มรดกอีสาน... ผญ๋า+นิทานก้อม

[lek]

สอย... สอย... สาวส่ำน้อยบ่ฮูจักแล็คตาซอย บัดเขาดึงหมอ อ้อย อาหารเสริมสำหรับคุณ

[น้าเสก คนเดิม]

 

[น้าเสก คนเดิม]

พี่น้องเอย..

ย้อนยากเวียกยากงาน..บ่ได้สานต่อควมผญ๋า
ย้อนยากนำไฮ่นา...บ่ได้สานผญ๋าย้อน
ย้อนยากนำพี่นำน้อง...เมียงบ้านอยู่บ่สุข
ย้อนยากนำควมคน...เฮ็ดให่โตตนฮ้อน...พี่น้อง

[somsakbck]

พี่น้องเอ้ย...

                สังสิมาตั๋วหลอกบ่ฮู้เซาจักเทื่อ ตั๋วมื้อนั่นมื้อนี่ หลอกว่าแนวนั่นแนวนี่ ไทยบ้านเขาระอา
                ผู้แทนเป็นผู้ได้อาญาสิทธิ์จากชาวไพร่ พอเป็นใหญ่แล้วพากันเฮ็ดบ่ถูกต้อง ผองไพร่บ้านสิม้างเฮือน เอาเด้อ......


Corruption Expert Party......

[น้าเสก คนเดิม]

จักผู่ใด๋สิฮู้..ในหัวใจนกขี่ถี่...ห่าแมนเสี่ยงมีดตอกไว้...ใจอ้ายสิบ่ตายบ่้น้อ...นางเอย

[น้าเสก คนเดิม]

นิทานก้อมรายวัน....มื้อนี้เสนอเรื่องราวของ 2 เสี่ยว...เสี่ยวลาวกับเสี่ยวเขมร...ในตอนที่มีซื่อว่า...หาของป่า

บ่าวลาวมาได้เมียเขมร...อยู่ไปอยู่มาได้ผูกเสี่ยวกับบ่าวเขมรผู่หนึ่ง...อยู่มามื้อหนึ่งสองเสี่ยวซวนกันออกไปหาของป่า...มื้อนั่นหาได้แค่สองอย่างคือ "แลน" กับ "เต่า"
พอตกยามแลงสองเสี่ยวกะเลยปรึกษากันว่าผู่ใด๋สิเอาอีหยังไปเฮ็ดกิน...เสี่ยวเขมรกะเลยบอกเสี่ยวลาวว่า

"เจ่าเอาส้องข่อยเอาเดิ๊กก"

เสี่ยวลาวกลับได้ยินว่า "เจ่าเอาสองข่อยบ่เอาเดิี๊ก"   กะเลยคว้าเอาเทิ้งแลนเทิ้งเต่า...พร้อมกับบอกว่า "ขอบใจหลาย ๆ เด้อเสี่ยว...ป้าดโธ้..เขมรคือดีแท้"
เสี่ยวเขมรได้แต่เกาหัว...จ่มออกไปว่า "ฮ่วย..ข้อยเสียเปรียบลาวแล้ว"

หมายเหตุ...แลน ภาษาเขมรเอิ้นว่า "ส้อง"
                เต่า  ภาษาเขมรเอิ้นว่า "เดิ๊กก"

(ใจจริงเสียวเขมรบอกว่า "เจ่าเอาแลนข้อยเอาเต่า"    ดันเว่าเขมรปนลาวว่า "เจ่าเอาส้อง...ข่อยเอาเดิ๊กก")

[น้าเสก คนเดิม]

เสี่ยวลาวเสี่ยวเขมร..มื้อนี้เสนอตอน....ตุ๊กออยโกน...

มื้อหนึ่ง 2 เสี่ยวไปเฮ็ดนา.....เสี่ยวเขมรหาปลาซิวมาได้...ได้กะได้บ่หลายเจ่าของบ่กล้ากิน..กะเลยใส่ไม้ปิ้ง..ปิ้งไว้ให้ลูกสาว...ตกใกล้เที่ยง..เสี่ยวลาวมาเล่นนำ...เสี่ยวเขมรเห็นแต่ไกลกะเลยเอาปิ้งปลาซิวไปเสี่ยงไว้เทิ้งหลังคา...ย้่านเสี่ยวลาวเห็น..เสี่ยวลาวมาฮอดกะนอนเล่นเทิ้งเถียง...เสี่ยวเขมรกะเลยถามเสียวลาวว่า....

