มรดกอีสาน... ผญ๋า+นิทานก้อม

[น้าเสก คนเดิม]

โอ้น้อพีน้องเอย......

เหลียวเบิ่งฟ้าเห็นเมฆามาลอยล่อง
ฮอดเดียนสิบเมฆยังลอยล่อง บ่มีป่องว่าสิตก

นี่แหลน้อเผิ่นพาเว่า ฝนตกบ่ทั่วฟ้า ธาราบ่ซุ่มซื่น
บางหม่องน้ำกะท่วม บางหม่องดินกะแล้ง พากันเอิ้นหาแถน...โอ้น้อ

[น้าเสก คนเดิม]

พี่น้องเอย...

ไผบ่มองเห็นพื้น กองฟืนในตาหล่าง
งูจงอางลักลี้ ในหั้นส่องบ่เห็น
ไผสิหลิงเห็นได้ ทางในปล้องไม้ไผ่
ลางเทื่อด้วงลักซี..แมงมาลีลักดั้น ไผสิฮู้ห่อมนำ

ไผสิหวนเห็นฮู้ กรรมหลังแต่ปางเก่า
ไผสิคอนเอ้าเป้า มาให้เจ่าหมู่เผิ่นเห็น
อันว่าเวรบาปนี้ หนีหลีกบ่มีหวิด 
นำชิวิตส่งใช้...สนองให้ส่งคืน

ใจของคนเลิ๊กตื้น ไผสิส่องแนมเห็น
เป็นแต่คอยซอมดู หล่ำแลทางนอก
บ่มีไผบอกได้ นิสัยคนแตกต่าง 
บ่คือจ่างป่างฟ้า...ฝนนั้นหากบ่มี........โอ้นอใจคนเอย

[น้าเสก คนเดิม]

หล่านางเอย...

อ้ายอยากตายเป็นผ้า ผืนลายงามให้น้องใส่
เป็นคนมันบ่ได้อยู่ช้อน   ขอเป็นผ้า..พอสิได้ห่มชอน
เป็นย้อนบุญหลังสร้าง กับนางเคยได้ฮ่วม
เก็บดอกไม้ฮ่วมกอ เก็บดอกยอฮ่วมต้น ไปบูชาคนละบ่อน 
หลอนว่ามาชาตินี้.......เลยบ่ได้ฮ่วมกัน

[*,,น้องแนน,,*]

 

[น้าเสก คนเดิม]

หล่านางเอย...

กินแกงให้เจ้าซอมเบิ่งก้าง คั่นคาคำสิบ่เป็นตาอยู่..เด้อนาง
ดูกมันไปอยู่ค้าง กินน้ำสิบ่ลง
ข้ามเหนือห่าตกได้ ไหลมาบ่พออยู่
คือดั่งอีโต้คมปู้ ให้ฟันเจ้ยแต่ไกล....เด้อนางเอย

[น้าเสก คนเดิม]

หล่านางเอย

นกเขาตู้ พรากกคู่กะยังขัน
กาเหว่าวอน พรากฮังกะยังฮ้อง
บาดว่าน้องพรากอ้าย คำเดียวบ่เอิ้นสั่ง..แท่น้อ
คันบ่เอิ้นสั่งใกล้  กะให้เอิ้นสั่งไกล

ขอให้ไกลแต่บ้าน ฮั่วไฮ่นาสวน
ไกลขอให้ไกลแต่มวล หมู่เฮือนกับเล้า
ส่วนว่าวาจาเว้า สองเฮาอย่าได้ห่าง
ต่างคนแมนสิอยู่ต่างบ้าน   ความเว้าอย่าห่างกัน..เด้อนางเอย

[น้องสาวหล่า]

หล่านางเอย

นกเขาตู้ พรากกคู่กะยังขัน
กาเหว่าวอน พรากฮังกะยังฮ้อง
บาดว่าน้องพรากอ้าย คำเดียวบ่เอิ้นสั่ง..แท่น้อ
คันบ่เอิ้นสั่งใกล้  กะให้เอิ้นสั่งไกล

ขอให้ไกลแต่บ้าน ฮั่วไฮ่นาสวน
ไกลขอให้ไกลแต่มวล หมู่เฮือนกับเล้า
ส่วนว่าวาจาเว้า สองเฮาอย่าได้ห่าง
ต่างคนแมนสิอยู่ต่างบ้าน   ความเว้าอย่าห่างกัน..เด้อนางเอย

บอกน้องติ   จ้าไว้ก่อนเด้อสะหนะ

[น้าเสก คนเดิม]

 

[น้องสาวหล่า]

หัวเป็นตามีแฮงเนาะ  เซาเครียดหละติสะหนะ

[น้าเสก คนเดิม]

บ่จ้า...เครียดกว่าเก่าอีก

[น้องสาวหล่า]

บ่จ้า...เครียดกว่าเก่าอีก

เครียดเรื่องหยังหละอ้าย  ง งูเบาะ   ทางพิกะเครียดคึกันเด้อสะหนะ

[น้าเสก คนเดิม]

โอ๋นอพี่น้องเอย

ยากนำควายบ่กินหญ้า แสนสิข่มกะเขาหัก
ยากนำน้อความฮัก มักผู้สาวแฟนเขานั่น
ยากนำแนวขวางกั้น ค่าดองฮ้องแพงลื่น
ยากนำผู้อื่นจ้อง สิขอน้องไปก่อนเฮา..อุกหลายบาดนี่

[น้าเสก คนเดิม]

ยากเด้นอ

ยากนำเกลือบ่พอหม้อ รอกินจนเหมื่อย
ยากนำยากอยู่เรื่อย คอยถ้าแต่สิกิน
ยากนำรินมาช้า สุราเอ้ยหมดขวด
ยากนำปวดจ้าวจ้าว บักขาวขึ้นเทิ้งหัว

[Hang]

โหลๆๆๆๆๆๆๆๆๆๆๆๆ
        เฒ่าแล้วยังบ่ฮู้จักควม แก่แล้วบ่ฮู้จักโตหว่าผมหงอก
        บาดห่าถืกเด็กน้อยตั๋ว เด็กน้อยหลอก จ่มหาเหล้าขาว ..... สมพื้น...โหลๆๆๆๆๆๆๆๆๆๆๆๆ
       

[น้าเสก คนเดิม]