มรดกอีสาน... ผญ๋า+นิทานก้อม

[somsakbck]

สวัสดีครับท่านเสกและพี่น้องผู้มักผญาทุกท่านครับ    มื้อนี่เอาคำผญาสมัยก่อนมาเว้าสู่ฟังครับ


พี่น้องเอ้ย....

              กวางกินหมากขามป้อม ผัดไปคาคอมั่ง    3 มื้อมั่งบ่ขี้ 4 มื้อกระต่ายตาย
              พอกระต่ายตายแล้ว จอนฟอนผัดมาเน่า  พอจอนฟอนเน่าแล้ว แมงวันนั้นผัดเล่าเหม็น....

(เปรียบไว้ว่า......บางคนทำเรื่องบางอย่างไว้ ให้อีกคนเดือดร้อนต้องแก้ไข แต่พอยิ่งแก้ก็ยิ่งยุ่ง กระทบกับคนอื่นไปกันใหญ่)

[น้าเสก คนเดิม]

สวัสดีครับ...ผมบ่มีผญ๋าโบราณ...มีผญ๋าสมัยใหม่พอกระเทิน...

พี่น้องเอย...

คนเฮานี้ส่วนหลาย บุญบ่ส่ง   
คั่นหว่าอยากได้เงินคำไซ้ ให่เจ่าสู้เฮ็ดงาน
เกิดมาทุกข์แถมขี่คร้าน อย่าไปโทษวาสนา
ให้สู้ทนสู้ทุกข์  ไปจนสิสิ้นเวรกรรม..นั่นแหละพี่น้อง

[น้องสาวหล่า]

สวัสดีครับ...ผมบ่มีผญ๋าโบราณ...มีผญ๋าสมัยใหม่พอกระเทิน...

พี่น้องเอย...

คนเฮานี้ส่วนหลาย บุญบ่ส่ง   
คั่นหว่าอยากได้เงินคำไซ้ ให่เจ่าสู้เฮ็ดงาน
เกิดมาทุกข์แถมขี่คร้าน อย่าไปโทษวาสนา
ให้สู้ทนสู้ทุกข์  ไปจนสิสิ้นเวรกรรม..นั่นแหละพี่น้อง

 

[น้าเสก คนเดิม]

มักคือบ่บวกคะแนนให่แน..คร้า

[somsakbck]

มื้อนี่เป็นนิทานก้อม 2 เรื่องครับ.....
-------------------------------------------------------------------
          ไม่หลับไม่นอน
                  ผู้หญิง 1 : นี่เธอ.....สามีเธอนอนกรนหรือเปล่า
                  ผู้หญิง 2 : ไม่รู้สิ.....เราเพิ่งแต่งงานได้ 2 วันเอง

-------------------------------------------------------------------
เหตุผล
       ภรรยา : นี่คุณ...ถามหน่อยทำไมคุณถึงชอบกินกาแฟดำ
       สามี    : .....แล้วมันมีกาแฟสีอื่นให้ผมกินมั๊ยหล่ะ

-------------------------------------------------------------------
ฮา..........
-------------------------------------------------------------------

[น้าเสก คนเดิม]

   พี่น้องเอย....

หนาวกายนี่บ่ซำหนาวข้างใน
หนาวในใจคนบ่มี  คู่เฮียงฮ่วมห้อง
หนาวไปฮอดเฮียนซาน ฮอดนาฮอดไฮ่
จักสิเฮ็ดจั่งใด๋..ในใจสิคลายเศร้า  สิเซาหนาวในหัวใจ....เฮ้อ...

[somsakbck]

ฮ่วย....แม่นเว้าผญา หือ แม่นจ่มเดียวนี่.......มาคือหาหม่องสัมผัสอีหยังกะบ่มี...(ฮา)

หล่านางเอ้ย....

                  เจ้ามาหนีจากอ้ายกายไกลบ่คิดฮ่ำ  คือบ่คึดถึงตอนอยู่ฮ่วมห้องสองเฮาได้ฮ่วมเขนย....แน๊น้อ

(เขาลืมเราไปแล้ว....)

[น้าเสก คนเดิม]

กำลังกลับมาจากแคนดง...เลยบ่ทันมีรมณ์ปานใด๋

พี่น้องเอย...นกโตน้อยเฮ็ดฮังพอได่อยู่  ปูโตน้อยขุดฮูพอได่ซ้น     คนจั่งอ้าย..เฮียนซานบ่มีอยู่..แท้น้อ คนเหมิดบ้านเขาเอิ้นว่า...ผาบี้      (ผีบ้า)

[somsakbck]

เป็นฮอดหัวหน้าส่วนฯกะยังว่าบ่มีบ้านอยู่.....หาเว้าหลายเถาะ.....(ตั๋วอีกแร่ะ)

[น้าเสก คนเดิม]

โอ๊ะ..   ลืมไป.....มีอยู่หลังหนึ่ง...ซื้อมา สี่ร้อยบาท จากช่องจอม....ติดรถไว้ตลอด...เมื่อวานดันลืมเอาไป

[somsakbck]

เฮือนมือถือหว่ะติ๊............ฮา.......(ชอบตั้งเต้นท์)

[น้าเสก คนเดิม]

    นอนดีตั๊วล่ะท่าน....ไปยิงหนูป่าอ้อย กะพาไปนำ    มื้อนี้ปลัดแจกผ้าห่มน้อยกันหนาวให้เป็นของขวัญอีก..เข้ากันคัก   หมอนกะอยู่ในรถ น้ำกะมีกิน 

[somsakbck]

ปลัดฯคือใจป้ำแท้......ซื้อผ้าห่มแจกพุ้นตั๊วนี่....

[น้าเสก คนเดิม]

ผมซื้อกระเช้าแบรนด์ให้เลา....เลาแจกผ้าห่มน้อยให้ผม

[somsakbck]

ให้อีหยังกะบ่เป็นหยังครับ...ถือว่าเป็นน้ำใจให้กัน