มรดกอีสาน... ผญ๋า+นิทานก้อม

[น้าเสก คนเดิม]

ในท้องฟ้ามีดวงดาว ในเมืองลาวมีข้าวเหนียว ในกระทะมีไข่เจียว ในใจดวงเดียวมีแต่เธอ

แจ่ม...   ฝากมอบไปให้น้องแนนแนเด้อครับ..

[somsakbck]

น้องแนนเลาอยากกินเค่าเหนียวกับไข่เจียวติ................(ฮา)

[น้าเสก คนเดิม]

 

[sit1451]

รับทราบครับ

[somsakbck]

หล่านางเอ้ย...

                อยากเอาไม้บ้านน้องมาสานกะต้าหมาก  เอาไปฝากแม่อ้ายคือสิได้สนุกแงง.....น้อนาง....

หาลูกใภ้ไปฝากแม่....

[magicmo]

..ขอบคุณครับ

[น้าเสก คนเดิม]

หล่านางเอย....

กกไม้น้อย...แซมกกไม้ใหญ่
ฮ่มกางใบห่อหุ้ม..ไม้น้อยสิค่อยไป
เจียมตนไว้...ไม้น้อยบ่ค่อยแฮง
รอมื้อฟ้าใส...ใจไม้น้อยสิค่อยแข็ง...ซั่นดอก

[somsakbck]

พี่น้องเอ้ย......

                    ยืนเหลียวเบิ่งคูน้ำนาทามน้ำล้นโท่ง   เหลียวเบิ่งสาวส่ำน้อยสิคอยถ่าบ่าวทางได๋....น้อนาง


ใจคนคอย....

[น้าเสก คนเดิม]

พี่น้องเอย...

บ่ได้มาพ่อหน้า...พี่น้องญาผญ๋าม่วน
อ่านแล้วคึดฮอดพ้อ..พี่น้องเว่าต่อผญ๋า
ย้อนว่ายากเวียกฮ้าย..กายก่ำนำแต่งาน
เผิ่นบอกฟ้าวนำงาน...อย่าค้านนำความเว่า

โตนี่ยังคึดฮอด..ความอุ่นความใน
ความในใจอุ่นอบ..อุ่นนำความเว่า
ไก่กะเคยกินเข่า...นกเขากะเคยกินกรวด
ขวดนี่เคยใส่น้ำ...ใจผู่ข่ากะเคยแฮง

แกงเคยใส่ปลาร้า....พร้าเคยฟันต้นข่อย
ใจผู่คอยคองเว่า...สิทนห้ามอยู่จั่งใด๋
ขออภัยพี่น้อง..นานมาบ่ค่อยอยู่
แต่กะคองคอยเว่า...ขอพี่น้องให้อภัย..เด้อข่าน้อย..

สหายเสก 11.00 น.

[somsakbck]

อ้าวท่านเสก ว่างแล้วติ.....ยากนำปิดงบประมาณเนาะคือ...

พี่น้องเอ้ย.....

                    อย่าได้ไลลืมถิ่มพงศ์พันธุ์พี่น้องเก่า  อย่าสิไปหลงเว้าเมาย้องผู้อื่นดี
                    อย่าได้เด็ดดอกหว่านบ้านเพิ่นมาแซมผม  ให้ค่อยๆลำแงงดอกกะเจียวแคมฮั้ว.....


มีความสุขตามประสาคนอีสานด้วยกัน....

[น้าเสก คนเดิม]

พี่น้องเอย...

ให้แนมปลาโตอยู่ใกล้...อยู่ในไซเฮาไปใส่
อย่าสุไปหลงหย่อง...ปลาอื่นโตอยู่ไกล
แมนสิเป็นปลาน้อย..ปลาซิวโตบ่ใหย่
อยู่ในไซ้หม่องสิได้...ต้มคั่วแกงกิน...นี่แหล๋วพี่น้อง....

สหายเสก...10.27

[somsakbck]

พี่น้องเอ้ย.....

                  สองสลึงอยู่ฟากน้ำอย่าฟ้าวอ่าวคะนิงหา  สตางค์แดงคามือให้ค่อยกำเอาไว้......


อย่าหวังให้คนอื่นมาช่วย.......

[น้าเสก คนเดิม]

พี่น้องเอย....

คั่นว่าโตขี่ค้าน...อย่าเฮ็ดนาใกล้ทาง
เผิ่นผู้เที่ยวท่องทาง...สิหว่าเทียวติได้
คั่นว่าโตมั่นฮ้าย...แมนเฮ็ดนากลางท่ง
พี่น้องกายไปใกล้..เผิ่นกะหย่องว่าเฮ็ดดี....นี่แหล๋ว..

สหายเสก 13.42

[somsakbck]

พี่น้องเอ้ย.....

                 คนสิหมั่นเฮ็ดเวียกกลางโคกกะบ่ถอย  คันว่าคนขี้คร้านนากลางบ้านกะว่าไกล 


ขยันเข้าไว้ครับ....เอาใจช่วย

[น้าเสก คนเดิม]

พี่น้องเอย...

อย่าสิไปเทียวเว่า...เทียวติกกไม้เผิ่น....แมนแนวไม้ขี้ฮ้าย..เผิ่นกะว่ามันดี...นี่แหล๋ว