"เฮาสิได้อะไรกินข้าว"

เสี่ยวลาวกะคึดบ่ออก...บ่มีอีหยังสิกิน...กะเลยบอกเสี่ยวเขมรไปว่า  "จั่งหว่า"

เสี่ยวเขมรคิดในใจว่า...กูอุตส่าห์เสี่ยงปิ้งปลาซิวไว้ดีแล้ว...บักเสี่ยวลาวดันเห็นอีก..กะเลยเว่าออกไปว่า...."หือ...ตุ๊กออยโกน"  (เอาไว้ให้ลูก)

แต่สุดท้ายเสี่ยวเขมรกะได้เอาปิ้งปลาซิวมาให้เสี่ยวลาวกินจนอิ่ม....

หมายเหตุ...ปลา  ภาษาเขมรเอิ้น "ไตร"
                ปลาซิว....เขมรเอิ้น  "ไตรจังหวา"

เขมรเสียเปรียบลาวอีกยก..

[น้าเสก คนเดิม]

เสี่ยวลาวเสี่ยวเขมร...เสนอตอน....นายฮ้อยค้าควาย..

สองเสี่ยวลาวเสี่ยวเขมรรวบรวมเงินได้หลายพันบาท..ลงหุ้นสิไปซื้อควายมาขายปันกัน...มีเทิ้งแบงค์ร้อยแบงค์สิบ...ใส่ย่ามให้เสี่ยวลาวเป็นคนพาย...เสี่ยวลาวหย่างก่อนเสี่ยวเขมรหย่างนำก้น...
พอไปฮอดกลางทางเป็นทุ่งนากะเลยพากันหยุดพักเพื่อสูบยาใต้ห่มไม้....ตีไฟสุบยาแล้วกะพากันหย่างต่อ..สูบไปนำหย่างไปนำ...เสี่ยวลาวเอากลักตีไฟใส่ในถงย่าม..แต่ไฟมันบ่มอด...เฮ็ดให่ไฟไหม้ถง...เสี่ยวเขมรหย่างนำก้นแนมเห็นกะเลย...ฮ้องบอกเสี่ยวลาวไปหว่า "ไฟไหม้ถ่ง...ไฟไหม้ถ่ง"

เสี่ยวลาวได้ยินกะบอกไปว่า  "เอ้อ..ไฟไหม้ท่งมันกะดีแล้ว....สิได้มีหย้าอ่อนขึ้นมาให้งัวให้ควายได้กิน"  

กลัวสิฮู้เรื่องกัน...ไฟกะไหม้ย่ามใส่เงินจนเหมิด...

[น้าเสก คนเดิม]

เสี่ยวลาวเสี่ยวเขมร...มื้อนี้เสนอตอน....."อึ่งเขมร"

มื้อหนึ่งฝนตกหนัก..หลังจากกินข้าวแลงแล้ว..สองเสี่ยวกะซวนกันไปไต้อึ่ง...ไต้จนพอแล้วกะพากันไปเซาเมื่อยอยู่ในเถียงนา...พอเงียบ ๆ กะได้ยินเสียงอึ่งฮ้องว่า..."อึ่งงงงงง....อ่างงงงงงง"
เสี่ยวเขมรกะเลยถามเสียวลาวหว่า...."เจ่าฮู้บ่ว่าอึ่งเขมรโตผู่กับโตแม่มันฮ้องบ่คือกัน"..เสี่ยวลาวกะตอบไปหว่า..."อ้าว...อึ่งโตผู่โตแม่มันฮ้องบ่คือกันปานนั่นติ...อึ่งเขมรมันฮ้องหว่าจั่งใด๋เสี่ยว"
เสี่ยวเขมรกะเลยบอกว่า..."มันฮ้องจั่งซี้"   เว่าแล้วกะเฮ็ดหน้าเค่ง ๆ คางหยาน ๆ คืออึ่งโตผู้...แล้วกะฮ้องว่า......"เนียงงงงงงงงงงงง....มะน่องงงงงงง........." "เนียงงงงงงงง...มาน่องงงงงงงงงงงง"
อึ่งโตแม่มันกะฮ้องอตอบว่า...."บ่องงงงงง.......หืออออออออ"   "บ่องงงงงงง......หือออออออ"
เสี่ยวลาว..มันแปลว่าจั่งใด๋...เสี่ยวเขมรเลยบอกว่า....โตผู้มันฮ้องแปลได้ว่า..."หล่าาาาาาา....ขอเที่ยหนึ่ง"....โตแม่มันกะตอบไปว่า..."อ้าย...จักอีหยังดอก"..

