หลังจากตึงโดด ตึงตกก๊าง ตกห้างสูงสักวาป๋าย เพราะบะแป๋งสูงเผื่อว่าตก แห๋มอย่าง แมงมันจะหันเข้าใส่
ตกลงมามาก้นเป้อขี้ดิน ปื๋นไปตี้ ไฟหน้าผากตก กระจกแตก งมๆ ซวาม ๆ บะปะหยังสักอย่าง กั๊ดก่อกั๊ด กั๋วก่อกั๋ว
กึดใจ๋ได้ลุกขึ้น จกเอาแปม เอาไฟแก็สออกมาปัด ก้อบะติด กั๋วก่อกั๋ว ปื๋นสั้นก่อบ่อเอาไป เพราะคนเขาว่าบะดีเอาปื๋นไปแอ่วห้วยกำสองบอก มันแก๋น???
กึดใจ๋ได้ มีดยังแหนบแอวอยู่ วันนี้บะได้ฟันหยวก ก่อขอฟันผีสักกำ อี้เต๊อะน่า
กำมีดใบยาว 12 นิ้วด้วยสองมือแบบซามูไร ฟันไปในอากาศ วืดวาด เตียวไปตังหน้ามืดก่อมืด ท่องกาถากั๋วผี เอ้ยผีกั๋วก่อลืมหมด
เตียวไปข้องใส่ปื๋น ดีใจ๋ขนาด ฟั่งเสียบมีดเข้าฝัก หักลำ ซวามหาลูก
กำละกู เข็มขัดหายไปไหนใคร่ไห้ล้ำ
