มรดกอีสาน... ผญ๋า+นิทานก้อม

[somsakbck]

   

               อันหนึ่ง เกศาหนีไกลซ้องซองพลูไกลสีเสียด   กบเขียดหนีจากน้ำสิฮามฮ้องซั่วแซว
               แมวโพงหนีไกลย้าวสาวนางสิเร่ร่อน  กระฮอกด่อนไกลหมากงิ้วไปหาแห่นหมากกระเบา

                          นกเขาหนีไกลเค่าสิเอาใจเว้นจาก   ลำบากเด้สิจากเจ้าฮามเค่าสิขาดแลง
                         มันแซงไกลมันพร้าวสาวนางสิไกลบ่าว  เจ้าบ่คึดอ่าวเอื้อส่วนข้อยแม่นสิตาย......

(broke....)

[น้าเสก คนเดิม]

แมนสิไกลไกลเจ่า ใจอ้ายกะคือเก่า...สมแต่เคยฮ่วมบ้าน..สานฝันฮ่วมบุญ..ซั่นแหล๋ว

[somsakbck]

พี่น้องเอ้ย.........

               งัวควายหนีไกลหญ้าบาทาหนีไกลเกิบ  หมากเปิบหนีจากต้นคนสิไห้อยากกิน
               อินทร์พรมหนีไกลฟ้าภุมราสิไกลคู่  อีหมู่หนีจากหม้อต้มสงฆ์สิฮ้างจากธรรม

                      คำแดงหนีไกลเบ้าเสาเฮือนสิไกลดวด  ติบนวดหนีจากซ้าสิลาเจ้าต่าวคืน
                      หลัวฟืนหนีไกลหม้อปอทามสิไกลเชือก  มื้อได๋เกือกอยู่แจข่อนสินอนไห้อยู่ผู้เดียว.............

(อดทน)

[น้าเสก คนเดิม]

 

แฮงใกล้สิค่ำ...กะปานใจสิขาด...โอ้นอ

[somsakbck]

สินอนหลับบ่น้อคืนนี่.....(ซึ้งจัด)

[น้าเสก คนเดิม]

นางเอย...

เจ่าผู่เขียวใบงิ้ว ใบเรียวพริ้วงามสลวย
ยามลมมาพัดต้อง พลอยพริ้วไปนำลม
ออนซอนเด้..มาพบพ้อ ได้ออเซอะเว่านำนาง
ส่างเป็นบุญนำพา..วาสนามาเจอน้อง

สิขอเอาแฮงสร้าง ฮ่วมพะนางพาสู้ไฮ่
ถากถางป่าดงดอน ให้แปนปานเดิ้นบ้าน
อย่าฟ้าวตัดใยทิ่ม ให้ซอมซิมความในใจ   อ้ายจักหน่อย
ให้รับความจริงใจอ้าย...คนผู้ฮ้ายห่ามีบุญ...ซั่นดอก นางเอย

[บ่าวอู๋]

บ่ได้เข้าโดนปานนี้...ยังมีอีกเนาะ...ผญานั้นอ้ายเสก

[น้าเสก คนเดิม]

หาแฟนผญ๋ายากคักอาว์เอย....มาซ้อยกันแนเด้อ

[somsakbck]

มีแต่เฮา 2 คนจกขี้ตากันอยู่นี่หล่ะท่าน......เอ้า.....มาแล้วกะจ้วดเลยครับ
 
หล่านางเอ้ย....
                     
                        อย่าสุโอ่งหลายถ่อนหัวคานงอนไม้ไผ่ป่า  คันกระต้าบ่ห้อยบ่มีได้แอ่นกลาง....ดอกเด้อ

                      อย่าสุโก่งหลายถ่อนหัวคานงอนไม้ไผ่รวก  คันบ่มีซุมหมู่ข้อยไผสิโก้ยขึ้นนั่งชาน......เจ้าน๊อ

หยิ่งไปเถอะ....

[น้าเสก คนเดิม]

หล่านางเอย...

ฮอดยามหนาวปลาค่อน..ลมพัดมาวี่วี่
ปลาซิวโตน้อย..พลอยได่แล่นเล่นลม
ตมกะตมแสนค่อน...ปูโตอ่อนกะขุดฮู้
บาดหว่าหนูโตน้อย..สิฟ้าวออกหากิน

นั่งเถียงนา..หลังคาฮ้าง มาคือฮ้างปานโตอ้าย..แท่น้อ
ยินเสียงซอ...ข้างซุ้ม คิดฮอดน้องผู้ไปไท
ใกล้ปีใหม่มาแล้ว..วอนนางแจวเฮือต่าว...เด้อนาง
อย่าให้อ้ายคองคอยทาง...ปานปลาซิวสิตายน้ำ..หลายเถาะนางเอย

[somsakbck]

หล่านางเอ้ย....

                   ให้เห็นใจคนคอยถ่านับเวลาทุกเซ้าค่ำ..แน๊เด้อนาง  ผู้คิดนำอยู่ทุกมื้อสิตายแล้วแม่นส่วนใจ................

wait for see......

[อนัตตา]

wait for see...... ฮึ..รอเพื่อซี ติ 

[somsakbck]

ทำนองนั้นหล่ะ.......(ฮึๆ)

[JUNGLE]

โอ้ละนอ... นอนบ่หลับ... ลุกขึ้นมาหาโหลดเพลงซะงั้น... ได้มาราวๆ ๕๐ เพลง...

[สหายแป๋ง คนดง]

โอ้ละนอ... นอนบ่หลับ... ลุกขึ้นมาหาโหลดเพลงซะงั้น... ได้มาราวๆ ๕๐ เพลง...

    ผู่ได๋หนิ  หลงมาแต่ทางได๋ว่าแหม่นเอาไปโผดไกลแล้วยังจื่อทางมาบ้านได้อยู่เนาะ