มรดกอีสาน... ผญ๋า+นิทานก้อม

[น้าเสก คนเดิม]

หล่านางเอย...

วาสนาของหมาน้อย..ได้แต่ยืนคอยนั่งจอบส่อง
ได้แต่แอบซอมแนมเบิ่งเจ้า....ผู้สูงล้ำส่ำเครื่องบิน
ยามได้ยินเสียงน้องจาเว้า...อ้ายอยากขอเคียงเงา..ยามเจ้าผ่าน
แต่บ่หาญเข้าไปใกล้....บาดใจนั้นมันคึดนำ...

ย้อนวาสนามันต่ำต้อย....ได้แต่มองบ่กล้าเห่า
เบิ่งแต่เงาเป็นคู่ฟ้า....เมฆาพู้นเผิ่นคู่กัน
ได้แต่ฝันไปลมแล้ง....พอมีแฮงได้อยู่ต่อ
แต่บ่พอสิได้ซ้วน......เอานวลน้องมาฮ่วมพา.....ดอกหล่าเอย..

[น้าเสก คนเดิม]

หล่านางเอย.....

ปลายยามฝนลมมาคล้อย....ลมวอยวอยลอยมาเปลี่ยน
ภาพหลอนเวียนในใจอ้าย...คือหมายย้ำให้ฮ่ำฮอน
น้องเคยวอนคำกลอนเว้า...ว่าโตนางบอกหน่ายเบื่อ
ทิ่มจุดหมายหาซายซ้อน.....เหลือคอนไว้..ให้ไก่แยง..
ย่างตะแคงจั่งลืมซ่น...น้องหน้ามนคนลืมป่า
ปานว่าหงห์ได้เหินฟ้า....ถลาขึ้นบ่หมื่นลง..แท้น้อ..

[somsakbck]

หล่านางเอ้ย....

                 อย่าสิโอ่งหลายถ่อน หัวคานโงงไม้ไผ่ป่า  คันกระต้าบ่ห้อย บ่มีได้เอ่นกลาง...

                 อย่าหาโอ่งบ่าวไทยบ้าน หัวคานโงงไม้ไผ่รวก  คันบ่มีหมู่อ้าย ไผสิโก้ยขึ้นนั่งซาน...เจ้าน้อ


โอ่งหลาย ขึ้นคานเด้อนาง...

[น้าเสก คนเดิม]

ทุกวันนี้หล่อนไม่มองท่านหรอกจ๊ะ....

มีบางหมู่บ้าน..หญิงเริ่มเป็นสาวเขามุ่งไปหาฝรั่งอย่างเดียว....คนหน้าตาดีอย่างผม...ได้แต่แอบแนม...พะนะ

[หินเหล็กไฟ]

นี่กะกระทู้สองคน

[somsakbck]

บ่มีไผมาเว้านำจักเทื่อ...จกตากันอยู่แค่ 2 คนนี่มาหลายปีแล้วท่าน..ครูต้นเอากระทู้นี่มาให้ผมกับท่านเสกจ่มให้คนฟังคักกะยังว่า.....(ฮา)..เอามันไว้นี่หล่ะ...เฮ็ดจั๊งได๋ได้...มันเป็นมรดกของพวกเฮา

[น้าเสก คนเดิม]

นี่กะกระทู้สองคน

เถ่าอั่นนี่กะจอบแต่สิมาลบ....คั่นว่ามันมีสองคนกะมาผญ๋าซ้อยกันติล่ะ....

[Hang Forever]

โหลไไไไไไไไ
         หอยจิ๊บจี้ บ่แม่นพี่น้องหอยแครง  หอยแครงบ่แม่นญาติหอยคราง
         แต่หากพลิกแพลงถืกท่าถืกทาง อาจสิครางยามแครง  โหลๆๆๆๆๆๆๆๆๆๆๆ  อิอิ

[somsakbck]

ผญาทางฝั่งโขงนี่ เน้นทางหอย....(ฮา)

หล่านางเอ้ย....

                 เจ้าผู้จ๋อจี่จิ้นขามะเฮ็งเก้ากิ่ว  ซ่างบ่โก่ะโก่มโก้ยคลานเล่นอยู่ขี้ดิน.......พุ้นนอ

หยอกเอิน....

[Hang Forever]

ฟ้าฝนเอ๊ย.......
          บาดยามนี้ฮ้องตึ้มๆ บ่ย้านไผสิแตกตื่น บ่ย้านนอผู้ข้า ผู้บ่าวน้อยสิตื่นตูม
          บาดยามพู้นแต่หว่างกี้ พาสาวซ้นหลี้หลบฝน  สังบ่ฮ้องตึ้มๆ ให้สาวเต้นสะเดิดหา แหน่น้อ..... ห่ากินฟ้าฝนเอ๊ย  อิอิ

[somsakbck]

พี่น้องเอ้ย....

              ในโลกนี้ทุกสิ่งหญิงชาย  ให้ว่าแพงตนเฮากว่าคนทั้งค่าย
              ศีลธรรมนั้นควรเพียรแพงยิ่ง  ฮักกว่าเค่าของเลี้ยงลูกเมีย
              สัจจะนั้นส่งบุญเป็นประเสริฐ  ฮักกว่าเนื้อตนเจ้าจึงควร.....

[น้าเสก คนเดิม]

สู้ ๆ ๆ โหลๆๆๆๆๆๆๆๆๆๆๆๆๆๆ

[somsakbck]

หล่านางเอ้ย...

                ซ่างสิมาขายฆ้อน ตอกสิ่วเป็นกะดัด   อ้ายนี่แนวปูหอ ลอกเอาเด้อน้อง...

[น้าเสก คนเดิม]

หล่านางเอย....

ย้อนว่าทุกข์ยากฮ้าย...กายก่ำกินมันหมก
ย้อนว่ากินหมกมัน...กายจั่งดำปานนี้
แมนกายสิดำปานมื้อ...ใจกะใสปานน้ำฝน...ตั๊วล่ะนาง
(ต่อให้แนพ่อใหย่สมสาก)

[น้าเสก คนเดิม]

หล่านางเอย.....

ลมหนาวใหม่มาจ้อย ๆ  อย่าสุปล่อยใ้ห้อ้ายนอนหนาวเด้อ....นางเอย