มรดกอีสาน... ผญ๋า+นิทานก้อม

[*,,น้องแนน,,*]

จังแมนคักเนอะนิทานนี

[somsakbck]

บวกหนึ่งครับ.......ของผมนิทานเก่าครับเข้าบรรยากาศดำนาพอดี

ผัวเมียคู่หนึ่งดำนาอยู่ข้างถนน...ยามเมียเผิ่นก้มดำนา..กะจ้อนซีนขึ้นสูง ๆ เพื่อหนีน้ำ...มันสูงจนเห็นเหมิด...ซาวบ้านขี่รถกายไปกายมากะปึ้บ......โห่...ฮา...ท้วง..กันมันส์หยด
ผัวทนบ่ไหวเลยบอกเมียหว่า..."เถ่า  ๆ เจ่ากะเบิ่งตีนซิ่นเจ่าแนเป็นหยัง"
บอกหลายเที่ยต่อหลายเที่ย..เมียกะเส้ย....บ่เฮ็ดตามที่ผัวบอก...ผัวทนบ่ไหว...โกยขี่ต้มได่ก้อนบักใหญ่..ปิดแป๊ะ...เข้าหม่องนั้นของเมียพอดี.....เมียเลยเว่าขึ้นหว่า........"เออ...มื้อแลงเจ่ากะกินแบบแหง่ด ๆ นี่ล่ะ"

คันฝ่ายหญิงก้มอยู่เหนือลม ก่อนสิฮอดมื้อแลงย้านฝ่ายชายสิเป็นลมก่อนอยู่..............ฮา..........(อากาศเป็นพิษ)

[น้าเสก คนเดิม]

พี่น้องเอย..

ย้อนความคิดฮอดบ้าน...คิดฮอดซานที่เคยอยู่
คึดฮอดปู่อยู่บ้าน...คิดฮอดหลานอยู่เฮียน
ได่แต่แนมเบิ่งฟ้า...แนมเบิ่งหญ้าแนมเบิ่งดิน
อยากสิบินคือวิหค...ให่มันตกไปฮอดบ้าน...ตกฮอดซานที่เคยเนาว์...เด้

[somsakbck]

บ๊ะ....ท่านเสกเว้าผญาให้สำหรับคนไกลบ้านทุกท่านเด้อมื้อนี่......................(ขอบคุณครับ)

               พี่น้องเอ้ย.........

                                 ส่ำกับสาวอยู่ไกลห้อง ซองพลูไกลสีเสียด  กบเขียดอยู่ไกลน้ำ สิฮามฮ้องซั่วแซว
                                 แมวโพงอยู่ไกลย้าว สาวนางสิเร่ร่อน  กระฮอกด่อนไกลหมากงิ้ว ได้หาแห่นหมากกะเบา..............พี่น้องเอย

มอบให้คนไกลบ้านคือกันครับ.........

[*,,น้องแนน,,*]

 

[น้าเสก คนเดิม]

หล่านางเอย...

เหลือแฮงออกจากบ้าน..ประสงค์ฮ่วมอนงค์ศรี
น้องบ่มีจานำหว่าแมน..ส่ำตายแล้ว
เป็นบ่ตายทะลอนเอื้อนเหม็นสะเอือนเปียกชุ่ม
ยังแต่หนังห่อหุ้มโฮมเนื้อห่อกาย
..นางบ่สงสารอ้ายสิมาดายแล้งเปล่า
นกเจ่ามานั่งเฝ้าหนองน้อยได้แต่คอย
อ้ายนี้เปรียบคือจิบจาบจ้อยแตนต่อภุมริน
บินมาชมดวงหอมแต่ละยามคราวนั้น
..นางบ่กลอยใจให้..จำหนีบ่ขออยู่
บ่อยากพลัดพรากชู้หนูสิห่างไกลแมว
แหลวสิไกลไก่น้อยคอยนางต่างบ่เห็น
แสนสิเป็นหนองเนื้อ...เหลือใจอ้ายสิได้ห่าง....ซั่นแหล๋วนางเอย

[น้าเสก คนเดิม]

หล่านางเอย...

แมนสิมาให่พ่อหน่า...ได่สบตาผู่เคยต่อ
ผู่เคยน้อความเว่า...คราวเก่าหนมา
บาดมากายไกลเจ่า...นางไปเนาว์อยู่หม่องอื่น
บาดหว่าคืนมาจ่น..คนนั้นกะเปลี่ยนไป

ใจบ่ตั้งต่อต้น..คนบ่จำความต่อ
ใจมางอเปลี่ยนดั้ง..ความเว่ากะเปลี่ยนไป
ปานนกเจ่าหนีจากน้ำ..บาดยามเข้าพรรษา
หวนกลับมาอีกหน..จนว่าพรรษาแล้ว

แนวว่ายามไปนั้น...จำนรรจาพาหดหู่
ว่าบ่มีคู่ซ้อน..หมอนกะถ่าเฝ้าไหม
ไกลออกไปไปหน่า...ความวาจากะแปรเปลี่ยน
กลับมาเฮียนครานี้...นางคนดี...บาดมีคู่....โอ้น้อคำสัญญาเอย..

