มรดกอีสาน... ผญ๋า+นิทานก้อม

[somsakbck]

พอดีเลยน้องแนน.....อ้ายเพิ่งสิแล้วเวียก

หล่านางเอ้ย...........

                     เก้าสิฆ่า สิบสิฆ่า ให้เอาแก่นไม้ยูงตี  มาซ่างเอาหัวใจตี ให้เน่านูมในเนื้อ
                     ตายกะบ่ตายแท้ เป็นคือซงสิยาก  อยากกะกินบ่ได้ คาแค้นอั่งทรวง
                     ขอให้มาอยู่ข้างคำคีงให้อ้ายแน๊  จั๊งสิหายพะยาดฮ้ายคายส่องอ้ายสิเสีย..............ดอกนาง

[น้าเสก คนเดิม]

จัดไป..

หล่านางเอย....

อ้ายได่มาพ่อหน่า..ได่มาจาคำเอ่ย
พอได่ฟังนางน้อง...กล่าวอ้างคำเฉลย
ว่านางน้องนี้...อยู่เดี่ยวเปลี่ยวเหงา
บ่มีคนมาพาล...บ่มีเครือสิมาเกี้ยว
อ้ายนี่เหลียวเบิ่งหน้า...คนงามคือมาเปล่า
ย้านแต่ใจนางน้อง..ตั๊วอ้ายบ่กล่าวลา
คั่นว่าโตนางน้อง...บ่มีเครือมาเกี้ยวเอ่ย
สิขอเป็นเครือน้อย...พันเกี้ยวต่อนาง...ซั่นแหล๋วนางเอย

[somsakbck]

อ้ายเอ้ย...........

                              น้องคึดต่อดอกคักเค้า กะผัดไปบานอยู่กลางดง  คึดต่อเครือพายสง ผู้บ่มีลำเกี้ยว
                              พอปานแก่นไม้หล่อน คาดินตายเปล่า  ไผสิขึ้นเกี้ยวค้าง ลำไม้กะบ่มี..............อ้ายเอย

[บ่าวสกลคนโก้]

พี่น้องเอ่ย  ... 

เก้าสิแล้งสิบสิแล้ง ให้แล้งไฮ่นาสวน
ส่วนจิตใจซาวอีสาน อย่าสะมีวันแล้ง
ให้ฮักแพงจ่อจื้น เครื่อเดิมอย่าหลุดหล่า
ให้ กูณาพี่น้อง ปกป้องยู้ซ่อยกัน
อย่าได้หมางเมินฮ้าย อีสานคำน้ำขอดแอ่ง
ขอดแต่อู๋แอ่งน้ำ ใจนั้นอย่าขอดนำเด้อ พี่น้องเอ่ย ... 

         

[lek]

สอยๆ  สิขาวสิดำทางในกะแดงคือกัน   นี่กะสอย

[ฅนบ้านนอก]

                     
                              สอย...สอย...สอย
                               สาวซั่มน้อยบ่ฮู้จัก...รถวิบาก  บานทื่อมือจับดาก
                               ยกล้อเลยเพ้....นี่กะสอยครับ...
                                               จำขะเจ่ามาครับอยากวานั่มเผิ่น..

[lek]

Lao song: ຊິເປັນບໍ່ - Phing Latsamy

[lek]

Noi Sengsourigna - Shining Bird

[น้าเสก คนเดิม]

หล่านางเอย....

แมนหว่าไกลกายเจ่า..ใจอ้ายกะอยู่นำนาง
บ่มีวันหนีหาย..หลบไปจากน้อง
ขอแค่ใจนางน้อง...อย่าแวะกายไปหม่องอื่น
ให้มีเพียงแต่อ้าย...ใจของอ้ายกะบ่แปร....ดอกนาง

[หินเหล็กไฟ]

สงสัยเฮียเล็กสิไปทางเขาแล้วมั้งคุมื้อหนิ

[น้าเสก คนเดิม]

หลอยไปเบิ่งงานคู่อาทิตย์...สิเหลืออีหยัง

ป.ล...ใสหว่าสิไปเอาปืน...ตกลงสิเอารุ่นใด๋เกาะ

[somsakbck]

พี่น้องเอ้ย..............

                    เพิ่นว่า เฮือคาแก้ง เกวียนเห็นให้เกวียนแก่  บาดว่าฮอดแม่น้ำเฮือสิได้แก่เกวียน...................

(พึ่งพากัน)

[น้าเสก คนเดิม]

หล่าเอย........

เห็นอ้ายเสกผู่ขี่ฮ้ายอย่าฟ้าวขี่เฮืดกาย....เด้อหล่า...บาดหว่าเฮือนางหล่ม...พอสิได่ซ่อยกัน..ตั๊วนาง..

พึ่งพาคือกัน

[อนัตตา]

ดีครับดี สวด.เด้อครับอ้ายเสก  สำบายดีคือเก่าน้อครับ

[น้าเสก คนเดิม]

คือเก่าฮั่นล่ะครับ....ซำบายดี..ไปเรื่อย ๆ คือรถขายกบ....คือสิโซคดีคือกันเนอะครับ