มรดกอีสาน... ผญ๋า+นิทานก้อม

[somsakbck]

อย่าได้เป็นคนฮ้ายชายทะเลผ้ากะเตี่ยวเด้อพี่น้อง  เหน็บเตี่ยวพุ้น ยังเตี่ยวพี้ เบิดมื้อค่ำดาย.......(เสียเวลาเปล่า)

[อนัตตา]

ไกลขอให่ไกลแต่บ้าน ฮั่วไฮ่นาสวน

ไกลขอให่ไกลแต่มวล หมู่เฮือนกับเล้า

ส่วนว่าจาวาเจ้า พี่น้องเฮาอย่าได้ห่าง

ต่างคนแหมนสิอยู่ต่างบ้าน ความเว้าอย่าห่างกัน....

[somsakbck]

พี่น้องเอ้ย.............

                                คันสิฮ้างให้ฮ้างไฮ่นาสวน แต่ว่าสองคนเฮาอย่าสิมีวันฮ้าง
                         
                               คันมันจางคือน้ำให้เอาเกลือลงตื่ม คันมันซึมให้มันซึมตั้งแต่ส้าง ใจเจ้าอย่าสิซึม......เด้อพี่น้อง

[น้าเสก คนเดิม]

อย่าสุหลงคำหย่อง คำคนบ่เข่าถ่า....อย่าสุหลงวาจาเว่า คนบ่เอาดีแต่ปาก..เด้อพี่น้อง

[somsakbck]

พี่น้องเอ้ย.............

                    เพิ่นว่า ก่อนสิทำการสร้างแนวได๋ให้คิดก่อน  อย่าได้เห็นแก่ใกล้กินกล้วยโม่มเลย........(คิดก่อนทำ)

[อนัตตา]

เห็นว่ามีสุขแล้วผักตำนิลบ่อยากเบิ่ง      คันได้กินต่อนซิ้นปลากั้งบ่อยากเหลียว
เห็นว่ามีสุขแล้วบ่เหลียวแลพวกหมู่         คันบ่สุขอยู่เรื่อยสิเหลียวหน้าเบิ่งไผ
ในโลกนี้บ่ห่อนอยู่เดียวเป็น                    อยู่แต่คนเดียวดายบ่ห่อนเป็นเมืองบ้าน
คันว่ามีผืนผ้าบ่หาแพรพาดบ่า                สินุ่งแต่ผ้าไปได้จั่งใด๋


มีเหล่าแพง ๆ กะมาปันกันเมาแหน่

[somsakbck]

โอ้ย...............ว่าแม่นอีหยัง.............ฮ่ากินคนเอย...................(ฮา)

[อนัตตา]

ปากละว่าฮักน้องฮักนาง
ค่ำแลงมาล่ะจอบแต่ตำแทงถิ่ม
นางนอนนิ่งล่ะว่าไร้ลีลา
นอนธรรมดากะว่าท่าเบสิค



สิเอาจั้งได๋เดียวนี่  

[somsakbck]

เอาคือมื้อคืนนี่หล่ะ.................(ฮา)

[น้าเสก คนเดิม]

หล่านางเอย.....ลมหนาวเข่ามาแล้ว คือบ่แจวมาหาแนน้อ....ความเคียดความขมนั้น ให่อดไว้ในใจเด้อนาง....เอย

[น้าเสก คนเดิม]

หล่านางเอย... อันว่าใจของอ้าย สิหาหยังมาเติมแต่ง
                     ตั้งแต่มื้อคำแพง หนีไปอยู่ไกลพุ้น
                     อ้ายมาขุ่นเคืองแท้ เจ้าบ่แวถามข่าว
                     โทรศัพท์ติดต่อบ่ได้ ทางใจอ้ายแฮงวี่วอน....นางเอย

[somsakbck]

พี่น้องเอ้ย.............

                        ทุกข์บ่มีเสื้อผ้าฝาเฮือนดีกะไคอยู่  ทุกข์บ่มีคู่ซ้อนได้นอนดิ้นอยู่ผู้เดียว.....(ไม่มีคู่)

[@ดีนะ@]

สิไปหานอนดิ้นเฮ้ดหยังค่ะ ต๊ะนอนซือๆๆ กะปวดหลัง เจ๊บแอว ห่าลังเทื่อ ฮอด คอ ผิดเส้นพุ่น   

[น้าเสก คนเดิม]

จักแหล๋ว...ลังเทียนอนหันหัวไปทางทิศเหนือ ฮู้เมื่อขึ้นหันไปทางทิศตะวันออกเสยเลย

[@ดีนะ@]

จักแหล๋ว...ลังเทียนอนหันหัวไปทางทิศเหนือ ฮู้เมื่อขึ้นหันไปทางทิศตะวันออกเสยเลย

กะเกินไปดอก