ยิงแล้ว มันยัง โมก ๆ แถมบะปอ มาโมก ๆ ใต้ห้างแห๋มกำ
ดีก๋าครับตี้มันมาโมกๆใต้ห้าง ผมโดนแพ่วส่ายห้างปู้น.....
อันจะว่าปี้อ้าย ไม้จะเอามาแป๋งก๊างแป๋งห้าง ตอกจะเอามามัด เฮาไปตัดมาจ๊าดไก๋ กั๋วแมงมันฮู้มันหัน
กิ๋นข้าวบะดายก่อก้อย ๆ อมก่อยลืน ยาสูบก่ออดสูบ ยุงยังบ่าตบ แข็งขาเป๋นเหน็ดยังบ่าได้ย้ายโม่งนั่ง เยี่ยวยังต้องใส่ถุงรัดหนังยาง
มือหนึ่งก๋ำคอปื๋น แหมมื่อ กำสวิชไฟฉายควบกระโจมมือ ต๋าผ่อไปในตี้มืด (จะไปหันอะหยังเนาะ) หูก่อฟังเสียงแมงขบหน่วย เสียงมันเข้า
ตั้งใจ๋ ตั้งใจ
ก่อนเตี่ยงคืนหน้อย ๆ
มาหันแสงอะหยังบะฮู้ เหมือนลำไฟฉาย ส่องไป ส่องมา ห่างจากดินประมาณสักเมตร กำก่อนนึกว่าหิ่งห้อย ยังบะว่าใด หื้ออภัยไปก่อน
ตอนหลังมาก๋ายเป๋นไฟกลมสีแดง ลอยๆเหมือนไฟต้าย Civic ใหม่ ก้อนึกว่ารถเก๋งไผมาในห้วย ส่องไฟ เอาลูกเก้า มอบหื้อหนึ่งลูก
ยังบะไปไหน สักกำหายไป เอาละ กำนี้ ถ้าเป๋นแมงต้องจอดละ เพราะบะได้ยินเสียงโดด ส่องไฟบะหัน เอาละ บะใคร่ม่วนละ
นั่งดับไฟแหมสักกำ ไฟแดง ๆ มาแหมละ
กำนี้นั่งนิ่ง ๆ มันลอยไปมาซักกำ ก็ลอยไปหล่ายห้วย เห็นทีอยู่บะได้แล้ว จะลงแล้ว บะไหวแล้ว
ก้มผ่อตังลุ่มห้าง ต๋าแดง ๆ สองแก่น อยู่ปื้นห้างเหมือนจะขึ้นมา เอาลูกเก้าหื้อแหมลูก ส่องไฟ หายไป
กำนั้น ตึงโดด ตึงล่น หุยขึ้นตั้ง
ขนแขนสแตนอัพ ขนหัวก้อแสตนอัพ
เดวมาเล่าต่อครับ
