ยืมมาอีก......บ่มีเวลาคิด
โอ้ยน้อ..
เผิ่นว่ามีภูต้องมีถ้ำ ของประจำโลกเผิ่นแต่ง
มียามฝนมียามแล้ง มีมืดต้องมีแจ้งเป็นเรื่องธรรมดา
แนวว่าเป็นแม่น้ำ ต้องมีหมู่ปูปลา
ธรรมดาเป็นผู้สาว ผู้บ่าวมีชมช้อน
มีดงดอนต้องมีเนื้อ เสือกะมีผีกะอยู่
คนผู้งามจั่งน้อง ต้องมีชู้แน่นอน
อ้ายนี้มาพบสวนหญ้าคา มาพบสระหญ้าป้อง
มาพ้อหนองหญ้าอ้อ อยากขอเข้าอยุ่นำ
คนไค มาเห็นพั้วนั้นอดกไม้ อยากได้ใส่เจ้าในหู
อยากเอาเมือบูชา เทพดาอยู่เทิงฮ้าน
มาเห็นบัวบานบ้าง กลางหนองสังงามข่อง
มาเห็นพั้วหมากต้อง อยากขอร้องแอ่วเอา
มาเห็นเครือหมากน้ำเต้า อยากเว้าต่อขอเอาไน
อยากเอาไปเฮือนชาย ปลูกอยู่ในแจฮั้ว
แฟนเอย ปลูกในสวนครัวอ้าย ปลายชานคือสิข่อง
อยากได้แนวหมากต้อง ทางบ้านหม่อมพะนาง....
