มรดกอีสาน... ผญ๋า+นิทานก้อม

[somsakbck]

ปืนลูกโม่กับปืนแม็กกาซีนอันได๋ดีกว่ากันสั่น...............ฮิๆ(ปัญหาโลกแตก)

[น้าเสก คนเดิม]

ดีคนละแบบ...ลูกโม่เก็บปลอกบ่ทิ้งหลักฐาน ปัญหาคือบรรจุลูกได้น้อย..และซ้า...สรุปแล้วตายคือกันแท่ ๆ เอิ๊ก ๆๆ ๆ

[somsakbck]

หล่านางเอ้ย....

             คิดถึงต้นหมากงิ้วคะนิงฮอดโกนบก  เห็นว่าเป็นแนวนกกะอย่าไลลืมแฮ้ว.....เด้อนาง

คิดถึงกันบ้างเด้อ..........(ผู้สาวเก่า)

[น้าเสก คนเดิม]

หล่านางเอย...แนมเห็นนกกระเต้นน้อย หงอยคอนอยู่โดดเดี่ยว....ผู่บ่าวเปลี่ยวจั่งอ้าย สิตายทิ่มบ่หม่มหนาว...นี่แหล๋ว

[somsakbck]

พี่น้องเอ้ย............

                 ฝันว่าหนูเข็นฝ้ายแมวบักลายผัดนั่งเบิ่ง  แมวกะทอดทะเนิ้งจาต้านต่อหนู.............ฮึๆ.....(tom and jerry)

[น้าเสก คนเดิม]

หนูกะหนูส้มแข่ว แนวมันกัดมาแต่เกิด....แนมอีหยังเห็นจ้อง คองถ่าแต่สิถื่น...นี่แหล๋ว

[somsakbck]

แมวมันเหลียวเห็นหม่องปล่องฮูสิเบ็ดใส่  หนูบ่ใส่ส่งกิ้นตีนสิ้นบ่เบิ่งเอา..............สั่นแหล่ว............(ข้ามสายพันธุ์)

[น้าเสก คนเดิม]

แมนหนูสิใส่ซิ่นจ้อน หมอนบางเซิญให่ฮ่วม...หนูกะฮักพวกพ้อง คองถ่าสิฮ่วมหนู...(บ่อยากฮ่วมข้ามสายพันธุ์ดอก...นอกจากหนูฝรั่ง)...(ฮา)

[***@แอ๋ว@***]

  ฮ่วย แมนไผ เปิดหนัง โรเมโอ แอนด์ จูเรียส(ลองหามาเบิ่งเด้อ )  คับ

  เว่าต่อกลอน ต่อคำกัน ปานในหนัง   ม่วนดีคัก 
 

 เอาอีกคับ เอาอีก


 

[somsakbck]

พี่น้องเอ้ย.....

               เฮามาเบิ่งตอนนี่ถ่อน มานอนคิดให้ถ้วนถี่    พรรคนั่นกะมีแต่ผู้ดีๆ พรรคนี้กะมีแต่ผู้ฮักประชาชนไทยพี่น้องคองมาแล้วเปล่าดาย.......(เบื่อการเมือง)

(ความดีของมนุษย์ สิ้นสุดเมื่อเป็นนักการเมือง : อริสโตเติล)

[น้าเสก คนเดิม]

ปากอยากจาอยากเว่า..อยากเอาความใน ..เสนอให้พี่น้องฮ่วม....
เสนอความเจริญให้ฐานถิ่น...ผมขอสู้จนสิ้นให้มันสิ้นฮอดลมปราน
ปากประกาศจ้าน...จ้าน...สิให้ท่านได้ของฟรี
รถ น้ำ ไฟ ฟรี....มีแต่ของดีดีให้พี่น้อง.....มาเลือกผมเด้อ    (ขอเสียงหน่อย)

[somsakbck]

พี่น้องเอ้ย............

                ในละแวกแถบนี้ผมคนดีกว่าทุกผู้  พรรคที่อยู่ละแวกนี้พรรคผมนี้ดีกว่าไผ
                 ผมเฮ็ดไวเฮ็ดซ้าประชาชนต้องมาก่อน  อย่ามาสอนผมให้ยากผมปากกล้าวิชาสูง
                 ผมมีผู้คอยคุ้มคอยคุมเชิงเป็นทีมใหญ่  ไผกะอย่ามาใกล้คันบ่ได้ใส่เสื้อสี
                 ผมคนเก่งปานนี้กะยังมีคนนำไล่  บ่จักคนวีไข่ บ่จักคนวีเกิบพอหงายเงิบแล้วหล่ะผม..........พี่น้องเอย............(น่าสงสาร)....ฮา

[น้าเสก คนเดิม]

ได้ยินเสียงซุมข้างบ้าน ปากเว่าขานฮอดคนดี
เผิ่นผู้มีคนหนุน ทุนเผิ่นมีหลายล้น
คนกะคนมาดีแท่ คนต่างแม่กะว่างาม
ปากเอ่ยนามออกหน่า...จนผู่ข่า...สิฮากเอียน.........เฮ้อ

[น้องสาวหล่า]

พี่น้องเอ้ย............

                ในละแวกแถบนี้ผมคนดีกว่าทุกผู้  พรรคที่อยู่ละแวกนี้พรรคผมนี้ดีกว่าไผ
                 ผมเฮ็ดไวเฮ็ดซ้าประชาชนต้องมาก่อน  อย่ามาสอนผมให้ยากผมปากกล้าวิชาสูง
                 ผมมีผู้คอยคุ้มคอยคุมเชิงเป็นทีมใหญ่  ไผกะอย่ามาใกล้คันบ่ได้ใส่เสื้อสี
                 ผมคนเก่งปานนี้กะยังมีคนนำไล่  บ่จักคนวีไข่ บ่จักคนวีเกิบพอหงายเงิบแล้วหล่ะผม..........พี่น้องเอย............(น่าสงสาร)....ฮา

 

[น้าเสก คนเดิม]

สวัสดีพี่น้องมิตรรักแฟนผญ๋าคู่คนครับผม