ไหว้สา ไหว้สาครับ ปี้ ๆ อ้าย ๆ คนหุมแอ่วห้วย แอ่วดอย เจิงอนุรักษ์ครับ
เมื่อแลงวันที่ 13 ได้มีโอกาศไปนอนแฮมในห้วยกำ ไฟไหม้ขนาด แสบหูแสบต๋า มะแลงปากั๋นลาบแมงเขี้ยวยี่หางปุ๊
มะคืนส่องเขียดต๋ามน้ำห้วย เอามาหลาม มะเจ๊าวันที่ 14 เจ้าหมู่ได้แมงปากเลี้ยมแหม 2 ตั๋วเลยต้องลาบเป๋นคาบที่ 2
ตั้งแต่บะงาย ผดบ่ายโมง ไล่สองเหล่า บะมีหยังผดออกสักอย่าง เลยได้กิ๋นข้าวตอนกับจิ้นส้ม แคบหมู
ปากั๋นบั่นขึ้นแป๋ ข้ามมาแห๋มห้วย กะว่าจะไล่ลงห้วย ปิ๊กป๋าง ไฟซ้ำมาไหม้จ๋น บะมีเหล่า
ปะฮู้จะยะหยัง เลยปากั๋นขึ้นดอกเอื้อง ปอดีได้ยินหมาเห่า ลุ่มห้วย ปากั๋นล่นวก ต๋อนแรกนึกว่าแมงยาว
เข้าไปเป่นแมงปากบืน ขบกั๋บหมา ถ้าไปจ๊าแหมหน้อย ถ้าจะเผ่นไปแล้ว
ตั๋วแม่ สัก 45-50 โล ได้แล้วต้องสอดไม้กานมัดขาหามออกมา เพราะบะมีน้ำ น้ำแห้ง ในห้วยบะกล้าลาบกั๋น กั๋ว
ไประยะนี้กั๋วแมงยาว มะแลงวันที่ 13 เจ้าหมู่ผมจด 2 ตั๋ว อ้วนดำ หางสั้นกุดดุด อู้แล้วเสียวขนาด
กึดว่าเขาเผาป่าแล้วเขียดคงลงห้วย แมงยาวคงออกมากิ๋น ระวังหน้อยเน้อครับ
