อะละ อะละ...อู้เล่นบะดายบะย่ะ

[น้ำปู]

เน็ต ผมมีปัญหา อ้ายก๋องท่ากำเน้อ

[กาสะลอง]

เน็ต ผมมีปัญหา อ้ายก๋องท่ากำเน้อ

 สองแปดครับ ขอบคุณหลายครับ อ้ายน้ำปู๋   

[น้ำปู]

เอาละ เข้าใด้ละ อย่างละเอียด ยาวพ่องเน้อ เว็ปฝากฮูป ก๊บ นั่นก่อเปลี่ยนไป ใจ้บ่าจ้าง
 ก่อนอื่นก่อหา ห่วงก่อน วัสดุอะหยังใกล้มือ ปอจะขดเป๋นวงใด้ ใจ้ใด้หมดครับ อันนี้เอาตางม่ะป้าว  คอขวดพลาสติก  ปากแก้วพลาสิก เพราะมันตั๊ดง่าย

[น้ำปู]

หาถุงพลาสติก แบบใส ขนาดใหญ่หน้อยจะดี อันนี้ไปหาซื้อ เปิ้นบอกใหญ่สุดในร้านละหว่ะ
ตัดมุมใดมุมหนึ่งของถุง ฮูตี่ตัด แล้วแต่ขนาดของป๋าตวยครับ ผมเกยตั๊ดฮูใหญ่ไปหน้อย ใด้ป๋าสลากบานเลย
เอาเป๋นว่าป๋าซิว ประมาณ สองเซ็นต์ แต่บ่อต๋ายตัวเน้อ ปรับเอาต๋ามหน้างาน

[น้ำปู]

  เอาห่วงตี่ทำใว้ ใส่ไปในถุงครับ ก่อยขยับมาตางมุมถุงตี่เฮาตั๊ดเป๋นฮูใว้
จั๊ดมุมหื้อปอดี ประมาณว่าฮูถุงอยู่กึ่งกลางห่วง บ่าเอียงตางใดตางหนึ่ง

[น้ำปู]

กำนี้ยุบแจ่งถุงเข้าไปด้านใน ห่วงมันจะกั้นใว้ ขยับหื้อมันปอดี หาอะหยังมาเย็บเหียน้อย กั๋นมันขยับแหม
เสร็จแล้วจะออกมาอย่างอี้ครับ

[น้ำปู]

วันนี้ทำสามอัน ตางม่ะป้าว  คอขวดพลาสติก  ปากแก้วพลาสติก
ไปลองเลย
 ไปถึงหมาย เป๋นว่าลืมเอารำมา ต้องส่งเจ้าหมู่ไปตี๋ซี้ กั๊บคนจ่อมเบ็ด ขอรำเปิ้นหน้อย

[น้ำปู]

ใด้รำมาแล้วก่อลองเลย
หามุมตี่ตื้นๆหน้อยน้ำใสๆ  เอาถุงตี่ทำมาตั๊กน้ำใส่เข้าไปประมาณกึ่งหนึ่ง กาว่านั๊กกว่านั้น แล้วแต่ความลึก
เป่าลมเข้าถุง หื้อถุงปอง
มันจะมีน้ำขังอยู่ตางในเต่าตี่เฮาใส่
มัดปากถุงเหีย

[น้ำปู]

แต่งปากฮูหน้อยหื้อมันเหมือนขนมจ๊อก
เอาเจือกมามัดปากฮู หาไม้มาปักใกล้ๆมัดใว้ บังคับหื้อปากฮู อยู่หนิมๆ
ความสูงระหว่างปากฮูกั๊บปื้น จะไปห่างแก่ กะประมาณซัก 4-5 นิ้วก่อปอ
เอาเหยื่อวางกั๊บปื้นเลยครับ หื้อมันตั๊ดปากฮู

[น้ำปู]

แหมอันก่อวางเหมือนกั๋นกู้อย่าง สังเกตุว่าผมจะเลือกตี่น้ำใสๆ แล้วก่อตื้นๆ ( เพราะแบบนี้เป๋นแบบวางตื้น ถ้าแบบ น้ำลึกจะออกแหมอย่าง แต่ก่อ ใกล้ๆกั๋นครับ เพียงแต่เปลี่ยนแปลงอุปกรณ์ อะหยังซักหน้อยบ่อดาย )

[เขรางค์-รักในหลวง]

อ้ายปู๋ลมจอยนี่   จ๊อยก่อม่วน   ค่าวก่อเหมาะ   เซ๊าะกิ๋นก่อเก่ง...............  

[2..U]

ถ้ามืดๆสักหน้อย...นึกว่าผีสือฮุ๊.......ก้มๆเงยๆ....ปากดูด...ปากดูด..... 

[น้ำปู]

รำตี่ขอเปิ้นมา บ่าปอ( บ่กล้าเอานัก หน้าต๋าคนจ่อมเบ็ด หยั่งสวก เอาก้อนเต่าหัวแม่มือ สองก้อน ) ก่อเลยดั๊กแค่สองถุง
หว่างนี้ก่อนั่งจิ๊บเบียร์อู้เล่นกั๋น เหลียวมาแหมกำ ลูกบ่าวลงไปว่ายน้ำโต๋ม โต๋ม เหียแล้ว ต้องฮ้องขึ้นมาเปลี่ยนเสื้อผ้า ใส่ของป้อมันหั้นเนาะ
ผ่อเวลา ก่อผ่านมาใด้เกือบจั่วโมงแล้ว ป๋าก่อเข้านักแล้ว(ถุงใสดีอย่าง ตี่ผ่อหัน ว่าป๋าเข้าไปนักละยัง หันเจ้าหมู่นั่งบ่ดายเลยใจ้มันลงไปกู้ กำแรกเตรียมสวิงมาดิบดี บ่าใจ้

[น้ำปู]

เหี่ยพ่องใส่ถุงตันพ่อง ประสาละอ่อน

[กาสะลอง]

เอ่อนั้น      เปิ้ลเป่าเมื่อลูนก๊ะ คราก่อน ผมบะได้เป่า เปิงละ ถุงมันแฟบ