มรดกอีสาน... ผญ๋า+นิทานก้อม

[somsakbck]

สอยๆ...........

                   นกแดดเด้าหากินกายเขต  เขตเจ้าของมีบ่แพ้ไปหาเด้าเขตเขา.............(ฮา)

[น้าเสก คนเดิม]

สอย ๆ พี่น้องฟังสอย....

นกแตดแต้บินข่วมทางรถไฟ...ผู้สาวมีขี่ไค้  ปานใด๋สิอาบน้ำ....อันนี่กะสอย

[น้าเสก คนเดิม]

เดือนสิบสองมาฮอดแล้ว บ่มีแนวมาอ้างเอ่ย
คึดฮอดนำคืนมื้อ ผ่านพ้นมาแต่โดน
กาลครั้งผ่านพ้น ผ่านวัยที่มันม่วน
เคยพาหมู่พี่น้อง ลอยความเศร้าในธารา

ตกมาฮอดคู่มื้อนี้ สิผ่านอีกปีตามวัย
ยากนำเวียกงานเฮ็ด บ่มีเวลาใกล้
ขอฮ่วมใจพี่น้อง ฮ่วมกันรักษ์ประเพณี
ให้เป็นศรีพี่น้อง...ให้เพื่อนพ้องและลูกหลาน...เด้อพี่น้อง

[lek]

สอย สอย พี่น้องฟังสอย
ลูกสาวเดียวเรียกทองหนักห้าร้อย
พ่อลูกอ่อนสี้จ้อย เลยบ่ได้จักสตางค์

[น้าเสก คนเดิม]

แอะ

[lek]

แอะ

สอย... สอย... แกงเห็ดเผาะใส่น้ำเอาะเจาะ เอาพี่อ้ายนี่เถาะขี้คร้านหาผัว

[soveat ชุมไพร]

สอยๆ..
นกแต่ดแต้บินข่วมหัวซ่าง  สาวใด๋น่อนหง่าง...สาวนั้นบ่ได่ผัว...

[น้าเสก คนเดิม]

แอะ

สอย... สอย... แกงเห็ดเผาะใส่น้ำเอาะเจาะ  เอาพี่อ้ายนี่เถาะขี้คร้านหาผัว

สอย สอย พี่น้องฟังสอย.....นกคุ่มหลี่บินข่วมไทบ้าน  ผู้สาวขี่คร้านบ่ฮู้จักหาผัว....พอจ่อ ๆ จวนตัว "เมียเผลอค่อยเจอกัน" คร้าาาาา

[น้าเสก คนเดิม]

นิทานก้อมรายวัน.....เสนอเรื่อง  "ตาบอด....แต่อย่างอื่นไม่บอด"

ชายตาบอด...ได้เมียคนตาบอดคือกัน...ยึดอาชีพขอทานในตลาดแลง (เย็น) เลี้ยงชีพไปวัน ๆ แล้วกะไปอาศัยนอนใต้เวทีลิเก.....ลิเกที่กล่าวถึงก็เป็นลิเกเรี่ยไร....ตั้งเวทีอยู่ในตลาดแลงคือกัน  อาศัยเล่นเฉพาะตอนที่มีคนมาจ่ายตลาดเท่านั้น.....

มื้อหนึ่งตาบอดผัวเมีย หลังจากขอทานแล้ว กะพากันมุดไปนอนอยู่ใต้เวทีลิเก.....กำลังนอนหลับเพลิน ๆ ลิเกกะเริ่มการแสดงเวลาบ่ายสามโมงเย็น.....ตาบอดผัวเมียนอนฟังอยู่ใต้ฮ้านลิเก   พระเอกลิเกกะพูดว่า..."ขณะนี้เป็นเวลา 3 ทุ่มแล้ว......"

ชายตาบอดได้ยินเข้ากะเลยบอกเมียบอดว่า...."ฮ่วย...เถ่า ๆ สามทุ่มแล้ว....ฟาดกันถ่าแม้เฮา..."

ลองคิดเบิ่ง...ผู้ชมจะชมลิเก...หรือชมหนังสด...บทของบอด   

[หินเหล็กไฟ]

มาซ่างเป็นเนาะ

[somsakbck]

พี่น้องเอ้ย....

                 จิตบ่มีบ่อนแขวน แนนบ่มีบ่อนห้อย บินบนเสมอว่าว........จิตบ่มีบ่อนยั้งคือน้ำแม่ของ..........

(ใจคนยากแท้หยั่งถึง)

[น้าเสก คนเดิม]

พี่น้องเอย....

วาสนาคนนั้น..บ่คือกันผู่เถ่าหว่า...ลางคนบุญเก่าหนุนให้มีใช้เป็นผู้มี...(แข่งเรือแข่งพายแข่งได้ แข่งวาสนาแข่งบ่ได่)

[soveat ชุมไพร]

นางเอย...มื่อนี่อ้ายสิถืกล๊อตเตอรี่ตั๊ว...สิบ่คึดอยากเป็นคู่ซ้อนนอนนำอ้ายแนบ้อ...นางเอย   

[น้าเสก คนเดิม]

ได่เลขโตใด๋อาว์......บอกแน..ลางห่าถืกนำ

[หนุ่มเมืองร้อยเกิน]

  ตอนสาย ๆ ครับ