มรดกอีสาน... ผญ๋า+นิทานก้อม

[*,,น้องแนน,,*]

 

[น้าเสก คนเดิม]

สอย ๆ ๆ พี่น้องฟังสอย....

นกแต้ ๆ บินข่วมกกบักขามเทศ....ผู้สาวร้อยเอ็ด...บ่เคยเห็นทางรถไฟ...บาดถืกผู่บ่าวไถ....ฉึกฉัก ๆ ๆ ๆ ๆ ๆ 

[Hang]

คนอยากให่อยู่เขากะบ่อยู่ คนอยากไล่หนีเขาแห่งเข้ามาไกล้

ตีขุมตาจักบาดสาบ้อ  บ่มากะบ่มาดอกกะทู้ผญา ฮึ

[*,,น้องแนน,,*]

สอย ๆ ๆ พี่น้องฟังสอย....

นกแต้ ๆ บินข่วมกกบักขามเทศ....ผู้สาวร้อยเอ็ด...บ่เคยเห็นทางรถไฟ...บาดถืกผู่บ่าวไถ....ฉึกฉัก ๆ ๆ ๆ ๆ ๆ 

 

[somsakbck]

เอ้อ.....เห็นว่าบ้านตรูบ่มีรถไฟ กะจะแม่นเว้าใส่เนาะ.....ย้ายไปอยู่บุรีรัมย์เบาะนอ....สิได้มีทางรถไฟนำเพิ่น....

สอยประชดผู้บ่าวฮ้างจักบาดก่อน.....


           สอยๆ.....ซุมหมู่อยู่นี่ ฟ้าวหนี...เขาสิ 4 ผู้สอย..........(ฮา)

[amnuaichai]

 

[*,,น้องแนน,,*]

 

[อนัตตา]

พี่น้องเอ้ย..คันได่กินปลาแล้วอย่าลืมปูปะปล่อยเด้อ  ลางเทือปลาขาดข่องยังสิได้ป่นปู



สั่นดอกหวา 

(จักหน่อยก่อน ย่านกท.ผญาตก)

[น้าเสก คนเดิม]

พี่น้องเอย.....

ฮอดมีนา..หน้าฮ้อน...พี่น้องหาปลากิน
พากันแต่งข้าวของ...เอิ้นมิตรสหายผองเพื่อน
ตั้งเตาไฟขึ้น...พอน้ำฮ้อนต้มปลากิน
ใส่ผักติ้ว...แสนส้ม..มดแดงน้อยให้ใส่ลง

แนมเบิ่งผู้หนึ่งนั่น..สับปลาหาเฮ็ดก้อย
ใส่แม่มดแดงส้ม..ลงคั้นให้เหมิดคาว
เก็บผักกระโดนน้ำ  รสฝาดมากินแก่ว
แสนสิมีสุขล้น...อิสานนี้...มีคู่แนว....พี่น้อง

สหายเสก...10.08 น.

[น้าเสก คนเดิม]

แต่งให้พี่น้อง...ผู้รักษ์กลอนผญ๋า...

พี่น้องเอย...

ย้อนว่ายากการเวียก...งานหลายอ้ายพี่
บ่มีเวลาให้..ผญ๋าหย่าวจ่ายผญ๋า
แต่คั่นมีเวลา..สิแวะเวียนมาพ้อ
อย่าสุฟ้าวท้อแท้...บ่ได่ห่างหายหนี
คิดฮอดศิลป์กวี..มูลมังอีสานนั่น

อย่าสิคิดท้อแท้...ขอเป็นกำลังให้ผู้อยู่
ผู้คอยซูคำกลอน..มูลอีสานแต่ก่อนกี้
นับมื้อแต่สิยาก..ลูกหลานเผิ่นบ่รักษ์
อย่าให้หายสูญสิ้น...ผญ๋านั่น..ให้สืบสาน...เด้อ..พี่น้องเอย

สหายเสก  10.34

[อนัตตา]

ดีครับดี +ให่พร้อม...เอาอีกแน้ 

[น้าเสก คนเดิม]

ขอบคุณหลายเด้อ....ครับ

พี่น้องเอย...

เที่ยงเว่นอันแสนฮ้อน..ฮ้อนแสนสิทนสู้
ควายอีตู้ยืนซ้น..ฮ่มไม้อยู่ปลายนา
ชาวนาผู้ปลูกข้าว..นาปรังแสนเหนื่อยหน่าย
น้ำกะแห้ง...แมงกะหลาย ...กายกะฮ้อน...ให้ทนสู้หมู่เฮา

วันเวลาผ่านพ้น...คนจนกะคือเก่า
เปลี่ยนมื้อเว่นเซ้า...จนคือเก่าพี่น้องเฮา
เฮ็ดสิตายอยู่แล้ว...ชาวนาตั้งแต่ปู่
สู้จนตายหลายรุ่น...ราคาข้าวกะบ่ดี....เฮ้อ...เซ็งเป็ด

สหายเสก 11.52    (ราคาต้นทุนในกรณีมีนาของตัวเอง  ไร่ละ 6000 เช่าที่นา  9000   ราคาขายข้าว...7000 ) 

[น้าเสก คนเดิม]

พี่น้องเอย...

ตกมีนาหน้าฮ้อน...สินอนเว่นกะอายอยู่
เห็นเผิ่นผู้พี่น้อง..ผองเพื่อนมิตรสหาย
เผิ่นฮ้อนแต่กาย ใจยังสู้..ทนอยู่ให้ลูกหลาน
ปานนิทานคำกลอน..กลอนผญ๋าพ่อพาเว่า

ให้ทนเอาแฮงสู้ ฝ่าฟันพันปัญหา
ใช้ปัญญาแก้ไข ใช้แฮงใจเข้าแก้
คำของพ่อแม่นั้น เป็นแฮงใจให้สู้ต่อ
สิบ่ขอหย่นย่อ...ยอมให้มันมัดดึง...ดอกพี่น้อง

lสหายเสก  เดิกเติบ...22.18

[somsakbck]

พี่น้องเอ้ย....

               กาลแต่ก่อนเพิ่นเว้าผญาสั่งเป็นคำสอน  บอกเป็นกลอนเตือนใจบ่ให้ไลลืมฮีต
               มวลลูกหลานโตน้อยกะได้พลอยฮู้ฮ่อม   เป็นวิถีไทยบ้านอีสานได้สืบมา....

คนอีสานเป็นคนจิตใจดีงามได้ก็เพราะกุศโลบายการสอนของบรรพบุรุษเรานี่แหล่ะครับ............

[น้าเสก คนเดิม]

บวก 1 ครับ...(ฮา) ได้คะแนน 747 (โบอิ้ง) บินไปซูดานพอดี