[น้าเสก คนเดิม]

นิทานก้อม...เสนอตอน...."บ่าวศรีเกดไปเมียงกรุง"

บ่าวตุ๊ศักดิ์...หนุ่มใหย่จากศรีเกด...ตัดสินใจขึ้นรถไฟไปขุดทองที่เมียงกรุง...เก็บเงินได้แต่พอค่ารถไฟ....ขึ้นรถไฟจากศรีเกดไปฮอดกรุงเตปหัวลำโพงตอนตีสอง....ค่ารถต่อกะบ่มี..สิไปทางใด๋กะไปบ่ได้..เนื่องจากบ่มีเงิน....นั่ง ๆ นอน ๆ พอให้มันแจ้ง...กะบ่แจ้งง่าย..กะเลยหย่างไปหย่างมา...อยากสูบยากะอยากจนสิลงแดง....หย่างไปยืนอยู่หน้าหัวลำโพง...เห็นบ่าวกุงเตปคนหนึ่งสูบยาซองเหมิดเคิ่งโต...แล้วโยนทิ่ม..กะเลยหย่างสิไปเก็บ...บ่าวกุงเตปพัดเหยียบขยี้ทิ่ม...อด...หย่างไปหย่างมาเห็นกิ้นยาสูบอันหนึ่ง....กะเลยหยิบขึ้นมา...บาดบ่มีไฟแช็ค...แนมเห็นแม่ค้าหัวลำโพงคนหนึ่ง...นั่งปกหาบขนมนั่งขาย..แม่ค้้าไต้ตะเกียงห้อยอยู่เทิ้งหาบ...กะเลยหย่างไปก้มหน่าลงไต้ยาสูบ....ตาผัดแนมไปเห็นหว่างขาแม่ขา...เต็มตาแดงจึ่งคึ่ง...กะเลยฮ้องออกไปหว่า...."ฮ่วย...อี๋แดง"

แม่ค้าชาวกุงแนมหน่าบ่พอใจ...เลยฮ้องด่าไปว่า...."อี๋แม่มึงไม่แดงเหรอไอ้ควาย".....บ่าวตุ๊ตกใจ.....กะเลยตอบไปด้วยสำเนียงศรีเกดหว่า..."แด้งกะแด้งอยู่...แต่บ่พ้อสิได้กี่ป้ากิ้น"

[น้าเสก คนเดิม]

พี่น้องเอย....

ได้พ้อสาวส่ำน้อย...สวยใสวัยละอ่อน
ตอนเฮาเป็นผู้เถ่า...แม่นอยากเว้าว่าฮักหลาย
แต่อยากอายเจ้าของเถ่า...เกิดโดนบ่ควรค่า
บ่กล้าเอ่ยปากว่าฮัก...ย้านคนเอิ้นเถ่าหัวงู

ได้แต่ดูได้แต่จ้อง...ได้แต่มองอยู่ห่างห่าง
ได้แต่วางมาดเข้ม...หวงก้างหย่างนักเลง
ได้แต่เกรงใจแม่เถ่า...ย้อนว่าเฮาเกิดทันเผิ่น
สาวผั่นเอิ้นว่าปู่ซ่ำ...หัวใจน้อยมันเหี่ยวถอย...นี่แหล๋ว...พี่น้องเอย

[น้าเสก คนเดิม]

บ่มีหมู่....เถ่าแอวยาวหัวหงอกจักเสียไปทางไหน

[หินเหล็กไฟ]

นิทานก้อม เขมรกับลาวส่วนมากเสียเปรียบลาวย้อนว่าลาวส่วนมากสิเป็นคนแต่ง แต่มีเลื่องหนึ่งที่ลาวแพ้เขมร แต่กะเป็นคนลาวแต่งคือเลื่องกินหน่วยตางัว เลื่องมันกะทั่วไปนั่นหละ ลาวกับเขมรแข่งกันกินงัวดิบ ปาดตับออกมาต่อนส่ำกำ่ปั่น ลาวกะเอาไส่ปากย้ำกินเสย เขมรก็บ่แพ้กินได้คือกัน กินไปกินมามันกะอิ่มแหล่ว เหลียต่อนสุดท้ายคือหน่วยตางัวสองตา ลาวย้อมแพ้เลยวะ

[น้าเสก คนเดิม]

     สงสัยลาวย้านตางัว......นี่แหละเผิ่นว่าลาวตาขาว...


ผญ๋าสาวซ่ำน้อยของข่อยบ่ม่วนติ...

[หินเหล็กไฟ]

ม่วนบ่ม่วนกะว่ากันไปตั้วเนาะ