณาตายคอบนางหลายครั้ง
เกือบบ่ยังมาได้หลายวันวอนแอ่ว
คันแม่นตายกะแล้วคงแคล้วห่วงนาง ดอกเด้อนางเด้อ 

[น้าเสก คนเดิม]

บวกหนึ่งครับ.....ม่วนครับ

[น้าเสก คนเดิม]

หล่านางเอย.....

ย้อนว่าคึดฮอดเจ่า นั่งกอดเข่าอยู่ผู้เดียว
ย้อนว่าคึดนำนาง เผิ่นผู่เคยเคียงข้าง
เหลียวเบิ่งลมเทิ้งฟ้า..ยามพัดมาฟ้าปั่นป่วน
คึดเห็นหน้านางน้อง....ลอยล่องมาแต่ไกล...นี่แหล๋ว..นางเอย

[น้าเสก คนเดิม]

 โอ้น้อ...พี่น้องเอย...

คำผู่เถ่าเผิ่นว่าไว้...ความในใจให้เก็บอยู่
คั่นแมนเปิดปากพ้น..คนเว่ากะแม่นหลาย
ความในเฮียนให่เก็บไว้..ความภายในให้เมี่ยนอยู่
แสนคนอื่นแม่นสิฮู้....มันบ่แท้คือคนใน...เด้อพี่น้องเอย

[น้าเสก คนเดิม]

พี่น้องเอย....เผิ่นหว่าไว่

อันว่าแนวความเว้า  ของคนเฮา  หากแน่นอั่ง
จักอีหยังเป็นหยัง  หากหลั่งมาล่ายล่าย เทิงดีฮ้ายแทรกปน
หนีไปไสกะบ่พ้น  ต้องเจอคารมคน  ท่วมท้น เทียวพ่นใส่
ต่อหน้าดี ลับหลังฮ้าย ใส่ร้ายอยู่บ่เซา
เทิงยามแลง เทิงยามเช้า เป็นห่วงเฮาเฝ้าสอดส่อง
ทำความดี บางทีกะบ่หย่อง  คันบกพร่องผัดทับถม
แม่นสิยืน แม่นสิก้ม  ถืกคารมคนคักแน่
ต้องเจอดีแน่แน่.....คันยอมแพ้....ผัดเย้ยหยัน..... คน เอ้ย

[น้าเสก คนเดิม]

โอน้อ...พี่น้องเอย...

แปดสองหนมาปนแล้ง  ข้าวตายแห้งแล้วเผิ่นหว่า
ฝนสองห่าตกมาซ้อน หนอนกินซ้ำ สู้บ่ไหว
แดดเปรี้ยงเปรี้ยง ยามเซ้า ข้าวยืนตายหลุดโตนหมู่
ได่แต่อดทนสู้ สองมื้อน้อย..น้อย ค่อยค่อยฝืน...นี่แหล๋วพี่น้อง

ฝนทำท่าตกลงมา...ซาวนาฟ้าวเฮ็ดเข่า
ตื่นมื้ออื่นเซ้า...ฝนเซ้าจ้อย..ค่อยหน่าจ๋อย...หลุดโตนซาวนาเด้..บาดนี่

เสก ไฮโล

[น้าเสก คนเดิม]

 หล่านางเอย....

คนผู่จบคือน้อง...แมนไผน้อหมายปอง..ใจน้องอยู่
มาอยากซูอยากซ้อน...คือสิปานหม้อนห่อไหม
ความในใจของบักอ้าย...มักนางเหมิดใจ..ดอกอ้ายหว่า
แมนซาตินี้บ่ได่ซ้อน..ขอซาติหน่าได่อยู่เฮียง....เด้อหล่าเอย


เสก ไฮโล

[น้าเสก คนเดิม]

 โอน้อ...นางเอย..

แนมเบิ่งลมเทิ้งฟ้า เบิ่งเมฆามาลอยล่อง
แนมเบิ่งหน่าน้องเจ่า...มาหลุดโตนเจ่าอยู่บ่วาย
นี่แหละน้อ..วาสนาพาทุกข์ฮ้าย..กายก่ำเกียกขี่ตม
ย้อนว่าเป็นนำตน..ย้อนเป็นคนบ่เพียรฮ้าย

สิขอเอากายาตั้ง...สิพาน้องนางไปจากหมู่
สิขอเอากายาสู้...เอาแฮงอ้ายไปแลกกิน
คิดเสียหว่าซีวิตบ่สิ้น..กะสู้ดิ้นกันไป
ขอแค่นางใจได้อยู่เฮียง...เป็นแฮงใจให้บักอ้าย...กะพอแล้วเด้อหล่าเอย

เสก ไฮโล

[น้าเสก คนเดิม]

โอยเหงา......บ่มีหมู่มิตรรักแฟนผญ๋า

[น้าเสก คนเดิม]

 หล่านางเอย....

ฟังเสียงกบนาฮ้อง....มาคือคึดนำน้องอยู่บ่เซา..แท่น้อ
คึดฮอดมื้อคืนวัน...พากันไปไต่
นางน้องมึนคันแท่ล้ม....น้ำเปียกผม..อยากหัวตื่ม
บาดมาจากกันแล้ว....เฮือน้องแจวบ่ต่าวคืน...นี่แหล๋ว นางเอย

[บ่าวสกลคนโก้]

มาบวกให่อ้ายแล้วเด้อ คาเวียกซ่วงนิบ่ค่อยใด่เข้ามาปานใด๋

[น้าเสก คนเดิม]

ขอบพระคุณครับ....จั่งซี้แนแมะค่อยเว่าคล่องขึ้น...อิอิ

[somsakbck]

หล่านางเอ้ย............


                            ตามฝันไปใจเกินร้อย เรื่องท้อถอยอ้ายบอกผ่าน สิ่งพบพานทุกแลงเซ้า คือเหงาสู้เป็นหมู่กัน
                                           ยามได๋หันเหลียวมองฟ้า ไผกันหนาอาสาซ่อย หนึ่งคนคอยยิ้มให้อ้าย สิหมายจ้อพ้อบ่อนได๋
                            หนึ่งดวงใจยังอ้างว้าง บนทางย่างที่เดียวดาย ทุกความหมายบนทางฝัน อยากมีกันอยู่เด้น้อง
                                          หากมีสองใจเคียงคู่ คงได้หมู่สู้ความเหงา คงได้เฮามาแทนฉัน จูงมือกันกั้นความท้อ
                             เป็นจิ๊กซอชิ้นสุดท้าย เติมความหมายเพื่อบากบั่น คนฮ่วมฝันอยากเป็นเจ้า สิพอเว้าที่รักจ๋า
                                          ตาสบตายามอ้ายเศร้า โตแทนเงามื้อโดดเดี่ยว ใจหนึ่งเดียวบ่อาจสู้ หากขาดคู่ผู้จั่งเธอ น้องสาวเอ๊ย.........

ฝากให้มิตรรักแฟนผญาทุกท่านครับ....โดยเฉพาะผู้บ่าวฮ้างทางเมืองแปะ.........(ฮา)