เสก ไฮโล 8.27 น.

[น้าเสก คนเดิม]

หล่านางเอย...

เป็นนำคำคนเว่า..คนมาเอาไปเว่าต่อ
นี่ละน้อคำเว่าพื้น...ฝืนได่กะบ่คือ
ขอให้อดสาสู้ ความจริงอย่าหนีห่าง
สู้ถากถางทางฟื้น..คำคนเว่าอย่าเอาอย่าง...เด้อนางเอย

[น้าเสก คนเดิม]

นิทานข้างวงเหล้า...

พ่อใหย่หม่อง..แห่งบุรีรัมย์..เลามีลูกสาว 3 คน ใหย่เป็นสาวเหมิดแล้ว....มื้อหนึ่ง.พ่อใหย่หม่องกลับมาจากวัด..พอขึ้นเทิ้งซานบ้าน..เลากะเหลือบไปเห็นถุงยางอนามัย..สภาพใช้แล้ว ตกอยู่ซานบ้าน 1 อัน...เลากะเอิ้นลูกสาวทั้ง 3 คนมาสอบถาม

พ่อใหย่หม่องถามลูกสาวคนแรก  "ถุงยางนี้เป็นของโตแมนบ่"
ลูกสาวคนใหย่..."บ่แมนจ้า...หนูสาบานได่หว่าบ่แมนของหนูแน่นอน"

พ่อใหย่หม่องถามลูกคนที่สอง "โตเด้"
ลูกสาวรอง "หนูกะสาบานได่หว่าบ่แมนของหนู..แน่นอนค่ะ"

เลากะเลยถามลูกสาวคนน้อย... "อี่หล่าเด้"
ลูกสาวคนน้อยกะเลาบอกว่า "ของหนูนี่แหละจร้าอี่พ่อ...แฟนหนูเผิ่นแอบมาหา หนูกะเลยให่เผิ่นใส่ถุงยางเพื่อความปลอดภัย"

พ่อใหย่หม่องได่ยินจั่งซั่นกะเลยหว่า "ดีแล้วลูกเอย...กล้าเฮ็ดผิดแล้วยอมรับ..พ่อกะบ่หว่าอีหยัง....แต่พ่อสังเกตุถุงยางอันนี้เบิ่งแล้ว...ถุงยางนี่มันฮั่วนี่แหล๋วอีนาง......"   รูเบ่อเร่อ

[น้องสาวหล่า]

นิทานข้างวงเหล้า...

พ่อใหย่หม่อง..แห่งบุรีรัมย์..เลามีลูกสาว 3 คน ใหย่เป็นสาวเหมิดแล้ว....มื้อหนึ่ง.พ่อใหย่หม่องกลับมาจากวัด..พอขึ้นเทิ้งซานบ้าน..เลากะเหลือบไปเห็นถุงยางอนามัย..สภาพใช้แล้ว ตกอยู่ซานบ้าน 1 อัน...เลากะเอิ้นลูกสาวทั้ง 3 คนมาสอบถาม

พ่อใหย่หม่องถามลูกสาวคนแรก  "ถุงยางนี้เป็นของโตแมนบ่"
ลูกสาวคนใหย่..."บ่แมนจ้า...หนูสาบานได่หว่าบ่แมนของหนูแน่นอน"

พ่อใหย่หม่องถามลูกคนที่สอง "โตเด้"
ลูกสาวรอง "หนูกะสาบานได่หว่าบ่แมนของหนู..แน่นอนค่ะ"

เลากะเลยถามลูกสาวคนน้อย... "อี่หล่าเด้"
ลูกสาวคนน้อยกะเลาบอกว่า "ของหนูนี่แหละจร้าอี่พ่อ...แฟนหนูเผิ่นแอบมาหา หนูกะเลยให่เผิ่นใส่ถุงยางเพื่อความปลอดภัย"

พ่อใหย่หม่องได่ยินจั่งซั่นกะเลยหว่า "ดีแล้วลูกเอย...กล้าเฮ็ดผิดแล้วยอมรับ..พ่อกะบ่หว่าอีหยัง....แต่พ่อสังเกตุถุงยางอันนี้เบิ่งแล้ว...ถุงยางนี่มันฮั่วนี่แหล๋วอีนาง......"   รูเบ่อเร่อ

ฮ้อนก้นบ่น้อ  อ้ายหม่องเอ้ยมีพุเว้าพื้นเจ้าเด้อ

[น้าเสก คนเดิม]

นางเอย............อยากนอนแท่..บาดนี่

[ดีนะ]

พี่เสก.....อบต. ทางพุ่นมีว่างจักตำแหน่งสองตำแหน่งบ่  งิงิ

[น้าเสก คนเดิม]

มีว่างแต่ตำแหน่งในหัวใจนี่แหละ....คั่นสนใจกะฟ้าวส่งใบสมัครเด้อ

[ดีนะ]

 

[น้าเสก คนเดิม]

สิเอาตำแหน่งทางวิชาการแขนงใด๋ล่ะครับ....เดี๋ยวสิเบิ่งให่    บ่ปล่อยทิ่มดอก....