มรดกอีสาน... ผญ๋า+นิทานก้อม

[อนัตตา]

ตั้งแต่กี้ มันกะคือตั้งแต่ก่อน
คือจังตอนแต่กี้ แต่เดี๋ยวนี้กะคือกัน
คือกันเด้อกับมื้อนั่น กะคือกันกับมื้ออื่น
คือกันกับมื้อคืน หรือมื้อฮือมื้อได๋นั่น...เฮากะฮักกันดอกคือเก่า

พี่น้องเอ่ย....




  ไปหาหลอยเพิ่นมายกกระทู้ผญาจักหน่อย สองเถ่านั่นจักไปทางได๋ 

[somsakbck]

โอย......ยากครับท่าน....ยากเวียกยากงาน............เดี๋ยวจ่มเรื่องยากจักบาดก่อน

พี่น้องเอ้ย....

ยากนำเวียกอยู่บ้าน ยากนำห่านบ่ทันเกีย ยากนำเมียอยู่กรรม กะต๊าฮำบ่ทันเมี้ยน......

ยากนำเบียน ยากนำด้ง เทิงนาดงบ่ทันต่าว ยากนำหลาวหาบเค่า ยากนำเจ้าสิแต่งงาน......

...............(โฮ)

[น้าเสก คนเดิม]

จ่มคือกัน...

พี่น้องเอย...

ยากนำเวียกอยู่บ้าน ยากนำงานที่เฮ็ดอยู่
ยากนำชู้ต่างบ้าน ยากนำขันอยู่ต่างเฮียน
ยากเวียกงานบ่เว้น ยากจนเส้นสันหลังจม
ยากนำตมติดขา ยากนำซาหลงบั้ง....ซั่นดอก

[BIGbanana]

อิอิ มีแต่ผูยากๆ เนาะครับ เมี่ยยๆๆๆๆ

[*,,น้องแนน,,*]

ยากหลาย

[หินเหล็กไฟ]

ยากนำปากเวย..ไสมาไสกะมีแต่เว่า..ว่าสิบ่เว่ามันยังเว่าแมะ

[BIGbanana]

อิอิ  จะแมน

[น้าเสก คนเดิม]

ผู้เถ่าเผิ่นว่า.....เว่าไปหลายแมนความเว่า....เปิดพุ่มไม้ความเว่าจั่งแมนหลาย...

[BIGbanana]

นั่น

[น้าเสก คนเดิม]

สอย ๆ ๆ พี่น้องฟังสอย..

ยามฮ้อนกะว่าฮ้อน..ยามหนาวกะว่าเย็น...บาดยามนอนเวน...บ่เห็นจ่มจักเที่ย..อันนี่กะสอยยยย

[พรานปลาแดกบอง(นวย นาวัง)]

แซบครับ

[BIGbanana]

อิอิ แมน

[somsakbck]

พี่น้องเอ้ย.....

                  ยังบ่ลืมกกเหง้าความเก่ายังคิดถึง  จิตคำนึงความหลังตั้งแต่ยังเป็นเด็กน้อย.....

โอ๊ย.....อยากออกไปแล่นว่าว เอา่ปลาข่อน นอนซุ้มอยู่นาเด้......สหายเสกสบายดีบ่น๊อท่าน

[น้าเสก คนเดิม]

สวัสดีท่านหมู่เอย...ซ่ำบายดี...

ซ่ำบายดีอยู่ท่าน แล่นหันอยู่เด้อหมู่
สุขซ่ำบายพอได้ ผมหงอกนั่นกะพองาม
บ่ได้ไปยามดอกปีนี้ งานการยังหลายอยู่
คิดฮอดหมู่เถ่าเถ่า หมู่เคยเว่านำกัน

เป็นได๋น้ออี่พ่อท่าน คือสิอยู่สุขซ่ำบาย
เป็นเจ่านายเจ่าคน คือสิจำเริญน้อท่าน
ไว้โอกาสอันใกล้ สิกายกายมายามอยู่
ขอให้หมู่หาแนวต้อน ผมสิฟ้อนมายาม....ฮิ้ว.......

สหายเสก 12.23 หนู

[somsakbck]

สบายดีคือกันท่านส่วนเวียกงานกะพออยู่  เดินทางดู๋เวียกต่างบ้าน ประทานโทษบ่ค่อยเห็น

โดนๆเป็นยามว่าง มายามทางบ้านผมแน๊  ตางมาแวกินเค่า ตางมาเซากินน้ำ ยามผมว่างสิอยู่คอย.......ท่านเอย


หลังปีใหม่ กำหนดเดินทาง หลายทาง.......คันบ่ได้เข้ามาคุยนำกะอย่าจ่มให้ผมเด้อ