อู้เรื่องไปนอนห้วยครับ
เกยปาหนานสึกใหม่ไปแอ่วตวย ปื๋นก่อบะมี เอาเทียนพรรษาเล่มใหญ่ไปเล่ม บอกว่าไว้ต๋ามกิ๋นข้าวอี้หว่ะ
ปอตกแลงเจ้าหมู่ก่อละปี้หนานเซาะหลัวดังไฟ ตักน้ำเข้าป๋าง หมู่ไปผกแมงเขี้ยวยี่ ได้มาลาบกิ๋นกั๋น
หลังจากนั้น หมู่ตี้ไปส่องไฟก่อไป หมู่ตี้ไปอยู่ด่าน อยู่กิ่วก่อไป หมู่เมาเหล้าก่อนนอนอู้กั๋น แต่เขานอนเปล ละปี้หนานนอนดิน ข้างก๋องไฟ
ก่อนนอนเขาหันเปิ้นไหว้พระ ป๋ายบะปอ มนต์ข้าวสารเสก หว่านรอบ ๆ ป๋าง
ยังบะตันได้สักงีบ ได้ยินปี้หนานลุกมาแก้เสื้อแก้ผ้า เป๋ยจุ้น ตืบดิน ตุ๊บ ๆ นึกในใจ๋ว่าเอาละ ปี้หนานท่าจะโดนละ
ฟั่งเปิดไฟฉายส่อง ถามว่าหนานเป๋นหยัง หนานเป๋นหยัง
เป๋นว่า มดง่ามเข้า มดง่ามมาตวยข้าวสารเสก
