กำนี้นา ถ้าอ้ายก๋า ลืมยาสูบนา หื้อสูบยากั๋นยุงไปก่อนเน้อ
ปอบรรเทาได้
บะไหวก๊า อ้าย .... แค่นอนฮมยากั๋นยุงก่อปอจะต๋ายแล้วครับ อ้ายบะป๊าว
เรื่องยาสูบ มีหั้นเตื่อ เจ้าหมู่เอา หญ้าหรรษา เข้าไป เดินออกบ้านเจ้าหมู่ มะค่ำ ไปถึงตี่ หมาย ปอเตี่ยงคืน นั่งอู้กั๋น เอาหญ้าหรรษา มามวนสูบ แล้วก่อ ยิ้มปุ่ย ยิ้มป่าย เตวขึ้นแป๋ดอย นั่งซุ่ม รอถ่ายฮูปแมงปากบืน เข้ากิ๋นหน่วยบะมื่น ยามใกล้แจ้ง ... โค๊ะ คึแต๊ ๆ เงา วาบ ๆ เวบ ๆ ในห้วย ผมยกกล้องขึ้นผ่อ เปิดหน้าเลนซ์ โหมดถ่ายภาพมะคืน นิ้วชี้ เกียมกด ชัตเตอร์ B ปั๊ดโท๊ะ แมงการ์ตูน พิ้งแพนเตอร์ ยื่นหน้า เป๋ง ต๋าใสมาบ ๆ เต๋มกล้อง สดุ้งหมด
อ้ายก๋า อู้ถึงก้องถ่ายฮูปแมงปากบืนนี่หันภาพเลยล่ะ
นึกถึงต๋อนมันกำลังปามหน่วยบะมื่น มันถึงบ่าฟังเสียงอะหยังน่อ
ซูมเข้าคอต่อเลยอี้ แสงแฟลช แจ้ง วาบ ยิ้มหื้อก้องตวยอี้
ถ้าถ่าน ก้อนแรกหมด ขะใจ๋ เปลี่ยนถ่ายเวย ๆ เน้อ ถ่าน 3x3 ก้อนแดงๆ ถ่ายซ้ำก่อได้ กันภาพแรกมันเสีย
หมู่ผมเกยถ่ายได้เตื่อ เป๋นตั๋วปู้ น้ำหนักคงจะนักกว่าสมจิตร จงจอหอ สัก ซาวโล นอนต๋าใสมาบๆ ปอหย่องกลีบ ปาดขะหลำ เรียบร้อย มันลุกโล่น
เอาหัวไปซุกก๋อไม้ไร่ลุ่มห้วยปู้น น่าบุญ ไปแหมบ่าไก๋ ผมเลยถ่ายซ้ำไปแหมฮูป เจ้าหมู่ และ หมา ก้อไปห้วยหน้าติก ๆ มันกำลังออกเหล่า
ตั๋วตี้ว่ามันล้องเหล่า แปลกเหมือนกั๋น มันขาบอยู่ข้างก๋อไม้ไร่ หมาหยังบ่อสาบ หรือว่า ฮอยและกลิ่นมันสับสน
