มรดกอีสาน... ผญ๋า+นิทานก้อม

[@ดีนะ@]

[/quote]

หัวนำเขาอีก.......ชิชิ.....อย่าโสดตอนเถ่าบ้างก็แล้วกัน....

....หัวกะคือบ่ล้าน  อย่าน้อยใจไปหลาย  

[@ดีนะ@]

หล่านางเอ้ย.....

                     เพิ่นว่าบ่อนได๋มันเป็นเวินปลากั้งบ่ค่อยแก่น  บ่ได๋สวดจุ้มกุ้มปลากั้งผัดแก่นดี.............พะนะ.......(ฮา)

[somsakbck]

หัวนำเขาอีก.......ชิชิ.....อย่าโสดตอนเถ่าบ้างก็แล้วกัน....

....หัวกะคือบ่ล้าน  อย่าน้อยใจไปหลาย  
[/quote]


หัวบ่ล้านแต่มันหงอกหล่ะ...ใจน้อยได้บ่นาง......ฮา...(ขอเข้ากลุ่ม)

[@ดีนะ@]

ว่าแม่นเว่านำคนหนุ่ม  บัดได๋แท่มีแต่ผู้เถ่า   ไปก่อนดอก เหวยๆๆๆๆๆๆๆๆๆๆๆๆ

[อนัตตา]

แมน

[somsakbck]

เอ้า.....พวกผู้เถ่าตู้ดเข้ามาใกล้ๆกันบาดนี่......ผมสิแจกผักกะเดา..............(ชอบของขม)

[*,,น้องแนน,,*]

หัวนำเขาอีก.......ชิชิ.....อย่าโสดตอนเถ่าบ้างก็แล้วกัน....

....หัวกะคือบ่ล้าน  อย่าน้อยใจไปหลาย  

หัวบ่ล้านแต่มันหงอกหล่ะ...ใจน้อยได้บ่นาง......ฮา...(ขอเข้ากลุ่ม)
[/quote]

 

[น้าเสก คนเดิม]

หล่านางเอย...

เดือนสิบเอ็ดสิบสองคล้อย ลมวอยวอยหนาวมาฮอด
คือบ่มีผืนผ้า ห่มกายาพอได้อุ่น 
หนุนแต่หมอนหมากงิ้ว หน่วยเดียวใบเก่า
คันสิเอาถิ้มซ้ำ เงินใหม่ซื้อหากบ่มี
เต็มทีหลายแพรผืนผ้า ห่มกายาให้หายสั่น บ่มีแหล่ว
เลยเล่าหนาวสะบั้น ใจสิขาดสั่นสาย.....โอ้นอ...(ขอความเห็นใจ)

[น้าเสก คนเดิม]

นางเอย...

เดือนสิบเอ็ดสิบสองคล้อย ลมวอยวอยหนาวมาอ้อน
ออนซอนหลายนำหมู่เจ้า ผู้เพิ่นมีแนวนอนกอด
หลู่โตนแต่วาสนาข่อย ผู้หลงคอยแต่ชู้เพิ่น
ผู้เพิ่นสูงเจิ้นเทิ้น เป็นคนงามอยู่เทิงฟ้า
อ้ายมันกาต่ำต้อย บ่สมควรดอกเคียงหงษ์
เจ้าเลยไปกับเขา ผู้เพิ่นมีน้อ กว่าอ้าย
เฮามันคนผู้ฮ้าย ต้อยต่ำปานบักหอย
แม้นสิตัดไม้มางอย กะบ่สูงเพียงเจ้า....ดอกนางเอย......(ไปอาดลาดแล้วบาดนี่)

[น้าเสก คนเดิม]

โอ้น้อนางเอย....

