หนาวนักแก
เดือนก่อแจ้ง ตะวา เดือนสี่เป็ง เปิ้นตานข้าวใหม่
วันนี้ แฮมหนึ่งค่ำ เดือนยังแจ้งดี กึดจะไป เซาะถ่ายฮูบแมง Playboy หูยาวก้อหนาว
แป๋งห้างอยู่ก๋างไฮ่ เลือกเอาต้นบ่าม่วง ตี้บะมีมดส้ม
ผ่อหนตางมัน ชอบเลาะเลียบขอบไฮ่ ออกมา เซาะกิ๋นยอดหญ้าหนุ่ม เดือนแจ้งอย่างอี้ ตึงหันมันโดด ย็อก ๆ ๆ
บางตั๋วก็ ล่นแบบบะมีเบรค สดไปหายแซบ สงสัยมีประสบก๋าน
ขนาดเอาแส้ไม้ซางขวางตางมันไว้ ยังบะเบรค
เป๋นละอ่อน ต๋อนเล่นปื๋นบะแต็บใหม่ ๆ เมื่อแลงไปนั่งบนต้นไม้ ห้างเก่าเขาแป๋งไว้
เอาป๋าหมึกแห้งดองน้ำป๋า เทลงในหลุม ก๋างตางมัน ปอมันมาดมๆ เลีย ๆ ยกขึ้นยิง
บะแต็บแตก แต่บ่าเข้าเลา คือไฟบะเข้าในรังเพลิง
ผ่อมันได้ยินเสียง ยกขาหน้าขึ้น แป๋งหูซ้าย ขวา
แล้วก้อก้มลง กิ๋นใหม่
แกะบ่าแต็บใส่นมหนูใหม่ ยิงแตกแต่บะเข้าเลาอีก สงสัยน้ำลายสะเด็นเข้านมหนู
อยากกิ๋นล้ำ
กึดถึงสมัยก่อน มะแลงเอาหมาไล่ ล้อมวง เอาก๋งยิงยังได้ แมง Playboy นี่นาเหมือนว่ามันบะอดทนสักเต้าใด
มันใจ๋เสาะ บางเตื้อสะดุ้งบะดาย ยังต๋าย เป๋นละอ่อนยังบะชอบลาบ เอากั๋นปิ้งเอา
ปอเป๋นคนใหญ่ขึ้นมา เอาแก๋งใส่ต้นกล้วย
