มรดกอีสาน... ผญ๋า+นิทานก้อม

[สหายแป๋ง คนดง]

  แท้งคิ้ว  หลายปีแล้วบ่มีสาวมาเฮียงคีง

[น้าเสก คนเดิม]

พี่น้องเอย....

มันหากอัศจรรย์แท้...กับความฮักของคนเฮา
แสนลึกลับสับสน....กับใจคนมันแสนยาก
เทิงสุดแสนสิลำบาก...บังคับใจให้ตั้งเที่ยง
มีเทิงเอนเทิงเอียง...ยามเฮาได้พบพ้อ...คนงามนั้นแห่งหวันไหว
สุดสิห้ามทางใจได้....ถึงสิต่างวัยกะตามซ่าง
มีแต่อยากสมหวัง......บ่อยากไกลไปแสนลี้....ใจคนนี่ กะช่างเป็น...พี่น้องเอย


มอบให้ป๋าแป๋ง.....

[น้าเสก คนเดิม]

พี่น้องเอย....

ไผสิเล็งเห็นได้.....ในหัวในกปากห่าง
กายมันขาวดั่งนกยาง....ใจผัดดำปื้อ ๆ พอปานมื้อพ่อใหญ่สี
กายขาว ๆ จั่งซี่....แต่ภายในปานเสือใหย่
ย่างเลาะไปนำท่ง.....จ้องจับกินปลาปูน้อย...ให้โตข่อยนั่นหวั่นกลัว
อุปมาคนใจชั่ว.....ชอบทำตัวสร้างบุญก่อ
ภายในใจนี่น้อ......ปานเพชฌฆาตฮ้าย.....คอยปองร้ายแต่หมู่คน....ซั่นแหล๋วพี่น้องเอย

รู้หน้าไม่รู้ใจ....มอบให้ป๋าแป๋ง

[น้าเสก คนเดิม]

พี่น้องเอย...


ขอใ้ห้สุขเสมอหมั้น...มื้อสงกรานต์ปีใหม่ไทย
ให้กายใจสุขล้น...ความทุกข์นั่นอย่ากล้ำกลาย
สิเดินทางแม้ไกลใกล้...ให้ปลอดภัยคู่ทางหย่าง
อย่าลืมสงน้ำผู่เถ่า...แม่กับพ่อขอให้อยู่เย็น...เด้อพี่น้อง..

[น้าเสก คนเดิม]

หล่านางเอย...

อ้ายนี่เปรียบคือไก่ผู้น้อย....หัวแ่ต่ก่อเฮียนขัน
คันสิตบปีกกล้า....คันสิอ้าปากขึ้น...กะเหลียวย้านตั้งแต่เขา
จั่งบ่จบบ่หานกล้า.....ขอโตเจ่าได้ซอมเบิ่ง
มันบ่เหลี่ยมจั่งไหม.....มันบ่ไสดั่งแก้ว.....ขอให้เจ่าได้เบิ่งแง้งเด้อหล่าเอย..

 

[somsakbck]

นางเอ้ย.....

                  อ้ายอยากได้ไม้บ้านเจ้ามาสานข้องลายสองคือสิค่อง  ไม้บ้านอ้ายมีบ่แพ้ลำดั้วบ่ถืกตา..นางเอ้ย

จีบ.....
                   

[น้าเสก คนเดิม]

หล่านางเอย....

นกเขาตู้พรากคู่กะยังขัน...กาเหว่าวอนพรากฮังกะยังฮ้อง
บาดว่าน้องพรากอ้าย...คำเดียวบ่เอิ้นสั่ง...แท้น้อ...
แมนบ่เอิ้นสั่งใกล้...กะขอให้เอิ้นสั่งไกล...แนเด้อนางเอย...

[Hang Forever]

โหลๆๆๆๆๆๆๆๆๆๆๆๆๆๆ
    น้ามของไหลซะๆบ่แพ้น้ามมูล
    น้ามอูนกะบ่ไหลดีหลายบ่แพ้น้ามซี
    ....แต่น้ามผู้เฒ่าซุมนี้ไหลพองิมงิ บ่เคิ่งถ้วยตะไลน้อย  โหลๆๆๆๆๆๆๆๆๆๆๆ

อิอิ

[น้าเสก คนเดิม]

โอ้น้อ..น้องนางเอย

อันว่าบักพร้าวแห้ง....นวลไนมันจั่งหวานตั๊วนาง...
บักบกหล่นข้วนข่วมปี...หน่วยไนจั่งมันจ้วย
คั่นสิแนมผู้บ่าวเถ่า...ให้แนมค่าเถิงความเพียร...เด้อนาง
เปียบคือช้างหัวโจก...มีค่าแมนงางาม....ซั้นตั๊วนางเอย....

[somsakbck]

ผญาบ้านนี้...มุ่นดีเว้ย....(ฮา)


                                    นางเอ้ย...เลี้ยงช้างเถ่าขายงากะได้ค่า เลี้ยงช้างน้อยตายจ้อยค่าบ่มี.....ตั๊วนาง

ฮิๆ......

[น้าเสก คนเดิม]

หล่านางเอย..

อ้ายยืนขมซมพิษไข้....ย้อนหัวใจไผ๋น้อหย่ำ
เจ้าบ่จำคำว่าเว้า....ยามฝนเค้าสิเหล่าคืน
ถิ่มอ้ายยืนสะอื้นเศร้า....เฝ้าเถียงนาอยู่ว้าเหว่
ยืนกายเซจนเป๋ล้ม......ขมคำเว้าที่เล่าลืม.....นี่แหล๋วนางเอย


มอบให้พี่สมสากนะค้าาาาาาาาาาาาาา

[somsakbck]

นางเอ้ย.... 

                     บัดนี้ทางหลวงเศร้าสิไปแปนทางไฮ่ เป็ดไก่เกือทุกมื้อบ่มีฮู้แก่นคน
                     อ้ายอยากสนเคาเลี้ยงกลางนาคือสิคล่อง อ้ายสิไปไล่ป้องปองเข้าสู่ขนอน......


ขอบคุณท่านเสกหลายๆคร๊าบบบบบ.............

[น้าเสก คนเดิม]

หล่านางเอย..

คึดฮอดเสียงที่เคยเว่า...เสียงจาหวานปานลมว่าว
หลงละเมอแลงเซ้า..จ่มหาเจ่าอยู่คู่ยาม
เสียงนกตูมฮ้องตั้ม...อยู่ในนาพาใจส่ง
ฝากสายลมไปหาน้อง..เถียงนาน้อยมีคนคอย....เด้อลมเอย

[somsakbck]

อ้ายเอ้ย.....

                  น้องอยากเอาไหมฮ้อยจำปาแดงแกมดอกเกด มณีเทศเป็นแผ่นแก้วตางผ้าให้ห่มหนาว.....เด้อ้ายเอย

[น้าเสก คนเดิม]

หล่านางเอย...

อ้ายอยากเอาไม้ส้าวสอยดวงดาวมาเฮ้ดสร้อย..เด้นาง     สิประคองคล้องใส่เกศน้องให้เป็นนางฟ้าพญาหงส์...พู้นแหล๋วนางเอย