ปูปลาหนีจากน้ำ ป๋าเปิดวังตม
สมณ์สิหนีไกลครู หมู่ชะนีสิไกลไม้
คำสิไกลสายสร้อย กลอยมันสิลาป่า
ฝาสิลาขอกข้าง เฮือนฮ้างเป่าแปน
.....แหวนสิหนีลาก้อย สร้อยสิห่างลาคอ
ไกลละน้อคนเฮา สิห่างไกลกันแล้ว
แมวสิลาหนูน้อย คอยไผบ่คืออุ่น นางเด้
เฮียมนี้คนผู้เก้ บ่สมเจ้าผู้เผิ่นไค
.....ลาเด้อไม้ยอดข้อ กลางกอลำเดี่ยว
ให้เจ้าเขียวต่อยอด เป็นลำงามกกสง่า
ไผมาฮานอย่าสิฮ้าง ให้ป่งยอดต่อใบ
ใจนั้นคึดอยากได้ เสียดายแพงไว้เบิ่ง
งามแต่เทิงฮอดใต้ ไผกะเว้าว่างาม......หล่าเอย 

[somsakbck]

พี่น้องเอ้ย.....

                       บัดนี้แกงปลาหนีไกลเค่าคนเฮาได้พลัดพราก  หมากจีบหนีจากซ้าครานี้ได้ห่างกัน
                     
             โอนอ....เกศาหนีไกลซ้องซองพลูไกลสีเสียด  กบเขียดหนีจากน้ำสิฮามฮ้องซั่วแซว
                         แมวโพงหนีไกลย้าวสาวนางสิเร่ร่อน  ฮอกด่อนไกลหมากงิ้วสิฮามแฮ่นหมากกะเบา

                         นกเขาหนีไกลเค่าสิเอาใจเว้นจาก  ลำบากเดไกลจากเจ้าฮามเค่าขาดแลง
                          มันแซงไกลมันพร้าวสาวฮามสิไกลบ่าว  เจ้าบ่คึดอ่าวเอื้อเถิงข้อยส่วนสิตาย........
(เศร้า......)

[น้าเสก คนเดิม]

โอน้อนางเอย....

สายลมเย็นพัดเป็นส่าว หนาวอยู่ในใจพี่
นั่งกระสันหลบมุมลี้ กายสะบั้นดอกป่าวแปน
คิดฮอดแฟนอยู่ทางบ้าน สาวตาหวานได้กอดเกี่ยว
ควงกันเที่ยวเกี่ยวก้อยเล่น แม่นเย็นจ้อยกะอุ่นใจ                 
ตกมาในตอนนี้  เหลียวหาบ่เห็นไหง่
ย้อนว่าไกลเกินก้ำ  บ่คือถ่ำดอกดั่งเดิม
อดสาเติมแฮงใจไว้ เสียงตามสายไปอ้อนสั่ง
เติมพลังบ่าวไกลบ้าน   เซาอ้างว้างให่อุ่นกาย.. โอ้น้อ          หนาวแล้วคับผม 

[น้าเสก คนเดิม]

นางเอย...

ลมวอยๆ  เกียวข้าวยุ่ง  นุงนังอิแม่จ่ม
ไผสิมาก้มเกี้ยว เกี่ยวข้าว ซอยแม่นาง
ไผสิกางแขนเกี้ยว  เหลียวนำ มัดข้าวพ่อ
มีบ่อน้อ ไผสิยู้ฟ่อนข้าว คราวนี้ หากหมุ่นหลาย ....

[Hang]

โหลๆๆๆๆๆๆๆๆๆๆๆ
           ยามฝนมันกะซุ่มน้ำ  ยามฮ้อนมันกะซุ่มเหื่อ
           บาดห่ายามหนาวมา มันผัดหดเอาซ้ำ แห่งน้อยกะแห่งลง ...... แหงเอ๊ย  โหลๆๆๆๆๆๆๆๆๆๆๆๆๆๆๆ

[น้าเสก คนเดิม]

นางเอย....

บุญกฐินปีนี้ นางคนดีบ่คืนถิ่น
หัวใจอ้ายน้อยน้อย หายจ้อยถิ่มซ่ำ.....(บ่มากะอย่ามา)