มรดกอีสาน... ผญ๋า+นิทานก้อม

[น้าเสก คนเดิม]

 

[somsakbck]

พี่น้องเอ้ย.....

                  สุขสบายถ้วนหน้าบ่น๊อหมู่ชาวอีสาน  กลับมายามเฮือนชานที่เคยนอนแล้วครับท่าน.....

[อนัตตา]

ไปไสมาล่ะครับ...เมียไล่ออกจากบ้านติ 

[น้าเสก คนเดิม]

เมียไม่เคยไล่...เพราะไม่เคยมี...หึหึ

[wut_highways]

เว่าคือแท้ดอก บ่เคยมี ลุกสาวไผคั่นนั่งอยู่ข้างโลโก้นี่

[somsakbck]

ไปไสมาล่ะครับ...เมียไล่ออกจากบ้านติ 

บ่แม่นเมียไล่....หมายถึงกลับมาเข้ากระทู้ผญานั่นน๊า........ฮ่วย....ซวนซุมมือปืนเมืองบุรีรัมย์ไปถล่มด่านฯจักมื้อซะเบาะนอ......สหายเสกว่างบ่ท่าน...ไปตีด่านชั่งฯเมืองหนองกี่บ่เฮา.......(ฮา)

[น้าเสก คนเดิม]

เว่าคือแท้ดอก บ่เคยมี ลุกสาวไผคั่นนั่งอยู่ข้างโลโก้นี่

บ่เคยมีน้อย....นั่นล่ะคับ..

[น้าเสก คนเดิม]

ไปไสมาล่ะครับ...เมียไล่ออกจากบ้านติ 

บ่แม่นเมียไล่....หมายถึงกลับมาเข้ากระทู้ผญานั่นน๊า........ฮ่วย....ซวนซุมมือปืนเมืองบุรีรัมย์ไปถล่มด่านฯจักมื้อซะเบาะนอ......สหายเสกว่างบ่ท่าน...ไปตีด่านชั่งฯเมืองหนองกี่บ่เฮา.......(ฮา)

อยู่หม่องผมอยู่นี่...แล่นบ่พอซั่วโมง...   สมมุติว่าตีค่ายแตกแล้ว...สิมีต้มไก่กินบ่ล่ะหึ...

[somsakbck]

บ่มีไก่ต้มกะเอาเสมียนด่านฯเลาไปเป็นตัวประกันโลด.......รับรองฟ้าวมาไถ่ไวปานหยัง.......(ฮา)

พี่น้องเอ้ย.....

                  ดอกกะยอมกำลังออกยอดผักติ้วกำลังป่ง  คิดฮอดพงศ์พี่น้องที่เคยล้อมพาเค่าแลง
           
คิดฮอดผู้สาวเก่าผู้เลาตายจากไปเด้เนาะ.............(ฮึๆ)

[น้าเสก คนเดิม]

โอ้น้อ....พี่ซายเอย...

พอได้ยินคำซายเว่า ดอกขะยอมกะลังป่ง...ดอกผักขมกะลังซอด เผิ่นคึดฮอดผู่ฮ่วมพา
วาสนาน้องมาแล้ง..น้ำขอดแห้งมีแต่ตม..ลมพัดมาพอวอยวอย คนผู่คอยพลอยมาแล้ง
คึดฮอดซายผู้ไกลจาก..ย้อนว่ายากนำแม่พ่อ..คึดฮอดตอต้นผักติ้ว..ต้องลมแล้งคือสิงาม
ขอให้อดใจสู้...นับมื้อถอยสิคอยฮ่วม...นับมื้อเวนสิมาพ่อ..ขอใจอ้ายอย่าลืมพา...เด้ออ้ายเอย..


สหายเสก...12.49 น.

[น้าเสก คนเดิม]

โอ้น้อ....พี่น้องเอย....

เเนวว่าไหมบ่สมฝ้าย..ฝายนาทามบ่สมหลี่
ปลีบ่สมหน่วยกล้วย..กระบวยฮ้างสิห่างโอ...

ล่ะน้องเป็นคนผู้โก้..โตของพี่มันคนดำ
เเนวทองคำกับทองปลอม มันคู่กันบ่มีได้
หัวขิงไคไกลหัวหว่าน..งูทำทานมาไกลจากซุ่ง
เตียงบ่สมใส่มุ้ง........หัวมันยุ้งสิห่างหวี

นี้จั่งเเม่นนางน้องเฮ็ดให้ซายได้ทนทุกข์...
อุกในใจยามมันโซ...ไปเพิ่งยาก็ยังได้
ล่ะเจ็บในในปานไฟไหม้..หลาวมาเเทงเลือดเเดงโส่
น้องคนโก้มาคือเฮ็ดกับพี่ได้....หัวใจน้องจั่งเเม่นดำ....ยี้

[บ่าวอู๋]

หลายคักเนาะผญานิ....

[น้าเสก คนเดิม]

บ่มีหมู่ย่าวแม๊ะอาว์.....เฮ้อ..(คิดถึงมิตรรักแฟนผญ๋า)    


ป.ล. คั่นม่วนกะ + ให่แนเด้อ..(อ้อน)

[wut_highways]

บวกให้แล้วครับ เอาอีกจักผญาดู๊พี่

[น้าเสก คนเดิม]

อะแน๊ะ...

พี่น้องเอย...

ผู่เถ่าเผิ่นพาเว่า..คนเก่าเผิ่นพาว่า...เข่าป่าให้พกมีด...ไปท่งให้พาพร้า...พอสิได้อุ่นใจ...เด้อ...พี่น้อง (แปลเอาเอง)