อะแฮ่ม แฮ่ม มาตางเพ้สักก๊อก แล้วจะซอละเน้อ
หลอน...........................
อ้ายปู๋เป๋นเก๊า เผาป๋างอ้ายก๋อง
อ้ายยูเหยาะหย่อง ล่องกองโว้โว้........... เซ้ยยย
เจ้าของบะมา หลังคาโจ้โว้ สะลีเหม็นโอ่เยี่ยวไว้
ฝาก่อเป๋นฮู หนูมาไข่ไว้ กระรอก กระไหน่ไข่ตวย
งัวควาย จ้างม้า มานั่งเสริมสวย อีวอกหันตวย นุ่งเตียวในปลิ้น
หมูป่า กว๋าง ฟาน รำคาญ ใจ๋หิ้น กำสากมอง บินวื้อ วื้อ
อี่เห็นมาหัน หำงูดำขื้อมื้อ ก๋ำหน่วยบ่ามื้อขว้างไป
โดนใส่ขะหลำจ้าง ฮ้องคราง เสี้ยงใจ๋ หกเข้ามาใน ป๋าไผ๋หลุเสี้ยง
ตึงก้าบ ตึงก่อน เสาถอน หมดเสี้ยง หลังคา มาเปียง ฮ่องน้ำ
อนิจจานัง สังคัง คันนัก ผ่อป๋าง แอ่วลักสาวเมา
เจ้าของจิตหลุ เพราะรักผัวเขา สุดคาดจะเดา เศร้าใจ๋ไห้ห้อย
อ้ายปู๋เอามา แปมโซ่ กับหน้อย อ้ายยูผ่อกอย ไฟไว้
อ้ายงา อ้ายขาง ไม้ซางยาวไว้ แป๋งไม้โบม โทวา
อ้ายหน่อแหมคน หื้ออารักขา ถ้าป้อหลวงต๋อมา หื้อขะใจ๋เอิ้น
เอาละเน้อ หนึ่ง สอง สาม เผา ................
